[شاعر الوطن]

شاعر الوطن

يا مسري سرها يا صاحبي مسرى الذيابه=يالصحيب الي يميز بالقريـب وبالبعيـدي

انت عمده لك مقام ولك مع العالم مهابـه=لو تحجر ناصر اخنيفر مثل عقل الصعيدي

مسري

مرحبا باللصاحب اللي مايضيع في جوابه=مايجي ناقص جوابه دايـم زود يزيـدي

ماعليكم زود ياشاعر وطن يانمر غابـه=ناصر خنيفر معه عقل مثل عقل البليدي

شاعر الوطن

انت سيف العز وقت الحرب كـل(ن) يعتزابـه=في دروب المجد لا يمكـن تميـل ولا تحيـدي

لو مشى درب الرسول ولو مشى درب الصحابه=يعرف ان الطيب والمعروف يعطيـه الرشيـدي

مسري

بس سيف العز يارجال مـن قـوة نصابـه=العدل مطلوب وينك وين يالـراي السديـدي

كل يوم اشوف صاحبنا ينـوخ فـي ركابـه=اصبروا والموت يالاصحاب في حبل الوريدي

شاعر الوطن

أصبر أصبر والصبر محمود لو مر(ن) عذابه=من صبر يبشر بخير ويبشر بشي(ن) فريـدي

الضعيف الي يحقر الناس ولا يحسب حسابه=من تكبر فوقـه الله ويفعـل الله مـا يريـدي

مسري

اخو صلفه صابر لوشاف ميلـه وانقلابـه=ماعلاه اللي بنا بيته على ساس جويـدي

الضعيف اللي يحوص مايناطح بالمجابـه=يضحك بسنه وجوف القلب حقد وفيه كيدي

شاعر الوطن

انت عمده غصب عن خنذف وغصب(ن) عن شبابه=مثل ما قال المثـل مـال الحديـد الـى الحديـدي

واعـذاب القلـب مـن بعـض الاوادم واعذابـه=شكك ابعبس العريبه الـي لهـا مجـد(ن) تليـدي

مسري

قولتك هاذي حقيقه ماعلى قولك غرابه=الخبر منشور للعربان مع ساع البريدي

صاحبي ياصاحبي لوه توه في شبابـه=له ثلاث ارواح عله ياعميلي مايصيدي

شاعر الوطن

لازم الانسان ايسمي في طعامه مع شرابه=حتى ايبارك تعالى ويجعله خير(ن) مديدي

لو تغير في طبوعه ما جهلنا فـي ثيابـه=بعد بكره يبين نور الشمس ويذوب الجليدي

الموضوع الأصلي: شاعر الوطن + مسري | | الكاتب: شاعر الوطن | | المصدر: شبكة بني عبس

[(ابوعواض)]

الله عليــكم


ابداع لاهنت ع التنسيق^_^

[الاشقر]

صح اللسان مسري وشاعر الوطن

شعار جزلين وغنين عن التعريف

[اخوصلــــفه]

صح لسانك ياشاعر الوطن وبيض الله وجهك على التنسيق ياللغالي

[اخوصلــــفه]

اقتباس من مشاركة الاشقر صح اللسان مسري وشاعر الوطن شعار جزلين وغنين عن التعريف

صح بدنك يالاشقر ويشرفنا مرورك وتعليقك ياللغالي ولاهنت

[ابو بيان]

صح اللسان الشعراء وبالتوفيق

[~:(دلال):~]

...شكرآ .....

[ناصر الخياري]

تسلم وعاشو الشعاار والعمده يستاهل ...