[المر العذب]

ياوطنا دامت أعيادك=كل عام وكلنا دونك
الفخر يقدح من زنادك=والرخا يورق من غصونك
والمدى يستلهم أبعادك=والندى يقصر من لحونك
يوم جينا نكتب جهادك=والقلوب تقول ياعونك
القصايد يوم ميلادك=يوم شافتهم يهنونك
جت تخطى فوق سجادك=وريعت في صدر مضنونك
ومن غلاك وشيمة أمجادك=تنحني وتقبل متونك
ضم صدري ضم رعادك=لالوى برقه على ردونك
لين يروى من تنهادك=ياعساني فدوة مزونك
ياوطن يسعد لي بلادك=فدوتك من لايودونك
من يخون بملحك وزادك=خان ربه قبل لايخونك
قم تنقى وألحق افرادك=بالعيال اللي يعجبونك
ماخلق من يكسر عنادك=والخوارج مايهزونك
اعثر الله حظ حسادك=لعنبوهم مايعرفونك
مادروا عن سيرة امجادك=وماأستشفوا عقد مضمونك
قادوا الظلما لميعادك=وأكتسحهم نور مكنونك
وفجروك وشفت مرقادك=جرة القمرا على جفونك
كل هذا الحسن ببلادك=وكل هذا الكون ممنونك
ماتبى شاعر من بلادك=يعشقك ويصير مجنونك

مساعد الرشيدي

الموضوع الأصلي: مساعد / لعنبوهم مايعرفونك | | الكاتب: المر العذب | | المصدر: شبكة بني عبس

[نايف ابن عليثه]

صح الله لسآن .. الزعيم ..

وبيض الله وجهكـ .. فهــد القصبي ..

[الشاامخ]

حياااك الله فهد

صح لسان الزعيم.. ولا هنت على النقل..

فهد أنت دَعني أصفك بالمتميز.. لأن هذا أقل ماا يُقآل عنك..

وشكرأأأ

[مروان الرشيدي]

تسلم يمينك على هالنقله الرائعه



وصح السان الزعيم



قواك ربي

[عبد العزيز]

صح لسان الزعيم

وتسلم على الطرح

[ولد الشرقية]

صح لسان ابو فيصل
ومشكور يالغالي ع النقل .

[مرشدالمظيبري]

صح الله لسآن .. الزعيم

[رواية]

صح لسان أبو فيصل

شكرا أخي على هذا النقل