[ابو بيان]

بديـت بـآسـم مـكـون الأنــس والـجـان
بأسـمـه يعـاهـد كـــل جـــنٍ مـــرودي

وردٍ عـلــى مـاقـالـه فــــلان وفــــلان
ضعوف النفوس اللـي تغـث الكبـودي

تـاريــخ مـتـجـرد وتـألـيــف عـمـيــان
كـنـه عـلــى ظـلــم الـعـبـاد مـحــدودي

أخـص مــن سـطـر بالاحـقـاد ديــوان
حـقــود والـمـصـدر كـتـابـة حـقــودي

اليـا أنـعـدم مـبـدى العقـيـده بالانـسـان
يـقــدر يـســوي مـايـسـوي الـيـهـودي

ولأهل الوفا والصدق شكراٍ وعرفـان
وتـحــيــةٍ عــطـــره وبــاقـــة ورودي

نعـم رشيـدي مـن بنـي عبـس غطفـان
من قيس ابـن عيـلان شجـرة جـدودي

تحـت مسمـى عبـس واشجـع وذبـيـان
تلقـى عـنـا ويـنـي ومـجـدي وجــودي

هـرجٍ علـى صـدق وحقايـق وبرهـان
حـقـايـقٍ تــدمــغ دمــــاغ الـجـحــودي

حقـايـقٍ تــروي معـانـي خـبــر كـــان
بـخـطـوط كـوفـيـه بـصــم الـحـيــودي

حصل المنافس والسبب سبة حصـان
سبـة فـرس وحصـان راحـت فهـودي

وجانـا بـغـا التـركـي ودارن الاكــوان
دون الـكـرامـه والـوطــن والـعــدودي

ومـر الجفـاف وراحـوا البـدو فـرقـان
كــل ٍ طــوى بيـتـه بظـهـر الـقـعـودي

وزاحـوا لنـا مـن غبـر الايـام فرسـان
احــدٍ حـــدر وأحـــدٍ تـوجــه سـنــودي

شالـوا علـى فـلـك البـحـر لأم درمــان
يـبــون وديـــانٍ سـقـتـهـا الــرعــودي

ثــم استـقـروا بـيــن كـســلا وحـلـفـان
يـتـلـون شـــف مـطـيـرات الــبــدودي

ونـزلٍ نـزح للسيـف راضـي وقنعـان
مـــــن الـبــحــر لـلـدبـدبــه لـلـنـفــودي

قـوم ٍ لـهـم فــي سـاحـة المـجـد مـيـدان
يــــوم ان كــــلٍ دون حــــده يــــذودي

صـالـوا وجـالـوا واستـقـروا بـهـدلان
دار الـصـبـاح الـلــي تـلــم الــوفــودي

ونـزلٍ تــورث منـزلـة عـبـس بـأبـان
ونـزلٍ بـوادي السـر سـوى السـدودي

وفـي كـل دار ألـنـا مــوارد وعـربـان
وتاريخنا بارض العرب لـه وجـودي

وحـنـا بقـيـنـا بالـمـنـازل والاوطـــان
بأقسى الظروف مواصلين الصمودي

تـرمـز لـنــا الـكـفـه هـويــه وعـنــوان
الـنـاس تـعـرف والـعـوانـي تـــرودي

يـوم الجزيـره بـيـن تسعـيـن شيـطـان
نطعـن ونطعـن دون هــاك الـحـدودي

مــن المديـنـه حـدنــا ضـلــع حـبــران
مايمـرهـا الا مــن خـضــع للـقـيـودي

ومـن حـرة الكـوره لشـرقـي مـرغـان
بعـد امرنـا يــردون مـاهـا الــورودي

ومن ذاق ضـرب سهونـا راح ندمـان
يــمــوت مـافـكــر بــلـــم الــجـــرودي

اسـلاحـنـا قـــو العـزيـمـه والايــمــان
والا عــددنــا بـالـحـسـاب مــعـــدودي

ودخيلنـا ممـن عـن الضيـم مــا يـهـان
وسلامـتـه نـبـذل وراهـــا الـجـهـودي

وخويـنـا مايكـظـم الـغـيـض زعـــلان
وقـصـيـرنـا نـعـطـيـه حــقــه وزودي

حنا هل المعـروف ورجـال الاحسـان
قــومٍ نـجـود الـيـا أنـعـدم كــل جــودي

وأمجادنا غصـبٍ علـى كـل مرضـان
شـعـاع ذري فــي عـيـون الحـسـودي

ويـوم ارسـل الله مسلمـا لـم الاخــوان
سرنـا ورى صقـر الجزيـره جنـودي

من ضمن جيش الفيصلي نسل عدنان
والله يـشـهــد والـخـلايــق شــهـــودي

وننـعـم بحـكـم محاسـبـة كــل غلـطـان
ولا عاش من يجرح كرامـة سعـودي



من شعر \\ عيد بن مربح الرشيدي

الموضوع الأصلي: بديـت بـآسـم مـكـون الأنــس والـجـان | | الكاتب: ابو بيان | | المصدر: شبكة بني عبس

[سعد محمد]

اليـا أنـعـدم مـبـدى العقـيـده بالانـسـان
يـقــدر يـســوي مـايـسـوي الـيـهـودي

صح لسان الشاعر الكبير والجزل

ابيات جزله وفي قمه الرووعه بكل بيت.

الف شكرلك يا أبو بيان على هذا الذوووق

لا عدمناك يا ابو بيان

شكر لك وتقديري لك على لاختيار .

[ناصر الخياري]

نعـم رشيـدي مـن بنـي عبـس غطفـان من قيس ابـن عيـلان شجـرة جـدودي تحـت مسمـى عبـس واشجـع وذبـيـان تلقـى عـنـا ويـنـي ومـجـدي وجــودي هـرجٍ علـى صـدق وحقايـق وبرهـان حـقـايـقٍ تــدمــغ دمــــاغ الـجـحــودي

تسلم ابو بيااااان .
وصح لسان ابو غريب ..

[أمـ الشوق ـير]

صح لسان الشاعر الكبير والجزل

ابيات جزله وفي قمه الرووعه بكل بيت.

الف شكرلك يا أبو بيان على هذا الذوووق

لا عدمناك يا ابو بيان

شكر لك وتقديري لك على لاختيار

[طلال بن سعد]

صح لسان شاعرها

ولاهان ناقلها

وتسلم يمينك.

[.. شآعر ..]

يعطيك العافيه

[ابو بيان]

اشكر الجميع على المروور وتقبلو تحياتي اخوكم ابو بيان

[فهد الطويل]

صح اللسان الشاعر ابوغريب..
ولاهان ناقلها واشكره