[رشيد]

.

صعبه إذ منك هويت انسان غاب ولادريت

وصعبه إذا منّك لقيت أنك تعلمت السهر
.
ياضيق هالدنيا على صدري.. وانا توّي بديت
حتى عجزت انطق كلام ٍ في لساني.. من شهر
.
أقفيت أقلّب ذكرياتي مع سؤالك انتهيت
قدام شاعر قال شعره في عيونك وأشتهر
.
لاتعتذر وتقول أعيشك حلم.. قل أني غديت
وضيعت كل عمري عشانك بين.. حزني والقهر
.
وشلون تتركني لحالي وأنت ما عمرك قويت
تترك غلاك اللي تنامى في عروقي وأزدهر
.
ليتك بقيت وما رحلت وياه ليتك ما نويت
تقتل بي أوّل سالفة عشقٍ بدى بك وأدّهر
.
ظنك من أول ما رحلت أني على غيابك خذيت
وأنت بغيابك كل حاجه سيلت شوقي نهر
.
أنت الذي لا غبت لاحت صورتك في كل بيت
في شعري اللي قلته بعينك وقدمته مهر
.
تدري حبيبي لو رجعت لخاطري عاني وجيت
أنحر همومي في ضحى عيدي وأعلقها دهر
.
لو جيت لي ساعة تشوف شلون برجوعك حييت
قامت لك أشواقي غرام وقبلت فم الزهر
.
أرجع لي! وهز الحنين اللي سكنّي.. وان بكيت
لملم شتاتي في عيونك وأستر اللي ما ظهر
.
ولا من بغيت تغيب قلي لا تقول أنك نسيت
ودي تشوف شلون بغيابك تعلمت السهر

..
.
..

للشاعر / بدر الضبعان

الموضوع الأصلي: تعلمت السهر | | الكاتب: رشيد | | المصدر: شبكة بني عبس

[المميز]

أنت الذي لا غبت لاحت صورتك في كل بيت
في شعري اللي قلته بعينك وقدمته مهر


صح اللسان الشاعر بدر الضبعان
وسلمت يمينك على النقل,
كلك ذوووووق,,,