[Muhammad]

بسم الله الرحمن الرحيم

قصيده اخرى للوالد

كتبها في رثاء جدي الله يرحمه

حبيت اشارككم بها

الله من عينن بكت غالين راح=روح وخلاني وانا بحاجتله
عليه قلبي غادين كله جراح=وعيني عليه الدمع قامت تهله
يارب يالمعبود خلاق الارواح=ياعالم باللي كتب باسجله
يارب ارحم والدي لجل يرتاح =واغفر خطاه وذنبه وكل زله
واجبر عزاي وبذل الحزن بافراح=الامر لك يارب دقه وجله
وقلبي اللي كن في وسطه ارماح=تكانفت قلبي وقامت تتله
ان صاح المخلوق وان كان ماصاح=الله عليم بالذي حاصلله
دنيا كفى الله شرها مابها ارباح=كلن يموت ويترك المال كله
كم واحد قبلي قضى وقته انياح =جاه القدر من قبل يغادر محله
مسحت دمع العين بالكف اليا لاح=وعيني اللي فيه تسعين عله
كل الجماعه بعدكم عندي اشباح=مافيهم اللي خاطري مايلله
محد فهمنا لو هرجنا بالافصاح=ومحد يصدق لو انا قايلله
وعندي خبر باللي يقولون ياصاح=عندي كلاماً مانشر بالمجله
يارب يالله تجعل الحزن ينزاح=وتلطف بحال اللي دعى مرسلله
يامن جعلت الجنة الخلد مفتاح=مايملكه غيرك من الخلق لإلـلــــه
ياللي سيرت الطير في ريش وجناح= يقبض بجنحانه بليــا مذله

الموضوع الأصلي: (يامن جعلت جعلت جنة الخلد مفتاح) | | الكاتب: Muhammad | | المصدر: شبكة بني عبس

[الشاطئ المهجور]

الله يرحم اموات المسلمين يارب العالمين
وصح لسان الشاعر وياليت تعطى نبذه عن صاحب القصيد تحياتي لك
اخي محمد

[برق الوسم]

الله يرحم اموات المسلمين يارب العالمين
صح لسان والدك ولاهنت على نقلها لنا
اسمح لي بنقلها للمكان المناسب هنا
تقبل مروري

[نبيل العرعري]

الله يرحم اموات المسلمين يارب العالمين
صح لسان والدك ولاهنت على نقلها لنا
اسمح لي بنقلها للمكان المناسب هنا
تقبل مروري

[ابو ريتاج]

الله يعطيك العافيه اخوى محمد وصح السان الولد والله يحفظه ورحم الله جدك وسكنه فسيح جناته

[سالم المظيبري]

الله اكبر قصايد رئعه جدا
وصح السان والدك
ورحم الله والده
وشكرا لك على النقلiiiiii

[رسام]

رووووووووووعه اشكرك من كل قلبي