[فيصل الرشيدي]

كانت هذه مشاركة الشاعر / عواض بن عايض بن صنهات العويمري الرشيدي


بمسابقة السامر .. (قصيدة الخمسين ) التي لم يحالفها الحظ بالفوز ...


علما بأن اول 3 ابيات للسامر ...

عز الرياض وعز وادي حنيفه=وعز الامارة والأمور العظايم
حكم العدل سلمان بالعز ريفه=خمسين عام كل ابوها غنايم
تبصر بعدله عين حيٍ كفيفه=المجد له والطيب والعز دايم
حلال عقدات الأمور العنيفه=لا جاء نهار(ن)فيه شد الحزايم
تقوى من عزومه عزوم(ن) ضعيفه=يركيلها ضلع(ن) عزيز القوايم
مزبان من يوجس من الوقت خيفه=ليا صار حمله فوق الأكتاف ظايم
أمضى مع الأيام رحله كليفه=رحلة عمر يغرقبها كل عايم
جا للرياض والجرح يشكي نزيفه=وأهدى لها ثلثين عمره تمايم
داوى الجروح الكايده والطفيفه=وسكّر على الأوجاع كل الخرايم
صارت عقب حكمه غصون(ن) مريفه=اخضرت اوراق الغصون الصرايم
ترعرعت في ظل كفّ ٍ عفيفه= تعطرت منها هبوب النسايم
واليوم من فوق المداين منيفه =ما حام بجواها من الخوف حايم
السيف عادل والنوايا نظيفه=قوّى عزايمها قوي العزايم
مرن ثقيلات الليالي خفيفه=والمجد للي في سما المجد قايم
من أوّل مصيف المجد لأخر مصيفه=خمسين عام وهم الأيام نايم

الموضوع الأصلي: مشاركة مسابقة الخمسين .. للشاعر عواض العويمري | | الكاتب: فيصل الرشيدي | | المصدر: شبكة بني عبس

[*العبسي*]

[عايض بن صالح]

لاهنت يافيصل على النقل

وصح السان الشاعر

على هالقصيده الرائعه

ومعوض خير انشاالله

تـــــحيتــــــي

[مسندالعويمري]

لاهنت يافيصل على النقل

وصح السان الشاعر

على هالقصيده الرائعه

ومعوض خير انشاالله

[عبدالعزيز الخياري]

صح الله لسانه وكفى ووفى حتى وإن كان لم يحالفه الحظ

قصيدته لاغبار عليها،، ولاهنت يافيصل على النقل

[المكوشح]

صح لسان الشاعر عواض ولاهنت على النقل