[الشاعر المجهول]

[poem=font="arial,4,black,bold,normal" bkcolor="transparent" bkimage="" border="ridge,4,gray" type=1 line=0 align=center use=ex num="0,black""]
مرحوم ياشيخا توفى من سنين=قبل الضحية بعد عيد رمضاني
في شهر ذي القعده نعوه المصلين=راجين رب الكون فية الحساني
راح الذي لامن غدى الليل ليلين=الوذبه من جور هذا الزماني
راح الذي لامن جفوني قريبين=اخذ بشوره لو عليهم حداني
اربع عشر عاما وانا ابكيك للحين=في كل عيد يهل دمعي واعاني
من كايد الفرقا ومن موت غاليين= ومن صاليا داخل ضلوع المحاني
انا اتذكر طلتك ياضيا العين=يومي اتوق لضمتك والحناني
وانا اتذكر يوم ازعل وترضين=بالثوب والغتره وساعه عشاني
ببشرك يانبض قلبي بثنين=ان الله اكرمني ورزقي لفاني
بمحمد ابوية خصيم المعادين=ومحمد اللي ماله الا ثماني
ولاني بناسي محزمي لاحصل شين=سيفي ورمحي محتميلي مكاني
عسى الذي ارسل نبيه بهالدين=هادي جميع الناس قاصي وداني
انه ينجي والدي من عذابين=ضيق القبور ومنزلات الطماني
حيثه يبر بوالدية الكبيرين=حيثه مايرضى لوالدية الهواني
ماراح ابد انساك يابن الكريمين=خذها عهد مني يقوله لساني
الا ليامنه طلب ربي الدين=مني واخذ روحي الة البناني
[/poem]

الموضوع الأصلي: قصيدة في والدي رحمة الله علية | | الكاتب: الشاعر المجهول | | المصدر: شبكة بني عبس

[الشاعر المجهول]

تحياتي ياعبس

[سيف المهيمزي]

صح لسانك والله يرحم ولدك

[برق الوسم]

صح لسانك يالشاعر المجهول ..
والله يرحم والدك ويسكنه فسيح جناته ويحفظ لك ابو ثمان سنوات ويطول بعمرك وعمره ..
تقبل مروري ...

[الشاعر المجهول]

صح بدنك ومشكورين ماقصرتوا ياعبس