[سعد الشقل]

سلام عليكم

حبيت انقل لكم المحاوره الرائعه

بين الشاعرين المتألقين حبيب العازمي وتركي الميزاني


تركي الالفين






عزو صفوفكم طاري عليـه مطـاري
والمعاني سوات السوق بايع وشاري
نص مثل السيوف ونص مثل الشباري

وابن آدم علـى قـده يفصـل ثيابـه






ياحبيب وش يذريك فاليوم المخيف
من يهبد الارض فوقه يطير غبارها
احمد الله واشكر ثم عوّد في عفيف
وانتبه قدام بدلتك اقص ازرارهـا









حبيّب العازمي






عزو صفوفكم والعازمي مايهمـه
لو تقوم الصفوف اثنين مافار دمه
من يضحي بخاله من يضحي بعمه

وابن آدم على قده يفصل ثيابـه







اتذرى في حزامي وفالسيف الرهيف
وانطح العـدوان وادقهـا فازوارهـا
لاتحرى بارق الصيف وانته فالخريف
حفرة الشيطان طاحت على حفارهـا











تركي الالفين






فالمواقيف جنب قول خال وبناخـي
لاتراخا ترانـا مانحـب التراخـي
انت تبغا جلاد الارض ولا الصباخي

وابن آدم على قده يفصـل ثيابـه







يالطيف اثرك تحارب بسيفك يالطيف
يالله استر فوق الاجواد يـا ستارهـا
المطر هتّان والبـرق جايلـه رفيـف
فوق راسك من مزون.ن تهل امطارها











حبيّب العازمي







يوم اقوله تراني مادخل فيّ ذلة
خايف تزل واعوّد واجيلك بزله
زايد الجم جمُ وزايد الطين بله

وابن آدم على قده يفصل ثيابه






سيفي اللي ما انثلم من على عهد الشريف
يقطع ارقـاب المجنـن ويلعـن عارهـا
يالله انـك لاتباعـد وليف.عـن وليـف
ناقـة الاجـواد عيـت تـرام احوارهـا













تركي الالفين






تاتبيـن الدعـاوي كلهـا والحقايـق
ماتضيع الدورب ولاتضيـع الطرايـق
روق يالروقي ياللي صرت منته برايق

وابن آدم علـى قـده يفصـل ثيابـه






فعلك اللي تذكره يمكن انه فالعطيف
كيف تبنيها وفوقك تهـد اجدارهـا
احمد الله راعي الكون ماني بالرديف
ياحبيّب خذ نصيحـة ودوّر غارهـا












حبيّب العازمي






بينّه للعيون وحاضره فالضمايـر
كان ودك تطير الارض منته بطاير
ذمة مسيلمه ترضابها ام الكبايـر

وابن آدم على قده يفصـل ثيابـه







انت ياللي دحدرتبك ودقت فالرصيـف
راكب.ن في يمنها وحذفتـك يسارهـا
لو سلم راعي المعاميل من قهوة حنيف
كان ماحدن كاشفـن بنهـا وبهارهـا











تركي الالفين






والله انّا نعـرف الصايبـه والنتيجـة
وكبري خريص ماهو مثل مخرج خديجة
والحرم ماش احد مانع مشاكل حجيجـه

وابن آدم علـى قـده يفصـل ثيابـه







لو ابا اوصفك يالعازمي مالك وصيف
حنضلة والحنضلة ماتكـب امرارهـا
العلاقه خاربه بين باريس وجنيـف
ياعسى سكانها ماتطـول اعمارهـا











حبيّب العازمي






اترك الشر خلفك واطلب الخير امامك
لاتجدد جروحـك لاتكسّـر عظامـك
والرصاصه ليا طاحت تنقص حزامك

وابن آدم على قـده يفصـل ثيابـه







انت ياتركي تبا الرأي مار الرأي كيف
كيف طلّعت الجنـازة وانـا قبّارهـا
اليهودي لو يخون العهد يلقى حليـف
واليهوديـه طبيعـة تغـازل جارهـا

الموضوع الأصلي: محاوره بين الشاعرين حبيب العازمي وتركي الميزاني | | الكاتب: سعد الشقل | | المصدر: شبكة بني عبس

[عبدالعزيز الخياري]

محاوره لشاعرين غنيين عن التعريف

حبيب العازمي و تركي 2000

شعراء لهم جماهيريه كبيره في الخليج العربي


لاهنت على النقل

[فيصل الرشيدي]

محاااااااورة رائعه

حبيب العازمي + تركي الفين = شعراااااااااااء بالقمة

اشكرك اخوي سعد على النقل الرااااااائع والاختيار الاروع

[عيد بن عبيد]

لا خلا ولا عدم اخوي سعد

اختيار من متذوق راقي ... استمتعت بقراءة مجريات المحاورة

اكرر شكري وامل قبول تحياتي

اخوك
ع ع

[سلطان العايضي]

اشكرك على النتقل الرائع واختيارك الاكثر من رائع

تقبل تحياتي

[مسندالعويمري]

لاهنت على النقل

[سعد الشقل]

عبدالعزيز الخياري .... فيصل الرشيدي ... عيد بن عبيد ... سلطان العايضي .... مسند العويمري


وابشرو بكل ماهو جديد عندي

شكرا لك على المرور الرائع

[رويبح رباح العويمري]

الشاعر حبيب والشاعر تركي شعراء غنيان عن التعريف ومشكور على النقل وبيض الله وجهك


الاخ سعد الشقل ملاحظه الرجاء تكبير الخط