[عبدالرحمن عديهان]

اخواني في شبكة بني عبس انقل لكم هذي المحاورة التاريخيه بين عميد الشعراء ناصرمرسال وشاعر الخليج صياف الحربي ( قصر الامل بالمدينه المنوره


ناصر

مرحبا والحضور يعلمون الغياب = عن نتائج لقاء ليلى ومجنونها
وسع البال ياصياف وحسب حساب = امش والرجل درجها على هونها

صياف

البقى بالرجال مطوعين الصعاب = كل ماتقطع الوادي يردونها
مد يمناك وخذ السيف ولا النصاب = قبل ذيك الرموش تغطي جفونها

ناصر

مايجيكم ردا يامحتمين الركاب = مانقول الحقيقه لين توحونها
يوم ليلي معك ياطيب القلب طاب = علم ام الجنون تجود جنونها

صياف

صياف وش تبى بالطعام وش تبي بالشراب = كان قامت تقرقع لك بجالونها
ماتعرف الخطا حتى تعرف الصواب = اسمع السالفه واعطيك مضمونها

ناصر

يوجد أمرين بالدنيا عقاب وثواب = وانت ماتجهل الدنيا وقانونها
ماعتقد كل شئ لونه ابيض سراب = مير قولو لحرب تفتح عيونها

صياف

انتبه لايجيك الشيب عقب الشباب = ثم تعكز لك الدنيا على شؤنها
مالعب بالجماعه غير كثر الطلاب = كل مامرو الغرفه يزورونها

ناصر

الصعيبه صعيبه بالسماء والتراب = ان تصاعبتها وان قلت ياهونها
اجتمعنا وجمعنا شديد العقاب = وان عقدتم رشاها لاتحلونها

صياف

تزعل طيور شلوى من نغيق الغراب = مير اضن السوالف ذيك مادونها
يوم شفت الولد ناصر زهمته وأجاب = مير بعض الاوآدم تضرس سنونها

ناصر

طحت بالحيه اللي سمها سم داب = ماقشر لسانها اللي يطلع قرونها
المصايب كثيره بين سين وجواب = ياعسى اللي وراها يحول مندونها

صياف

شفت في تلبيب مذلقات الحراب = اثر حتى اليهوديه يسنونها
حط خمسه حروف الى قريت الكتاب = والجماعه هل الوادي لايقرونها

ناصر

وش يوديك لاهل النار واهل العذاب = لاتحك العيون تجرح جفونها
قبل تنزف جروحك وانت مانت بمصاب = اغسل يديك في ماها وصابونها

صياف

لوتخاف الذيابه من نبيح الكلاب = ماتشوف الهنود تغسل صحونها
لاتزعل حبيب ولاتزعل حباب = تنكشف بقشةالحجه وليمونها

ناصر

انت مثل الذياب ولاانت مثل الذياب = الذيابه تبين وينعرف لونها
انت طيّب ضمير ولو تهدد تهاب = و من يعين العجوز الـ ينقطع شؤنها

صياف

مادخلت الصلاة ولا سمعت الخطاب = بس تضحك مع الصوره وكربونها
مابقي في صحنك الا اللخم والكباب = لو عطيت الجماعه مايحيكونها

ناصر

مادخلت الصلاة الا بزين الثياب = لاتغش الرجال وتخلف ضنونها
كيف اسب الضيوف وكيف اعاتب عتاب = اطلعت شجرة الزيتون زيتونها

صياف

فمك كبر العماره مير مامعك ناب = ذكر الناس فيها قبل ينسونها
انتهت كلمة العاقل ويبقى النشاب = كبرت الكعبة اللي ماتعبدونها

ناصر

العوافي من الله ماتجي بغتصاب = لاتحك الجنوب وتشكي طعونها
انت مثل الهبوب اللي تلف الهضاب = والهضاب الهواء ماحرك ركونها

صياف

انت تبغى العوافي مير فيك التهاب = لهبت اللوزتين اللي يخبرونها
طالت المعركة يبقى لك الانسحاب = وش تبى بالطبول اللي يدقونها

ناصر

ميزو بالعمار وميزو بالخراب = وذكرو قدرة الله كان تخشونها
مابقى الا تعذرب في رعود السحاب = حسبي الله على دنياك وفنونها

صياف

امتلت عيبة الطرقي وضاح الجراب = يالاعل الحراميه يشيلونها
كل رجل بجنابه وانت مالك جناب = دخلتك السباع الشهب ببطونها

ناصر

ماتروح الطراقي لين تاخذ زهاب = ليه مايمدي العيشه تعافونها

الموضوع الأصلي: ناصرمرسال وصياف الحربي في محاورة قويه | | الكاتب: عبدالرحمن عديهان | | المصدر: شبكة بني عبس

[محمد الراشد]

محاوره جميله وقويه ومن اطول الطواريق
تشرفت بقرأتها اكثر من مره
تحياتي لك

[عبدالرحمن عديهان]

وأنا تشرفت في مرورك ياشاعرنا محمد الراشد
وسلم على الجماعه الي عندك

[مرشدالمظيبري]

وأنا تشرفت في مرورك ياشاعرنا محمد الراشد
وسلم على الجماعه الي عندك

[صقر ابن عبس]

محاوره جميله وقويه ومن اطول الطواريق
تشرفت بقرأتها اكثر من مره
تحياتي لك

[برق الوسم]

محاوره شعراء كبااار
/
العميد قمه كعادته بيض الله وجهه
/
تسلم ياعبدالرحمن على النقل
/
تقبل مروري

[(*العرعري*)]

اخوي عبدالرحمن مشكور وللعلم المحاورة هذي موجوده بالصوت والصورة بنفس القسم

[مرشدالمظيبري]

محاوره شعراء كبااار
/
العميد قمه كعادته بيض الله وجهه
/
تسلم ياعبدالرحمن على النقل
/
تقبل مروري