[ლ..عذبة الاطباع..ლ]

السلام عليكم ورحمة الله وبركاته




مافيه داعي تهلّ الدمع مـن شانـي
بكره يقولـون ليـه الحـبّ بكيّتـه

.

أنـا تمنيّـت تذكـرنـي وتنسـانـي
وأنته يا ليتك تمنـىّ اللـي تمنيّتـه

.

رسايلك جات .. بين أسمي وعنواني
وتعلّقت بيـن .. ضيّعتـه ودليّتـه ؟

.

بعض البشر لو يدوّرني مـا يلقانـي
وبعض البشر لو يجاذب سيرتي جيته

.

لا تنشغل خلّنـي يـا سيـد خلانـي
استسمحك وقتي اللي معـك مضيّتـه

.

قل فارس الحلم .. خليّتـه وخلانـي
أو قول بالعكس .. خلانـي وخليّتـه

.

ياسيفي ودرعـي وخيلـي وميدانـي
البيرق المنكسـر لرضـاك رزيّتـه

.

أموت من ضيقتي ميـر الله أحيانـي
وجوارحي معك لا حيّـه ولا ميتـه !

.

رغم اني اعاني من الوقت ما اعانـي
صبيّت صبري على جرحي وداويتـه

.

يا اللي تبيها سوى وصلي وهجرانـي
الأوّلـه زلّهـا .. والثانيـه ليـتـه

.

فرشت لك صدري وشلتك في وجداني
وأرتحت في قلبي المفـروش وأذيّتـه

.

في ذمتك لا تراودني علـى أجنانـي
وصلـت حـدّ الجنـان ولا تعديّتـه

.

وان قلت وشجاك مدري منك وشجاني
قطعت حبل المحبّـه يـوم شديّتـه !

.

أراجـع الذاكـره وأكوسـر ألحانـي
وكم طاري ٍ ما نسيته لـو تناسيتـه

.

العام أنا .. مبتلش في عقدة لسانـي
واليوم أنا .. شاعر ٍ ما ينهدم بيتـه

مما راق لي

غذبة الاطباع

الموضوع الأصلي: مافيه داعي تهلّ الدمع مـن شانـي ...!! | | الكاتب: ლ..عذبة الاطباع..ლ | | المصدر: شبكة بني عبس

[سعد محمد]

ابيات جميله ورائعه.
تقبلي مروري.

[ლ..عذبة الاطباع..ლ]

اشكرك على مرورك الرائع

دمت اخي

[سعد عبدالله]

رغم اني اعاني من الوقت ما اعانـي
صبيّت صبري على جرحي وداويتـه

الله ابيات روعه وقراءتها اكثر من مره
سلمت يداك عذبه حتى في اختيارك
دمتي لنا

[ლ..عذبة الاطباع..ლ]

الروعه توااجدك يالغاالي

[سالم الرشيدي]

ذاائقه رووووووووعه

صح السأن شأعرها
ذكرتني بقصيده شخص ما
يسلمو عذبه ولاهنتي يالغ ــلا

[آهــذريــبــك]

اختيار رائع

وهذا دليل على ذووقك

الف شكر لك

[قف أمامك رشيديه]

آنتقآء بـ جمآل رووحكـ عذوبه

..

قصيدة فآقت ,, آلرّوعة ,,,
صحّ آحسآسكـ

ودآامت لنآ هالذّآآئقة