[عيسى العرعري]

باللـه اقطعـوا الاتصال عشـان المـوضـوع طويـل << غبـار هالجملـه

هذا ياطويليـن العمر والسلامـه امـس كنـا جالسيـن في استـراحـه وجالسيـن مع الـراس والضـو وحليـب زنجبيـل رايـح جـاي ومافـي إلا قـوة سوالـف ناس متجوزيـن يعنـي مافـي خربطـة والله انا مديـت انـا خويتـي ماادري شنـو والخربطـه هـذي مافـي إلا سوالـف رياجيـل وسلـوم عربـان وانا غلـط جالـس بينهـم

المهـم السالفـه اننـا ملينـا من ان كـل واحـد ينصـب ع الثانـي وخلصـت سوالف الكوره
وسـوالف الافلام المصريـه والامريكيـه واكس او اكس او قوسيـب قيـرل ( على فكـره واحد مننـا يتـابـع هو ويا حرمتـه هالمسلسـل بشغـف مو طبيعـي لدرجـه انـه يبينـي اعلمـه شلـون يشبكـ اللاب توب بالتـي فـي

) ومالقينـا شي يوسـع صدرنـا إلا سوالف الاوليـن .. يالله من فضلكـ فيهـا الحكمـه والنصـح ..

يقولكـ هـذا واحـد شايـب مـره وتاجـر مـره يعنـي مثل الراجحـي بالضبـط .. والله ماعطـاه إلا ولـد واحـد .. ويـو محـس انـه بيمـوت ويجـي للولـد ويقولـه شـوف ياولدي انا بنصحكـ نصيحـه وهـو انكـ ماتتجـوز إلا بنـت بكـر

..

قالـه ولده سمـع وطاعـه يايبـه .. ومـرت الايام وينعجـب الولـد بوحـده مربربـه تتغنـج وهـي تمشي ويـوم سأل عنهـا وعرفهـا قرر انـه يتجوزهـا .. بس البنـت طلعـت ايش ؟؟
يلا قولولـي ايـش ؟؟ (قاعـد بمدرسـه ابتدائـي) طلعـت البنـت مطلقـه من قبـل .. لكـن اذا هـام الرجـل بالحـب اينمـا هيـام وش يرده عن محبوبتـه

قرر الرجـال انـه يعـرس عليهـا وقالهـا شـوفي يافلانـه لاسالكـ ابوي قولي لـه انتـس بكـر .. وفعلا اول ماشافهـا الشايـب سألهـا انتـي بكـر؟ قالـت البنـت وهـي ترتسـم الخجـل حـاب تتأكـد بنفسكـ ياعمـو (احسنـي خربـت الحكايـه

)

طبعـا قالـت لـه ايـه انا بكـر ... دارت الدنيـا والشايـب مـرض وتعـب وصـارت هالزوجـه هـي اللي قايمـه فيـه ومهتمـه فيـه وتعالجـه وتجيبله ادويتـه وتوكلـه بيديهـا ويالله من فضلكـ قايـمه فيـه قومـة وحـده من بناتـه .. ويـوم الشايب قربـت دنيتـه (ملاحظين انـه من اول السالفـه وهـو يبي يمـوت ومامـات

) قـام وجـاء للجوزه وقالهـا شوفـي انا حـاط اغلـب حلالي الذهـب تحـت عتبـت الدرج .. لامـت لاتعلمينـه عنهـا إلا اذا شفتيته نمـا باقـي تجارتـي وحلالـي وصـار اوب محتـاج لهـم

ولا لاخسـر كل شي وجـرب الفقـر وقتهـا بيعـرف قدرهـم الدراهـم لاجتـه

قالـت الجوزه ابد سمـع وطاعـه ومايهمكـ ارقـد وامـن ولـو وش دعـوه ..
مـات الشـايـب .. ودارت الدنيـا بالولـد من لعـب قمـار لشـراب لحشيش يعنـي دشـر دشـرة محدثـي النعمـه ليـن ضيـع حلال ابـوه

وضـاق صديـر الولـد وهـو ولد عـز وجـاه والتفـت على حرمتـه وقالهـا شـوفـي انا رجـال مالـي جلسـه بالديـره هـذي بروح اتـرزق الله في مكـان ثانـي في مكـان ماحد يعرفنـي .. ولا استقريـت بالامـر برد عليتـس خبـر .. قالـت الله يوفقكـ بكـل خطـوه

مسكـ الرجـال خيلـه ودز ع الكويـت ودخـل يصلـي الفجـر باحـد المساجـد ويـوم خلصـوا صلاه ويجيـه الامام ويقولـه وش انـت منـه ؟ قال انـا فلان بن فلان الفلانـي ..
طلعـت عيـون الامام وقـال ونعـم ابوكـ انا اعرفـه زيـن وكان بينـه وبيـن جماعتنـا تجاره كبيـره بس ياولدي انـت وش جابكـ هنـا ؟

قام الولـد وقـال للشـايب والله سالفتـي كيـت وكيـت وانا جاي اترزق الله عنـدكم ..

قالـه الامام بس ياولدي انـت ابوكـ من كبـار تجـار نجـد ولـو تصـرف بحلالـه 10 سنيـن قدام ماخلصـت لعنبوكـ ابوكـ مثـل الراجحـي عيالـه جالسيـن على بنكـ

ثـم استطـرد الشـايب قال ابوكـ ماحط وصيـه ؟ قال الولـد لا ماعمـره وصانـي إلا انـي اتزوج بكـر بس ؟ الله من زينهـا بس من وصيـه

قـال الامـام اكيـد ان لـه حكمـه منهـا

ويستطـرد الامام حديثـه ويقـول شوف ياولـدي انا بزوجكـ بنتـي بعقـد وتاخذهـا معكـ على انهـا جاريـه وخلهـا ببيتكـ وانا اشـوف شي انـت ماتشـوفـه بس بشرط انكـ ماتلمتس بنتـي وان لمستهـا بقص يدكـ تـرا

سـرى الرجـال مع بنـت الامام اللـي صبغـوهـا بالسـواد وراح الرجـال لبيـته ودخـل على حرمتـه وقالهـا هذي عبـده لقيتهـا بالطريـق وجبتهـا لكـ تخدمكـ وتساعدكـ وهـي لاتسمـع ولاتتكلـم وخليهـا عندكـ .. وفعلا جلسـت بنـت الامام عنـدهم وعـدت الايـام ويوم الجوزه صـارت تعـرف دخلات وطلعـات رجلهـا إلا وتجـيب خويهـا هالخبيثـه سـود الله وجههـا وبنـت الامام تتسمـع عليهـم إلا تسمـع هالرجـال يقول جايـه بعاريـن ولازم اشتريهـم عشـان اقـوم على رجولي وابيكـ تساعدينـي .. وتقـوم زوجـة خوينـا وتـروح تحـت الدرج وتاخذ هالدراهـم الذهبيـه وتعطيهـا خويهـا ..

البنـت شافـت كلش وسمعـت كلش ويـوم جـاء الجـوز وعلى غفلـه من الزوجـه امسكتـه على جنـب وقالتلـه السالفـه ترى هيكـ وهيكـ تلاحـق على عمركـ ..

حكـ الجـوز دقنـه وهـو يقـول والله هالخبيثـه انا اوريهـا .. وراح لـم حرمتـه وقالهـا والله انـا ناوي اروح للكـويـت وباخذكـ معـي نعيـِش هناكـ .. قالـت الجوزه لاوالله انا ماعـاد فينـي اقـوى على غربـه وطريـق طويـل انـت روح ومتـى ماتيسـرت اموركـ تعـال
قـال اجـل روحـي عند اهلكـ لانـي ببيـع هالبيـت

وفعلا وداها بيـت اهلهـا وعـرض الرجـال بيتـه في الحـراج ومـن تتوقعـون جـاء

خـوي حرمتـه

ولاهـا قايلـه لخويهـا اشتـر البيـت باللي هـي بـه تـرى فيـه ذهـب يكفينـا سنيـن قدام

وفعلا جـاء وشـرا البيـت بعشـر اضعاف سعـره بس عشـان دراهـم الذهـب اللي فيهـا ..
وعلى طـول استلم البيـت وجـاء هـو ويـا زوجـة الولـد ويحفـرون تحـت الدرج ومالقـوا ايتهـا حاجـه ولا خوينـا قبـل لايبيـع البيـت راح وخذا كل الفلـوس اللي تحـت الدرج

ننتقـل الحيـن للزوج اللـي راح مع بنـت الامام يوديهـا لابوهـا وهـم رايحيـن وقفـت البنيـه الفطفوطـه الكلبوسـا تتغسـل وشالـت الصبـغ الاسـود اللي عليهـا ولاهـي وش طلعـت ملكـة جمـال شيخـة بنـات ايش عيـون ايش خشـم سلـة سيـف ايش ماادري ايش المهـم يـوم شافهـا الولـد ويتقشعـر جسمـه وينهبـل وماعـاد عـرف يجمـع ويـوم امسـوا الليل ومـار والله ويقـوم لهـا ويقولهـا همانـي انا حلالك وراكـ ماتصيريـن حلالـي .. قالـت إلا انا حلالكـ وكلـي لكـ من ساسـي لراسـي فديتكـ .. قالهـا الولـد فداكـ اللاش وانا فدى امتـج وابيج واخوالـج وماجيـج على حاجـه واعـود على مـاش

هنـا عـاد البنـت يـوم شافتـه يرطن بلهجتهـا وش بتقـول وش بتـزيـد انتهـى الموضـوع هنـا وقضي الامـر اللذي كنتـم فيه تستفتيـان

وصلوا الكويـت وراح لابوهـا وقصلـه القصـه من اولهـا لاخـرهـا وكيـف صار وتشكره مرره مرره وانـه ماينسى هالجميـل ابـد والتفـت عليـه ابو البنـت وقـال طيب وبنتـي ؟؟ عساكـ مطبـق شرطـي ومالمستهـا ؟؟
هنا الرجـال اسقـط فـي يـده

ماعـرف وش يقـول يكذب ولا وش يقـول وهـو الرجـال سوالـه هالجميـل

قال والله ياابو فلان انا بيـن يدكـ سـو فينـي مابدالكـ
عـرف ابو البنـت انـه لمس بنتـه وماوفـا بالعهـد اللي عهـده عليـه فقالـه انا قلتلكـ لو لمستـه بقـص يدكـ واستعـد بجيـب الساطـور وجايكـ

وفعلا جـاب ابو البنـت ساطـوره وجاكـ يبـي يقـص يد خوينـا بس انـه ماقـوى وهذاكـ يطالعـه فقالـه شوف يافلان .. مد يدكـ من فتحـة الجدار وانا بقصهـا وكذى يكون اهـون علي من اني اشوفكـ وانا اقص يدكـ .. قالـه الرجال ابـد سمـع وطاعـه ..

طلع الشايـب ابو البنـت من برا وهـو ينتظـر الرجـال يمـد يـده عشـان يقصهـا لـه
وبالغرفـه كان تـوه قايـم خوينـا يبي يمـد يده إلا تدخـل عليـه البنـت وتقولـه وش تسوي .. قال والله ابوكـ يبي يقص يدي لان هذا شرطـه لالمستكـ

قالـت لاوالله وايمانـات الله ويميـن مابعدهـا يميـن ان مايمـد يده إلا انا ..
قالهـا لا ماعليكـ انا الحمد الله عنـدي خير ذالحيـن وماني بحاجـة يد اشتغـل فيهـا
قالت لـه انـت تطلـع للنـاس وتقابلهـم اما انـا جالسـه بالبيـت ماحد يشوفنـي ولا اشوفـه واذا انـت تحبنـي صحيـح تكفـى طعنـي تكفـى حلفتكـ باللي فوق سبـع سماوات

وفعلا مع اصرار البنـت استسلـم لهـا ومـدت يدهـا في الفتحـه اللي بالجـدار
وهـم ابوهـا انـه يقـص اليـد بس انتبـه ان يد الرجـال تفـرق عـن يد البنـت
وعـرف انها يد بنتـه .. فدخـل عليـهم والتفـت ع الرجـال وقالـه شفـت يـوم ان ابوكـ ينصحكـ لاتاخـذ إلا بكـر كيـف قامـت تبي تفديكـ .. فهمـت نصيحـة ابوكـ ولا لأ

شوفـوا بنـات اول كيـف تفـدي جوزهـا

الموضوع الأصلي: راس وضـو وحليب بـ الزنجبيـل وتميـس ..تحلـى الحكـاوي | | الكاتب: عيسى العرعري | | المصدر: شبكة بني عبس

[عيسى العرعري]

وانـا امزمـز التميـس بحليـب الزنجبيـل جـت هالسالفـه

كـان في نـاس يقالهـم الشعلان ( يعنـي بزعمـي انقرضـوا الحيـن ) وعندهـم خيـر وحلال وكـان اول التـاجـر وش تجارتـه إلا اراضي ومزارع وحلال وكـانوا عايشـن بخيـر وعـز ونعيـم ليـن جتهـم هاكـ السنـه اللي سموهـا سنـة الغطسـه لان الارض امتلـت سيول وغطسـت المزارع وراح الحلال والشـاهـد ان اغلـب الشعلان وعلى راسهـم شيخهـم ماتوا في هالسيـل اللـي جرفهـم هذا

إلا ان ولد شيخ الشعلان كـان طالـع في مقنـاص والحمـد الله ربي سلمـه لكـن يـوم رجـع وش لقـى ؟ اهل ميتيـن حلال راح .. عـز انتهـى

وجلـس ماغيـر رايح وراجـع ولاهـو عـارف وش يسـوي ويـوم ورى يـوم وهـو يروح عنـد واحـد يبيـع خبـز وكذى ويسولـف لـه ويقولـه والله اني في المنـام يجينـي حلـم ان رزقكـ في بلاد الشـام وكل يـوم لانمـت اسمعـه يقولـي ترى رزقكـ في بلاد الشـام ..
التفـت عليـه الخبـاز وقالـه اي والله رح وانـت عيال ناس اكرميـن صعـب انكـ بعـد عـز وجـاه تعيـش مع النـاس وانـت كذى فمالكـ الا انـت تترزق الله في الشـام

مرت الايام وبن شعلان يقولبهـا براسـه واخرتهـا قرر وش يجلسـه بمكـان يذكـر اهلـه فيـه بكل زاويـه

وياخذلـه اول قافلـه رايحـه للشام وينقـز معـاهـم ع بلاد الشـام رايحيـن
ويـوم وصـل هناكـ ويجلـس يـوم يوميـن ثلاثـه وهـو ماغيـر يتقلـب بالشوارع لاشغـل ولا مشغلـه والجـوع ذابحـه مرررره وهـو متكـي ع الرصيـف إلا يمـر واحـد يدفـع عربانـه فيهـا تفـاح وموز وبرتقالـه وفجأه طاحـت تفاحـه ع الارض فتعيجـز ياخذهـا فالتفـت على ابن شعلان وقالـه تعـال خذهـا هذي لكـ .. ابن شعلان حزة بخاطـره انـهـا يوم طاحـت بالارض يجـي يقولـه خذهـا فـ تمنـع عنهـا واخذتـه عزتـه ..
جاه ابو شكيـم وقالـه ليه ماتاخذهـا ولايعنـي عشـان قلتلكـ خذها من الارض ؟؟
مارد عليـه بن شعلان وحقـره .. رد ابـو شكيـم وقالهـا شكلكـ منـت بسيط وعلى العمـوم انا عازمكـ ع العشـاء وبراضيكـ وتـرى جلستنـا جماعيـه بتوسـع صدركـ

بعـد مااحتسـوا شراب الرم ومددتوا الرجيلات التفـت ابو شكيـم وقال لابن شعلان يلا علمنـي شو مجيبكـ الضيعـه عندنـا ؟؟ قالـه ابن شعلان ابـد والله انا كل ليلـه احلـم ان رزقـي بالشـام وهذانـي جيـت الشـام
إلا يقـوم ابو شكيـم ويرمـي كـاس الرك على ابن شعلان ويمسكـ بطنـه من الضحكـ ويقـوم يرافـس ويضـرب الارض من الضحكـ ويقـول لكـ شو هاض جـاي منشـان حلـم
ياعمـي انا بحلـم كل ليلـه ان فيـه كنـز تحـت قصـر شيخ ابن شعلان وانا مابعـرف شـو هاض ابن شعلان ولا بعـرف شـو الشيـخ ...
هنـا ابن شعلان اسقـط فـي يـده
قال بالله تحلـم كذى ؟ قالـه ابو شكيـم شـو انا بعرفكـ تـا اكزب عليكـ
ووالله مااصبـح الصبـح إلا ابن شعلان على اول قافلـه قاص البوردينـق وراح لنجـد ويروح
تحـت قصـر ابـوه ويحفـر ويالله من فضلكـ ويلقـى الكنـز وماشاء الله اعـرس واغتنـي وتزوج اربـع عشـان يعـوض النسـل اللي راح بسنـه الغطسـه الله لايعيدهـا من سنـه ..

[عيسى العرعري]

هـذي سـوالـف وحكـاوي تسمـع من هنـا وهناكـ وبعضهـا مثل الاولـى تـراث يرددونـها الشيبـان يـوم كانوا يجلسـون مع العيـال حـول النـار وكان مايؤنسهـم إلا هالحكـاوي
في منهـا الصحيـح ومنهـا الغلط ومنهـا المبالـغ فيهـا ومنهـا اللي مايتصـدق
بس كلهـا كـان فيهـا عبـر وحكمـه تصقـل الكبيـر وتفهـم الصغيـر


بس ياللـه تبقـى بالاخيـر .. سوالـف تنتقـل من جيـل إلى جيـل