[ناصر الشريف]

اختلق للحرف معنى وادفنه جوف الظلوع
وارسمه باحداق غيري لين يبتل ابتهاج

الله يعين المعاني ترتجي اليوم الطلوع
والله يهني طموحي في تباريح المزاج

قمت اولع من ضمير للتعابير الشموع
لين ولعت المدينه والضيا جوف السراج

قمت اهني نفسي بعزة خيالي والطبوع
وارتويت الغيره اللي شكلت حولي سياج

ما طمعت بشي لني باللي اختاره قنوع
قانع بحالي كذا حتى لو اعياني العلاج

صعبه اقدم للمنايا وانثني صوب الرجوع
والمشاكل سببت في داخل المخ ارتجاج

اعلنيها يا معاني الشعر في وسط الجموع
اني اشعر فالصميم اليوم للشعر اختلاج

شاعر يغني من الاهات واحساسه يلوع
شكلت لاحزان في قلبه مع الدنيا حراج

ما تعدى نظرة العالم وله مليون نوع
ينثر حروف المآسي لين يكسيها اندماج

تندمج في قلبه المفعم ولا يهوى الخضوع
كم تحيه في ضميره فلت اطراف الحجاج

هم روحه في معاليقه من القسوه يفوع
يوم روحه بالتعامل صافيه مثل الزجاج

الاهانه للشلي قد تعتبر عند الوقوع
بين ناس ما يشابههم سوى وصف النعاج

الموضوع الأصلي: المشاعر والجموع | | الكاتب: ناصر الشريف | | المصدر: شبكة بني عبس

[كاتب الرشيدي]

اخوي ناصر الشريف


قصيدة جزله ورائعة

شاعر رائع

استمتعت بقراءة النص

.اتمنا لك التوفيق

لاتحرمنا من جديدك

[بركه الخياري]

صح لسانك يالشريف

على الابداع

تقبل تحيايي

[برق الوسم]

قصيده جميله ...
صح لسانك ... لاهنت ... ياناصر
تقبل مروري ...

[ممدوح العريض]

صح لسانك وعلا شانك وسلمت يمينك

تقبل تحياتي ....

[طارق]

صح لسانك وعلا شانك وسلمت يمينك
تقبل تحياتي ....

[ذيبان الرشيدي]

لله درك
من مبدع

نص
فاخر وزاخر
وحاوي لدرر كامنه في طياته

لله درك .. وبالخير سرك

نترقب
جديد نضحك

دمت
بخير وعافيه

[وسام عبس]

صح لسانك حتى الرضى

قصيده قبلت هام السماء بروعتها

كل الشكر لسمو حرفك

تحيتي ~