[باجد عبد الرحمن]

الباب ياسع له جمل وأنت جمال=خذ .. ماتبي وحبال فكري رهايا
وأنتي على دربي من القلب للبال=طحتي قبل لا تصالين الحنايا
ماجابت القدره على كفها زال=وحسن النوايا فيك شر النوايا
من أول فرح فيك وأنت أول الفال=قبل أولك ياقف على أخر خطايا
عرضتني بعض التحمل والأهمال=حتى ظنوني فيك عوب غوايا
ليه أنت تفتح للخطا معك مدخال=وأثرت بقلوب تحبك ندايا
فتحت بيبان السراير لعذال=وحياض الأنفس من زعلها ملايا
يابنت ماني واحد همه المال=لو معظم السادات عنده رعايا
وأن كان قلبي للصعيبات حلال=ماأغواه وجه زيتنه المرايا
ماتاقف العثرة على درب رجال=أن ماتخطاها وقف للزرايا
أقطع طريق الوصل بأقفاي وأقبال=ماعاد باقي لك بقلبي بقايا
أرسلت لي كلمة أحبك بجوال=وأهديت وأسترجعت كل الهدايا
وأنا زماني يعتدل كثر مامال=أزين بعيون البري والبرايا

الموضوع الأصلي: الباب ياسع له جمل | | الكاتب: باجد عبد الرحمن | | المصدر: شبكة بني عبس

[محمد الراشد]

من أول فرح فيك وأنت أول الفال
قبل أولك ياقف على أخر خطايـا
عرضتني بعض التحمل والأهمال
حتى ظنوني فيك عـوب غوايـا
ليه أنت تفتح للخطا معك مدخال
وأثـرت بقلـوب تحبـك ندايـا


يالله ماهذا
صح كلك مقدما"
تسلسل جميل متقن جدا" يدل على شاعريتك

عرضتني بعض التحمل والأهمال
حتى ظنوني فيك عـوب غوايـا

هذا البيت من اجمل ماقراته بحياتي


لك مودتي

[باجد عبد الرحمن]

محمد الراشد

والله أن مرورك شرف لي بيض الله وجهك على حضورك ومرورك وردودك ومتابع لكل ماكتبت .

[ابو ريماس33]

فتحت بيبـان السرايـر لعـذال**وحياض الأنفس من زعلها ملايا

صح لسانك ابيات جزلة ولاتحرمنا من جديدك

[باجد عبد الرحمن]

ابو ريماس33

الله لا يهينك على المرور ..

وتسلم وتدوم

[فضي البراك]

ماتاقف العثرة على درب رجـال

أن ماتخطاهـا وقـف للـزرايـا

كتبت فأبدعت شاعر قدير ..

بس وش هالتوقيع باصاحبي هههههههههههه

[خالد ابن بركي]

صح لسانك ويعطيك الف عافية

[عبدالله معزي]

صح لسانك ياأستاذباجد وحياك الله في منتداك