[سعد الفلاح]

--------------------------------------------------------------------------------

محاورة بين الشاعرين سعود العبدلي ورشيد بن معدي:
سعود :

أنا شهر وثلاث أيام أدورفي الرجال قضاه= وسمعت رشيد قاضي عبس في الحاضر وفي الماضي
أبا أعرض له قضية مالها في المحكمة مقضاة = لقيت البنت لقحت بأمها وش قلت ياقاضي

رشيد :

رشيد يشوف مقصود القصيد ويعتبر معناه = لحيث إنه يعرف إن الدروب طوال وعراضي
يقولون المدينة عن يمامة شرق فيه مراة = تموت البنت وتجاوب حياة بنشرة عكاظي

سعود :

أنا ليه خوي ما أتخاوى غير أنا وإياه = لو يغيض البحر صدره من الأعلام ماغاضي
عيون الذيب ربي ماخلقها من عيون الشاة = يجيك الموت لامات الطبيب مداوي الأمراضي

رشيد :

توكلنا على الله والحلال معزبك زكاه = لو إنك راضي شرع الزكاة أنا ماني راضي
على وين أنت رايح دام راس الذيب بالمنداه = تراك بوقت متقلب يصير الصقر بياضي

سعود :

علاك بخير ياعود عياله يتبعون رضاه = تذب الريع الأقصى والعرب بعظامها شاضي
وألا يابو معدي جبتها ياكبرها كبراه = ليامني نشدت رشيد قال البال مهتاضي

رشيد :

من الهاجوس والثاني وجرح مالقيت دواه = ونشدت الناس وين الحوت قالولى البحر فاضي
بغيت الحق مير الحق حطه عمي بمخباه = وقالوا لي توفى والمعزي تحت الأنقاضي

سعود :

ماعينت الثنية والرباع اللي وراء المفلاة=لياجوك المديد من البلد كملت الأغراضي
أكلت الصبروالحلتيت لين البطن راح ملاه = وذا الحينه تبرق بالعرب والقلب مغتاضي

رشيد :

يقولون إن عنتر يوم جاه الثور ماذكاه = وأنا لي الغنا وأترك مجاوب بعض الألفاضي
أنا مهتال في حجة سعود وشايب وصاه = وصاة العود تهوي به لكن الرب حفاظي

سعود :

ألا ياعبس هذا العود لامثله ولاحلياه = ألا يابعد مركاضه وألا يابعد مركاضي
أنا ما أدري وش أبا أقول يوم العود جاب أقصاه= بعد ماجات مومية السفيفة خرجها فاضي

رشيد :

لياخيل خيال الغيث مثل أهل الدبش خلناه = وأنا ما أخايل الأمطار دام البرق ماناضي
أكيد إنه لزمك القيض وتدور على فرقاه =وحسب للشتاء والبرد بعد الحر تعتاضي

الموضوع الأصلي: رشيد بن عنيزاب الرشيدي وسعود العبدلي المطيري | | الكاتب: سعد الفلاح | | المصدر: شبكة بني عبس

[سعد الشقل]

الله الله صح اللسان سعود العبدلي ورشيد بن معدي

ويعطيك العافيه على نقل المحاوره الجميله

[عبدالعزيز-الشقل]

الله الله صح اللسان سعود العبدلي ورشيد بن معدي

ويعطيك العافيه على نقل المحاوره الجميله

[عبدالعزيز بن شري]

الله الله صح اللسان سعود العبدلي ورشيد بن معدي

ويعطيك العافيه على نقل المحاوره الجميله

[سعودالرشيدي]

صح لسان الشعراء وشكرا اخ سعد على المحاوره الجميله

[ابو براك الرياض]

الله يعطيك العافيه