[صالح المنصور]

(ابوعواض), مروض الصعب, المعزب, المهم 1, الاجهر, الاســد, ابو موسى, ابن الخميلي, ابن حيان, ابوذيل, اخوصلــــفه, ثويمرالعجوني, دامي الحرف, خالد الفلاح, راعي الرعله, صالح المنصور, شاعر مربوش, شاعـ ع ـر, سيف العز شلته, صقر ابن عبس, عايض ابن جوهر, عنتر زمانه, عويض بن شامان بن خلف, فلاح الفلاح, فهد القلادي, نايف ابن عليثه, ناصر خنيفر

صح الله ابدانكم
واشكركم علي مروركم العذب ولاهنتم

[قسورة الغاب]

اقتباس من مشاركة عايض ابن جوهر تل قلبً هواجيسه تتل اقصاه = تلت الحكم من صدام بغدادي كل ماقبل سواد الليل تل رشاه = من هواجيس جنح الليل ورادي هيت قلبي وعيا هاجسي يرواه = لين حالي برا من قل مرقادي تقل بيني وبين النوم يوم ابغاه = حال جنب الطويل الشامخ البادي ضلعً ابدا من طويق الخطا ترقاه = كل ماخلف لذيذ النوم ميعادي كن ساقي ليا مني رقيت اعلاه = خطو ذيبً لحقه الموت للوادي النهار امكنه والليل ماعشاه = والشواوي عليه تصيح وتنادي يورح الملح واطشاش الرصاص اعماه = يوم يخطيه فالصوان صيادي ماحصله سلامه والخطر ينحاه = والبلاجيك عنه تزم وتقادي يابن جوهر صواب الذيب من يرفاه = يوم زبن صوابه روس الاشهادي الذيابه ماتضمد يالعقيد ادماه = لو علي شان حتي الملح والزادي ليت حالي ماهو حاله ولا حلياه = وافرق اني رفيق اعيال الاجوادي صاحب الجنب وسط عيونهم ملفاه = مايكنون منه اضغان واحسادي ريف الاحيا هل النوماس واهل الجاه = عبس عبس الفخر واعلام الامجادي ويابن جوهر سلام الله عليك اقراه = واقبل اختامها بالمسك والكادي رد الشاعر عايض ابن جوهر على الشاعر / صالح المنصور ياهلا مرحباء بالي رسم معناه = من هجوسٍ تحضر وتبعد المادي مثل وبل الخيال الى تنثر ماه = لاح براق ورزم صوت رعادي ودلهم الخيال وزاد من منشاه = وذعذع النود غربي والمطر زادي وكل وادي طغاء سيله على مجرآه = والبرد لبيض القيعان جلادي والبدو يسمعون بذكرة وطرياه = من نزوله شهر والناس نشادي وانت طعني ليطاح الحيا تنصاه = وتنقل العلم للحاضر وللبادي وان وصلته تبي تبعد عن المضماه = ما بدار الدهور الجرد مقعادي وصلني علمك الى مختلف مبداه = والهواجيس سردادي ومردادي يابن منصور من صاب الهدف مخطاه = والنظر في صواب الذيب ينعادي جاوب الذيب ذيب بجرته للعواه = ول لاعاد صوت الذيب لاعادي من وصل للخطر ماقول وش وداه = ادري انه حداه من الزمن حادي البنادم مسير في حكم مولاه = يالله اكتب لنا التوفيق يالهادي جعل راع الوفاء ماتنكسر يمناه = كاسب الطيب من تاريخ الجدادي انت من قوم فعل ومقافٍ تحماه = اهل سنان واهل عنان وشدادي الختام التحية جاتك مثناه = لك عبر قلعة التاريخ تنعادي

الله الله صوووت وصدا من روائع الدرر
صح اللسانك ياصالح المنصور
وصح اللسانك ياعايض
ابدعتم بيض الله
وجيــــهكم
ولاهنتم

[صالح المنصور]

صح ابدنك ياقسوره الغاب ومشكور علي التنسيق
الله يعطيك العافيه

[عايض ابن جوهر]

مشكور ياقسورة اللغاب
على التنسيق ولا هو غريب منك
فعل الطيب وافى بيض الله وجهك

[الاســد]

بيض الله وجيهكم جميع الاخ منصور والاخ بن جوهر ابداع ولاكل الابداع لله دركم ياشعار بني عبس قلعت المجد سجل ياتاريخ ماكان وماسوف يكون تحياتي واعجابي