[المحترف العبسي]

السلام عليكم ورحمة الله وبركاته
حبيت انقل لكم طاروق لم يتعدى سبعة ابيات بسبب سؤ التنظم وكثرة الشعراء رغم انه طاروق ناري يحمل بطياته السم والعسل كان بين الشاعر الكبير عبدالرحمن خضير الرويضي والشاعر المبدع زايد بن عدله (شاعر العوامره)


زايد ابن عدله

يامرحبا ترحيب أبو زيد بذياب00في ليلةً ياصل سناها سماها
تعال يابن خضير ياراع الالقاب00لعل نفسي معك تلحق هواها
عبدالرحمن خضير
دام البقاء لك والوفاء واللقاء طاب00يالله عساها يالبناخي عساها
أحسب حسابك وأنت تحسب لي حساب00لكن روس أهل الوفاء لاتعصاها
زايد ابن عدله
العام يابن خضير طالب ورى الباب00واليوم بعض الناس طالت اللحاها
عيال عبس معدّلت عوج الارقاب00 ما أرضى تحط أوجيهها في قفاها
عبدالرحمن خضير
لو أن راسك من عنى الوقت كذ شاب00كان الهنود الحمر تعرف لغاها

الموضوع الأصلي: طاروق بين الشاعر الكبير عبدالرحمن خضير وشاعر العوامره | | الكاتب: المحترف العبسي | | المصدر: شبكة بني عبس

[سهم]

محاوره الرائعه جدأ
مشكور الله يعطيك العافيه اخوي الداهيه

[ناصر الخياري]

صح لسان شاعر العوامرة والشاعر ابن خضير..
لااهنت يالداهيه ..

[هاشم خلف]

ابن عدله هذاشاعر قوي لكن مشاركاته بالميدان قليله

عبدالرحمن شاعر قوي ومعروف