[أبــو نــاصــر]

السلام عليكم ورحمة الله وبركاته

اليكم هذه القصائد والمجاراه بين بكرالشدادى وعيد بن مربح

بكرالشدادى يقول

ياراكـب ٍ اللـي فوقهـا الخـرج منشـور=يزهـاه مـن شغـل الـعـذارى فنـونـه

تشـدي ظليـم ٍ مرتعـه نايـف الـقـور=مـتـذيـر ٍ قـنـاصـتـه يـخـبـرنـه

تجفل ليا أوحـت فوقهـا يصـرخ الكـور=وإن حسهـا الراكـب تـفـرج حـزونـه

مـن سيـف جـده سجهـا طلعـة النـور=واحفـظ جوابـي ليـن تلـفـي ربـونـه

ملفاك مـن يـروي شبـاء كـل مشـذور=يــوم المـلاقـا لابـتـه يشـكـرونـه

تلقـاه فـي بيـت ٍ علـى العـز معمـور=علـى الكـرم والجـود شـيـد ركـونـه

الشاعـر اللـي هاجسـه يغـرق بحـور=بـنـات فـكـره لانـطـق ماتـخـونـه

تنقاد لـه جـزل المعانـي علـى الفـور=كـن الجواهـر فـي حـشـاه مخـزونـه

كنـه علـى خـيـرة قوافـيـه مـأمـور=بالشـعـر يـامـا يطربـنـي لـحـونـه

نخيـت قــرم ٍ بالمواجـيـب مـذكـور=ورايـه نبـي عبـر الصحـف ينشرونـه

أشكي لابـن مربـح خلـف كـل منعـور=الحـال عقـب الزيـن قـفـت ظعـونـه

ياعيد قلبي مـن هـوى البيـض مسمـور=والدمـع مثـل الغيـث لاأرهـت مزونـه

حالي بعـد فرقـى الغضـي قايـد الحـور=حالـة غريـق ٍ يلعـب الـمـوج دونــه

عليـه جرحـي داخـل القلـب محـفـور=مالـه عـلاج وشفـت مــن المهـونـه

جـرح ٍ علاجـه حـار بـه كـل دكتـور=عجـزوا دكاتـرت الـهـوى ياجـدونـه

قالـوا علامـك قلـت يالربـع مسـحـور=فـي حـب مـن ياعـزوتـي تجهلـونـه

راعي جبين ٍ في دجـى الليـل لـه نـور=تنكـب كيانـي نظـرة ٍ مــن عيـونـه

رمشه ليا أغضى به على الخـد مسطـور=يتـل بــه قلـبـي وتكـثـر شطـونـه

ونهـده كمـا التفـاح بالصـدر مـزبـور=ومثـل البـرد بيـن الشفايـف سنـونـه

ياأبـو جديـل ٍ كـنـه اللـيـل منـثـور=ياعـود مــوز ٍ ناعـمـات ٍغصـونـه

كانـت لياليـنـا مـعـه كلـهـا بــدور=والـيـوم مافيـهـا قـمـر يـذكـرونـه

اربـع سنيـن وفوقهـا عـدة شـهـور=نسـبـح بـلـذات الـغـرام وجنـونـه

حب ٍ على وضحى النقاء فوووووق مشهور=علـى شـرف وعـن الرذيلـه نصونـه

أيـام كانـت لـي مـعـه ورد وزهــور=قـبـل الـعـواذل حبـنـا يعـرفـونـه

واليـوم وقفـوا دونهـا أعـداي طابـور=ولاأنـفـك بــاب لوصلـنـا يغلقـونـه

مـن عقـب ماكانـت لناأفـراح وسـرور=عـجـزوا مراسـيـل الهوىياصلـونـه

أقفى هـوى بالـي علـى البعـد مجبـور=عـن وصلنـا أشـرار المـلا يمنعـونـه

بعـد بنـت فـي قلبـي أبـراج وقصـور=نـاويـن أهلـهـا مابـنـت يهدمـونـه

طاعـوا بنـا نقالـة الحـكـي والــزور=نــاس ٍ هدفـهـم شملـنـا ينكبـونـه

وأضحك وأنا قلبي مـن الغيـض مفجـور=وأجحـد صـوابـي وأتحـمـل طعـونـه

وأقـول خلـوا كـل مـاصـار مسـتـور=وقولوا لهـا إنـي بخيـر ياللـي تجونـه

ماأبيـه يتكـدر ولـو عشـت مقـهـور=عــن حالـتـي تكـفـون لاتخبـرونـه

قلب ٍ عجـز فـي حبهـا يسمـع الشـور=ماطـاع فيـهـا كــل مــن يعذلـونـه

أمسى كما قصـر ٍ مـن النـاس مهجـور=العنكبـوت معشـعـش ٍ فــي ركـونـه

خافـوا بـه الله يااهـل الظلـم والجـور=لـو هـم يـهـود أظنـهـم يرحمـونـه

وهذا رد عيد بن مربح

ياركب اللي فوقـه الخـرج منشـور=يزهاه مـن شغـل العـذارى فنونـه

اشعل شناح يديـه ماتلمـس الـزور=فـج العضـود موسعـات ٍمتـونـه

والفخذ قطمـاء والاذن رأس كافـور=وعينه تقـل جمـر ٍ هلـه ينفخونـه

ناب الفقار وذيله أشقـر ومحشـور=مايميزونـه غيـر مـن يقربـونـه

والبطن كنه مـن شوايـاه ممخـور=دايـم مهجنـة الهجـن يدرجـونـه

وحبل بطانه تسعة أشبـار مشبـور=مقـوس ٍ يعجبـك شكلـه ولـونـه

يسرح من الخفجي زبد صدره يفـور=يشـدا غـزال ٍ بالسلـق يطردونـه

عليـه عبسـي ٍ محنـك وممـرور=والدرب مايحتـاج مـن يوصفونـه

زهيبـه بـر ٍ مطحـن ومـصـرور=ودهن وتمر مـن الفصـم ينظفونـه

والماء بشنه والعصاء عـود باكـور=وكـلاش فيـه المحرقـات مخزونـه

وصبح أربع ٍ مقف ٍ مع الخبت بحدور=قدمـه بجـده لابــة ٍ يحتـرونـه

وعند أبن شداد انسف الخرج مشكور=وسلم على خشمـه بلطـف وليونـه

مد الجواب وقلـه الوضـع مقـدور=مـن ظـن فينـا مانخيـب ظنونـه

مـده لقـرم ٍ لاتكبـر ولاغــرور=ريف الضيوف اللي عشاهـم بيونـه

راعي صحون ٍ وسطها يصبح السور=يضحون تالي زادهـم فـي صحونـه

تركـي ليامنـه هبـا كـل مثـبـور=عز القصير وعـز مـن يزهمونـه

من لابة ٍ وسط الجزيـره لهـم دور=الطيب في غالـي الثمـن يشترونـه

حـوارث ٍ وافيـن مافيهـم قصـور=المجـد يأرثهـم وهــم يأرثـونـه

واللي مثل شـرواه ماعنـه مذخـور=حـق ٍعلـي مشاركـه فـي غبونـه

مأجـور ياريـف المساييرمـأجـور=أبشر بجاهـي والسلـف والمعونـه

ياعاشق ٍفي سكـرة الحـب مغمـور=عضيـض غلـث ٍ وافيـات ٍحتونـه

يعول كما تعول خلوج ٍ مـن الخـور=شافـت ولدهـا قدمهـا يسلخـونـه

وعقب أروحت دمه على دمه تتـدور=مـاالله هداهـم بالرمـل يدفنـونـه

ويقنب قنيب الذيب في راس عنقـور=ذيـب ٍ عيالـه بالعـوا يشحـذونـه

عدا وعود باأشهب الملـح منـزور=لولاه هـف مـع الشفـاء يذبحونـه

والحب سهم ٍ يطعن إنـاث وذكـورو=ينتـج عنـه علـه بليـا سخـونـه

ومع الغروب يصيب راعيه حاشـور=يقراء آية الكرسي وترقص سكونـه

لاشك في سلم العرب شبـه محظـور=راعيـه لـو إنـه بـري يتهمونـه

ويصير في نظراتهـم تقـل مجـدور=ماتقـل ذاقـوا مـن مذاقـه نمونـه

قالوا به العشـاق كلمـات وسطـور=صوارم ٍ حـوض الـدرك ياردونـه

والعرض مثل البنك يحتـاج ناطـور=ولا يحسبون رجـال مـن يهملونـه

وحنا بحكم وشرع والكـف مقصـور=ومن زل سلطـات البلـد يسجنونـه

أصبر وعادي يبرك الحـض ويثـور=وإن ثار فـك القفـل لـو يقفلونـه

وعليك باللـي يطلبـه كـل معسـور=ترى الامـر بيديـه والكـون كونـه

معك أختصرت الرد من غير مقصور=برأي ٍ عسى أهل المعرفـه ييدونـه

الموضوع الأصلي: بكر الشدادى====وعيدبن مربح | | الكاتب: أبــو نــاصــر | | المصدر: شبكة بني عبس

[نواف بن مفضي]

صح الله السان ابو غريب والسان زميلة

[البعيد الهادي]

صحة السنتهم جميع
فرائد جزله ومن شعاار عمالقه
احسنت النقل اخي ابو ناااصر
ودمت بحفظ الله

[نواف فضي]

صح السان ابوغريب ولسان زميله

[سعيد عيد الرشيدي]

صح لسان الشاعرين بكر الشداد
وشاعر عبس عيد بن مربح
ولا هنت على هذا النقل
تقبل تحياتي وتقديري