[ولــد خــلف]

السلام عليكم ورحمة الله وبركاته

بدون مقدمات إليكم ..

الشمعه اللي كانت ..

انسي يابنـت وسـوي اللـي تسويـن=ماهـي نهايـة دنيـتـي لانسيـتـي
يعني خيانـه شـي عـادي تخونيـن=لامـال لا راسـي ولااهتـز صيتـي
عن العواصف مادرى سـور برليـن=سكّـر وراك البـاب يومـك مشيتـي
تكسـرت كـل القـيـم والقوانـيـن=وماعـاد هقواتـي مثـل ماهقيـتـي
بعيـش باقـي مابقالـي مـن سنيـن=وحيـد لكـن (حـر بحـدود بيتـي )
انا مسافر بـس مـدري علـى ويـن=عكس اتجاه اخطـاك دامـك مشيتـي
ابعد مـن احـلام الأمـل والبراهيـن=وابعد من ( الصدق بفمك لاحكيتـي )
يامدلهه عمرك علـى حظـك الشيـن=يامانّـه مـداتـك الـلـي عطيـتـي
لاتاخذيـن الحـب صدفـه وتخميـن=الحب واضـح وانتـي اللـي بديتـي
زيف المشاعر غير صـدق المحبيـن=وحبك غلـط ياللـي لذاتـك شريتـي
قولة هلا .. يانور عيني .. على مين !=قـد انتهـت عنـدي مثـل مانتهيتـي
فيـك البقـاء ياهـم شعـري وتبقيـن=ينفعـك مـن عنّـي عليـه ارتكيتـي
ومادام نوم العيـن قـد جـاز للعيـن=ولاعاد انشّـد ويـن رحتـي وجيتـي
خلاص روحي وعشقي من تعشقين=ذنبـك هدمـتـي مابقلـبـي بنيـتـي
فتره ..ومرت..ونتهـت ..والله يعيـن=( شمعه وذبتي لين حتـى انطفيتـي )

الموضوع الأصلي: الشمعه اللي كانــت ... ! | | الكاتب: ولــد خــلف | | المصدر: شبكة بني عبس

[جميل مساعد]

مرور أول : صح لسانك وبيض الله وجهك .. قصيده جزله من شاعر جزل

[برق الوسم]

صح لسانك ولد خلف
قصيده جزله من جزل
تقبل مروري

[فهد المويسه]

عايد بن خلف المظيبري

صح لسانك على القصيده الجزله

والصراحه استمتعت وانا اقرائها

وبيض الله وجهك

وتقبل سلامي

[عبدالله المظهور]

وش اقول ياابن خلف .. غير صح لسانك
لساني يعجز عن الكلام امام قصائدك
وقلمي يجف عندما اريد ان اكتب لأعبر عن اعجابي بما قرأت .

قصيده رااائعه .. كروعتك المعهوده .

تقبل تحياتي وفائق احترامي وتقديري .

[يوسف الاسود]

قصيده في منتهى الجمال وعجبني البيت كثير(خلاص روحي وعشقي من تعشقين00ذنبك هدمتي مابقلبي بنيتي

[المحيط الهادي]

قصيدة جميلة وممتعة ..

لكن لدي ملاحظة صغيرة في ( وحيد لكن حر بحدود بيتي ) أعتقد إنه خانك التعبير في هذا الشطر من القصيدة ..

عموما صح لسانك شاعرنا المبدع .

[ابن سعيد]

صح لسانك ولد خلف

قصيده جزله من جزل

تقبل مروري