[ميلاس]

يا اللي لمحتوا دمعتـي بجفونـي

مستغربين اللي حصـل ياسـاده!!

تكفون لفـراق الغضـي خلونـي

أشكي همومي محتضن لي وساده

ماعاد أبيكـم تنشـدون شلونـي

جرحي وعارف علتـه وضمـاده

إن كان بيديكـم سنـع شوفونـي

وإلا اتركونـي للحـزن واجهـاده

من يوم غابت عن سماي وكونـي

مولاة قلبـي.. غايتـه.. ومـراده

أم العيون السود / كـل جنونـي

ست السمر والبيض.. وأحلى غاده

كني عن أبواب الفـرح صدّونـي

وإلا الصبر.. كثر الرجا مافـاده!

لابو قصيد ٍ يرتضي لـي هونـي

يشكي من الحظ الردي وعنـاده!

قولوا لها شاللي حصـل؟ دلّونـي

(أبطت) .. وخابر مالهـا بالعـاده

بعض البشـر غابـوا ولاهمونـي

والبعض يمكـن خيرتـي فابعـاده

بس المصيبه لو تصيـب ظنونـي

بغيـاب نـور وطلّـة المـيّـاده

قولوا لها والشـوق زاد شجونـي

وينك؟؟ تراني مـا أطيـق زيـاده

يا ام الغلا كلـه ونـور عيونـي

ياروووح نآصـر ونبـض فـؤاده

شوفي غيابـك يستثيـر سكونـي

والليل عينـي ماهتنـت برقـاده

ضاقت نواحي خافقـي وركونـي

من روحتك فجـأه بـدون افـاده

دفتر قصيديْ اشتاقلك من دونـي

صفحاتـه لرقـة يـدك معـتـاده

وجدي عليـك اليـوم يامظنونـي

وجـد العراقـي لا بكـى بغـداده

أقسم بـرب البيـت واتعرفونـي

وأبيـات شعـري تنتظـر هـدّاده

إن كـان عـادت والله لْتلقونـي

أقصد وألبّسهـاْ القصيـد قـلاده

والحين أبي علم ٍ يكـفّ ظنونـي

منهو يجيب أخبارهـا ياسـاده؟؟

أما كـذا .. وإلا ابعـدوا خلونـي

أرجع لحضن وسادتـي كالعـاده!!

..
.
.
.

(( مع كل الحب والتقدير لكل من مر هنآ ))

الموضوع الأصلي: ... {رســـــــآلـــــــــــــة مشــــتـــــــــآق } ... | | الكاتب: ميلاس | | المصدر: شبكة بني عبس

[آهــذريــبــك]

قصيده رائعه

تسلمي ميلاس

وتقبلي مروري

[ميلاس]

يسلمك ربي

الاروع مرورك

دمت ودام تواصلك

[منارة الذئاب]

الله على هل قصيده تذكرني بيامأ مضت تقبلي تحياتي .......

[اسير الليل]

رووووعه كلماته
يعطيك العاافيه0

[شداد المظيبري]

رائعـــــــه

احسنتي الاختيارررررررررر

[ميلاس]

اسعدني مروركم

الاروع تواجدكم بمتصفحي

دمتم ودام تواصلكم

[الزين الرشيدي]

يعطيك العافيه
ميلاس على الذوق الجميل
تقبلي مروري