[مسندالعويمري]

قصيدة التحدي
بسم الله الرحمن الرحيم
هذه القصيده قصيدة تحدي من الشاعر عبدالله معزي للمجاراه ولايعني ان هناك كبر اوتعالي على احد ولكن من باب تحريك القريحه لدي الشعار ولمن يهوى الشعر ويحب التحدي يجاري طبعن القصيده وجهت لي ولبو فيصل

تحدي

الايابحـر والمـوج يابحـر مـده طـال =شواطيك وارضك يابحـر دهـر ومحفـه
صباحك عبوس ووجهك ازمه وسوءاحوال =توتر سياسـي بيـن شاطيـك والضفـة
ابا اغوص في غبتك وابحر وفيك اجتـال =واباالعب علـى حبليـك بـالاال والاافـه
وابرفع درجـات التأهـب لاقصـى حـال =واباعـد جيشـا ماوطـة رجلـه يسفـه
اذا طار عن بنت الهلالي خفيـف الشـال =يفجـر ضلامـي خدهـا واخــذ (....)
تغنج بضلا به لها غطوتا وضلال= تحت حد سيفي لمعة البرق اباارفه
واباهوش لجـل عيونهـا وافحـم الخيـال =على ضهور قبا كنه لريـش مـن خفـه
على ضهورهن والمعركه جاري الارسـال =سيوف القوافي تقطـع الـراس وتهفـه
واذا يامعمر كـل جهـدك ومتنـك مـال =تحفض بحمكمـك والمشاريـه مصطفـه
سيبقى لنا التعبيـر حقـا بـدون جـدال =وكلـن يقـول الـي بخاطـره وبشـفـه
انا لا تحـرش فـي بنيـاتـي الخـيـال =تهيج الهجوس وكيـف فنجالي اشفـه
تحدي يابوفيصل وابـو خالـد الاشبـال =مقاديم عبس الـي لكـم رجلـي مشفـه
تقولون زادالحمل والجمل له شيال = تثور الزمل والحمل بضهورها تزفه
مع الدو قفت ماش مرعا ولا مقيال = لهيب السموم اجباهها حره يلفه
نحـدي تحـدي والتحـدي بلا معدال =وانـا للتحـدي حـر وجناحـي ارفــه
اباانحت لكم في محـور الدائـره تمثـال =علـى فـن واهندسـه بارقـام واصفـه
جناح الدجى مع ضلمة البحر ولاهوال = تتوه غشيم وتبلغ النوخذه شفه
لو يميل حد السيف راس الجبـل لازال =عليـه العقـال وكاسيـا راسه العـفـه
اهندس من الاشعار مالا خطر فـي بـال =قوافـل ركابـي فوقهـا وسمي الكـفـه
جزايل وعن كل الهزايـل كرام سبـال =ولا كل فارس ينطح الجمـع ويكفـه

وهنا ردي على قصيدة ابو ري

ألايابحر مدك وجـزرك يبـي سـؤال=قبل لا شراعي موجك العـارم يطفـه
علا كثر موجك ماشربتك بقيض اللال=مابرد عطش نفسن من القيض ملهفه
مواجك تهيب وغبتك لـدرر منـزال=ورغم موجك القناص يعتاش من كفه
وسلامي على عد الروا ولحمول ثقال=مداهيل قومـن ذروة المجـد تعرَفـه
وسلامي على لحن الهجيني بلا موال=على ظهور هجنن كن بقدامهن خفـه
وسلامي على عبدالله معزي الي قـال=وقف التحدي واقرع الطبل مـع دفـه
وانا ماقفي جنبك يمينك علي ايا حال=يمين الوفا والطيب معروف من كفـه
ولكن على ماقيل من حيلتـن يحتـال=لوالعين تحت حجاجها تكثـر الرفـه
تبا تكيل وحنا نكيل يا وافي المكيـال=لو الناس تال الوقـت بلعـج منخفـه
ولاطار شال الي بخديه حبـت خـال=يكون الهوا طيَره يصاح مـن خفـه
وبعض العبايا لقي من تحتها رجـال=ماباقـي يحـط الـروج ويحمـر؟؟؟
لامن شي غربه لو بعد وقت حط ظلال=تشوف الكحل بلعين ومخضبـن كفـه
تكاثر علينا الطرق بلكيـل والاميـال=لكن صف ميشرف مناقف على صفه
وتفضل على المركه نبا نصبلك فنجال=وخل العلـوم الفايتـه جعلهـا هفـه

وهنا رد استاذي الشاعر فضي البراك

ألا يابحر والموج مـن جـال يصفـق جـال=محيطك محيط وعـن محيطـك علـى حفـه
جبـل حـد جالـه كـل ماجـاه مـوجٍ جـال=هدايـاه طـيـات مــن الحـيـد ملتـفـه
يبرهـن مـدى ثقلـه وتبقـى الثقـال ثقـال=ينوه على أعمـاق البحـر قبـل مـا يشفـه
أبدخل معه وأعرف خروجـي مـن المدخـال=واريـح قصيـدٍ قـال لـي هاجسـي عـفـه
مدام أن مامن حمـل يحمـل علـى الجمـال=كفوفـي تبـي تسكـب المـا علـى خـفـه
مـن الدرهمـه للمشـي للمشـي للـزرفـال=مـع الخـب جتنـي كـل الأريـاح منظَـفـه
أبلبس لثـوب الشعـر مـن عينتـه تفصـال=وأخلـي ردون الثـوب تلفـح علـى رفــه
ماهو واجـد اللـي قلـت دام النظـال نظـال=شعوب العـرب ماهـي علـى رأي مصطفـه
تبي تتعب الرحلـه وتكشـف خفـى الرحـال=وتبين الوجيـه اللـي عـن السيـر منكفـه
تمهـل ولـو بعـض التمهـل مـن الأهمـال=ترى الحوت في بطنه من الرمـل لـه سِفـه
دخلـت بمجـال تختنـق حولـه الأحــوال=ونحيـل العظـام ليـا وقـف صابتـه خفـه
أحـد مهتـدي ويظـل بالمهتديـن الـظـال=وأحد لو يظـل يحـب عقـب الهـدى كفـه
تظـل النخيـل الأولـه بالنخـيـل طــوال=ياحي النخيـل اللـي هـوى الغربـي يهفـه
أدور من أمثـال العـرب ويـش لـك ينقـال=ولا جايزلي غير الأطرش مع الزفه هههههههه
عمـى بالعيـون بفقـد الالـوان والاشكـال=من اللي يبي يقـود العمـى وان زعـل دفـه
لكـن المصيبـه قصـة الأعــور الـدجـال=تشوف اكثر اللي يكمـل الديـن مـن صفـه
كذا الفرق مـن مثقـال حبـه علـى مثقـال=وأنـا ماأنقـص المكيـال عنـدي ولا طفـه

وهذا رد شاعرنا المعروف ( العميل السري)

الا يابحر والموج يابحر حاله حال = على مدَك وجزرك تمرجح به الكفه
لو الموج له قدره منك يرفع ألاثقال = لقينا على ساحلك الاثقال منكفه
لكنه قصر عن غبتك مالقى مدخال = بدت هيبتك تطويه بالسطح وتلفه
سلامي سلاماً من طناخه وراحة بال = من الهاجس اللي يجمع الطيب ويزفه
على من بنؤا مجدٍ تفاخر به الاجيال = تشوف العدو من فعلهم منكتم بلفه
وبنت الهلالي سيف ابوها ذرا وضلال= ياكم فارسٍ من دونها راسه يطفه
وابو زيد حمَاي الحماء وقايد الابطال = حماها بسيفه ماحموها هل الشلفه
حلالٍ عليه الوسم يصعب على المحتال = لكن الغفال تروح بالكاش والسلفه
ونهاية حماس وفتح تبكي على الاطلال = اذا كان حزب الله هومدرَرالخلفه
ومعمرعلى مابه من أهبال زاد أهبال = ولاهو معين خير يوم أعلنو قصفه
تمادى بغيه يحسب الوضع لعب عيال= يتهجا كتابه والعداء قاسمه صفه
والا يابحرفي غبتك كم غدى رجال = لوالماهرالغطاس عنها ثنى شفه
ومن يسبر أغوارك اليا صال والاجال = رجع بالدرر ولا لقاء قبلها حتفه
هذا بختصار العلم ولاالعلوم اطوال = لوان الليالي بعض قنصاتها صلفه

الموضوع الأصلي: قصيدة التحدي | | الكاتب: مسندالعويمري | | المصدر: شبكة بني عبس

[أمـــير بـكلمتي]

والله والنعم فيكـ يابو خالد انت وعبدالله وابو فيصل ..

صح الله السنتكم ... وبيض الله وجيهكم

اشهد انكم جزيلين وتمتعون القاري ..

ولكن نشوف بقية الشعار

[أثير الشوق]

صح لسانك ...

[ناصر الرشيدي]

صح لسانكم

شعراء ونفخر بكم


تستاهل الخمس نجوم هالمشاركه لأنها نجم أضاء سماؤنا

...

[عايض الدمح]

صح السنتكم على القصايد الجزله

قصائد وافية من شعار وافين والله يعينك يابحر

[بدر الذيب]

بيض الله وجيهكم قسم ان قصيدكم متعه



ودمتم

[يوسف الاسود]

صح الله السنتكم ... وبيض الله وجيهكم

[العقاد]

صح الله السنتكم ...
وبيض الله وجيهكم