قبيلة بني رشيد - راس وضـو وحليب بـ الزنجبيـل وتميـس ..تحلـى الحكـاوي

باللـه اقطعـوا الاتصال عشـان المـوضـوع طويـل << غبـار هالجملـه

http://vb.eqla3.com/images/smilies/biggrin.gif

http://www.friendsoflight.com/pp/dat...97319491d9.jpg

هذا ياطويليـن العمر والسلامـه امـس كنـا جالسيـن في استـراحـه وجالسيـن مع الـراس والضـو وحليـب زنجبيـل رايـح جـاي ومافـي إلا قـوة سوالـف ناس متجوزيـن يعنـي مافـي خربطـة والله انا مديـت انـا خويتـي ماادري شنـو والخربطـه هـذي مافـي إلا سوالـف رياجيـل وسلـوم عربـان وانا غلـط جالـس بينهـم

http://vb.eqla3.com/images/smilies/biggrin.gif

المهـم السالفـه اننـا ملينـا من ان كـل واحـد ينصـب ع الثانـي وخلصـت سوالف الكوره
وسـوالف الافلام المصريـه والامريكيـه واكس او اكس او قوسيـب قيـرل ( على فكـره واحد مننـا يتـابـع هو ويا حرمتـه هالمسلسـل بشغـف مو طبيعـي لدرجـه انـه يبينـي اعلمـه شلـون يشبكـ اللاب توب بالتـي فـي

http://vb.eqla3.com/images/smilies/Looking_anim.gif
) ومالقينـا شي يوسـع صدرنـا إلا سوالف الاوليـن .. يالله من فضلكـ فيهـا الحكمـه والنصـح ..

يقولكـ هـذا واحـد شايـب مـره وتاجـر مـره يعنـي مثل الراجحـي بالضبـط .. والله ماعطـاه إلا ولـد واحـد .. ويـو محـس انـه بيمـوت ويجـي للولـد ويقولـه شـوف ياولدي انا بنصحكـ نصيحـه وهـو انكـ ماتتجـوز إلا بنـت بكـر

http://vb.eqla3.com/images/smilies/Looking_anim.gif
..

قالـه ولده سمـع وطاعـه يايبـه .. ومـرت الايام وينعجـب الولـد بوحـده مربربـه تتغنـج وهـي تمشي ويـوم سأل عنهـا وعرفهـا قرر انـه يتجوزهـا .. بس البنـت طلعـت ايش ؟؟
يلا قولولـي ايـش ؟؟ (قاعـد بمدرسـه ابتدائـي) طلعـت البنـت مطلقـه من قبـل .. لكـن اذا هـام الرجـل بالحـب اينمـا هيـام وش يرده عن محبوبتـه

http://vb.eqla3.com/images/smilies/n/sm5.gif

قرر الرجـال انـه يعـرس عليهـا وقالهـا شـوفي يافلانـه لاسالكـ ابوي قولي لـه انتـس بكـر .. وفعلا اول ماشافهـا الشايـب سألهـا انتـي بكـر؟ قالـت البنـت وهـي ترتسـم الخجـل حـاب تتأكـد بنفسكـ ياعمـو (احسنـي خربـت الحكايـه

http://vb.eqla3.com/images/smilies/biggrin.gif
)

طبعـا قالـت لـه ايـه انا بكـر ... دارت الدنيـا والشايـب مـرض وتعـب وصـارت هالزوجـه هـي اللي قايمـه فيـه ومهتمـه فيـه وتعالجـه وتجيبله ادويتـه وتوكلـه بيديهـا ويالله من فضلكـ قايـمه فيـه قومـة وحـده من بناتـه .. ويـوم الشايب قربـت دنيتـه (ملاحظين انـه من اول السالفـه وهـو يبي يمـوت ومامـات

http://vb.eqla3.com/images/smilies/biggrin.gif
) قـام وجـاء للجوزه وقالهـا شوفـي انا حـاط اغلـب حلالي الذهـب تحـت عتبـت الدرج .. لامـت لاتعلمينـه عنهـا إلا اذا شفتيته نمـا باقـي تجارتـي وحلالـي وصـار اوب محتـاج لهـم http://vb.eqla3.com/images/smilies/Looking_anim.gif

ولا لاخسـر كل شي وجـرب الفقـر وقتهـا بيعـرف قدرهـم الدراهـم لاجتـه

http://vb.eqla3.com/images/smilies/Looking_anim.gif

قالـت الجوزه ابد سمـع وطاعـه ومايهمكـ ارقـد وامـن ولـو وش دعـوه ..
مـات الشـايـب .. ودارت الدنيـا بالولـد من لعـب قمـار لشـراب لحشيش يعنـي دشـر دشـرة محدثـي النعمـه ليـن ضيـع حلال ابـوه

http://vb.eqla3.com/images/smilies/frown.gif

وضـاق صديـر الولـد وهـو ولد عـز وجـاه والتفـت على حرمتـه وقالهـا شـوفـي انا رجـال مالـي جلسـه بالديـره هـذي بروح اتـرزق الله في مكـان ثانـي في مكـان ماحد يعرفنـي .. ولا استقريـت بالامـر برد عليتـس خبـر .. قالـت الله يوفقكـ بكـل خطـوه

مسكـ الرجـال خيلـه ودز ع الكويـت ودخـل يصلـي الفجـر باحـد المساجـد ويـوم خلصـوا صلاه ويجيـه الامام ويقولـه وش انـت منـه ؟ قال انـا فلان بن فلان الفلانـي ..
طلعـت عيـون الامام وقـال ونعـم ابوكـ انا اعرفـه زيـن وكان بينـه وبيـن جماعتنـا تجاره كبيـره بس ياولدي انـت وش جابكـ هنـا ؟

قام الولـد وقـال للشـايب والله سالفتـي كيـت وكيـت وانا جاي اترزق الله عنـدكم ..

http://vb.eqla3.com/images/smilies/frown.gif

قالـه الامام بس ياولدي انـت ابوكـ من كبـار تجـار نجـد ولـو تصـرف بحلالـه 10 سنيـن قدام ماخلصـت لعنبوكـ ابوكـ مثـل الراجحـي عيالـه جالسيـن على بنكـ

http://vb.eqla3.com/images/smilies/Looking_anim.gif

ثـم استطـرد الشـايب قال ابوكـ ماحط وصيـه ؟ قال الولـد لا ماعمـره وصانـي إلا انـي اتزوج بكـر بس ؟ الله من زينهـا بس من وصيـه

http://vb.eqla3.com/images/smilies/frown.gif

قـال الامـام اكيـد ان لـه حكمـه منهـا

http://vb.eqla3.com/images/smilies/Looking_anim.gif

ويستطـرد الامام حديثـه ويقـول شوف ياولـدي انا بزوجكـ بنتـي بعقـد وتاخذهـا معكـ على انهـا جاريـه وخلهـا ببيتكـ وانا اشـوف شي انـت ماتشـوفـه بس بشرط انكـ ماتلمتس بنتـي وان لمستهـا بقص يدكـ تـرا

http://vb.eqla3.com/attachment.php?a...1&d=1172159937

سـرى الرجـال مع بنـت الامام اللـي صبغـوهـا بالسـواد وراح الرجـال لبيـته ودخـل على حرمتـه وقالهـا هذي عبـده لقيتهـا بالطريـق وجبتهـا لكـ تخدمكـ وتساعدكـ وهـي لاتسمـع ولاتتكلـم وخليهـا عندكـ .. وفعلا جلسـت بنـت الامام عنـدهم وعـدت الايـام ويوم الجوزه صـارت تعـرف دخلات وطلعـات رجلهـا إلا وتجـيب خويهـا هالخبيثـه سـود الله وجههـا وبنـت الامام تتسمـع عليهـم إلا تسمـع هالرجـال يقول جايـه بعاريـن ولازم اشتريهـم عشـان اقـوم على رجولي وابيكـ تساعدينـي .. وتقـوم زوجـة خوينـا وتـروح تحـت الدرج وتاخذ هالدراهـم الذهبيـه وتعطيهـا خويهـا ..

البنـت شافـت كلش وسمعـت كلش ويـوم جـاء الجـوز وعلى غفلـه من الزوجـه امسكتـه على جنـب وقالتلـه السالفـه ترى هيكـ وهيكـ تلاحـق على عمركـ ..

حكـ الجـوز دقنـه وهـو يقـول والله هالخبيثـه انا اوريهـا .. وراح لـم حرمتـه وقالهـا والله انـا ناوي اروح للكـويـت وباخذكـ معـي نعيـِش هناكـ .. قالـت الجوزه لاوالله انا ماعـاد فينـي اقـوى على غربـه وطريـق طويـل انـت روح ومتـى ماتيسـرت اموركـ تعـال
قـال اجـل روحـي عند اهلكـ لانـي ببيـع هالبيـت

http://vb.eqla3.com/images/smilies/Looking_anim.gif

وفعلا وداها بيـت اهلهـا وعـرض الرجـال بيتـه في الحـراج ومـن تتوقعـون جـاء

http://vb.eqla3.com/attachment.php?a...1&d=1172159937

خـوي حرمتـه

http://vb.eqla3.com/attachment.php?a...1&d=1172159937

ولاهـا قايلـه لخويهـا اشتـر البيـت باللي هـي بـه تـرى فيـه ذهـب يكفينـا سنيـن قدام

http://vb.eqla3.com/images/smilies/139.gif

وفعلا جـاء وشـرا البيـت بعشـر اضعاف سعـره بس عشـان دراهـم الذهـب اللي فيهـا ..
وعلى طـول استلم البيـت وجـاء هـو ويـا زوجـة الولـد ويحفـرون تحـت الدرج ومالقـوا ايتهـا حاجـه ولا خوينـا قبـل لايبيـع البيـت راح وخذا كل الفلـوس اللي تحـت الدرج

http://vb.eqla3.com/images/smilies/n/sm5.gif

ننتقـل الحيـن للزوج اللـي راح مع بنـت الامام يوديهـا لابوهـا وهـم رايحيـن وقفـت البنيـه الفطفوطـه الكلبوسـا تتغسـل وشالـت الصبـغ الاسـود اللي عليهـا ولاهـي وش طلعـت ملكـة جمـال شيخـة بنـات ايش عيـون ايش خشـم سلـة سيـف ايش ماادري ايش المهـم يـوم شافهـا الولـد ويتقشعـر جسمـه وينهبـل وماعـاد عـرف يجمـع ويـوم امسـوا الليل ومـار والله ويقـوم لهـا ويقولهـا همانـي انا حلالك وراكـ ماتصيريـن حلالـي .. قالـت إلا انا حلالكـ وكلـي لكـ من ساسـي لراسـي فديتكـ .. قالهـا الولـد فداكـ اللاش وانا فدى امتـج وابيج واخوالـج وماجيـج على حاجـه واعـود على مـاش

http://vb.eqla3.com/images/smilies/060.gif

هنـا عـاد البنـت يـوم شافتـه يرطن بلهجتهـا وش بتقـول وش بتـزيـد انتهـى الموضـوع هنـا وقضي الامـر اللذي كنتـم فيه تستفتيـان

http://vb.eqla3.com/images/smilies/004.gif

وصلوا الكويـت وراح لابوهـا وقصلـه القصـه من اولهـا لاخـرهـا وكيـف صار وتشكره مرره مرره وانـه ماينسى هالجميـل ابـد والتفـت عليـه ابو البنـت وقـال طيب وبنتـي ؟؟ عساكـ مطبـق شرطـي ومالمستهـا ؟؟
هنا الرجـال اسقـط فـي يـده

http://vb.eqla3.com/images/smilies/frown.gif

ماعـرف وش يقـول يكذب ولا وش يقـول وهـو الرجـال سوالـه هالجميـل

http://vb.eqla3.com/images/smilies/frown.gif

قال والله ياابو فلان انا بيـن يدكـ سـو فينـي مابدالكـ
عـرف ابو البنـت انـه لمس بنتـه وماوفـا بالعهـد اللي عهـده عليـه فقالـه انا قلتلكـ لو لمستـه بقـص يدكـ واستعـد بجيـب الساطـور وجايكـ

http://vb.eqla3.com/attachment.php?a...1&d=1172159937

وفعلا جـاب ابو البنـت ساطـوره وجاكـ يبـي يقـص يد خوينـا بس انـه ماقـوى وهذاكـ يطالعـه فقالـه شوف يافلان .. مد يدكـ من فتحـة الجدار وانا بقصهـا وكذى يكون اهـون علي من اني اشوفكـ وانا اقص يدكـ .. قالـه الرجال ابـد سمـع وطاعـه ..

طلع الشايـب ابو البنـت من برا وهـو ينتظـر الرجـال يمـد يـده عشـان يقصهـا لـه
وبالغرفـه كان تـوه قايـم خوينـا يبي يمـد يده إلا تدخـل عليـه البنـت وتقولـه وش تسوي .. قال والله ابوكـ يبي يقص يدي لان هذا شرطـه لالمستكـ

http://vb.eqla3.com/images/smilies/Looking_anim.gif

قالـت لاوالله وايمانـات الله ويميـن مابعدهـا يميـن ان مايمـد يده إلا انا ..
قالهـا لا ماعليكـ انا الحمد الله عنـدي خير ذالحيـن وماني بحاجـة يد اشتغـل فيهـا
قالت لـه انـت تطلـع للنـاس وتقابلهـم اما انـا جالسـه بالبيـت ماحد يشوفنـي ولا اشوفـه واذا انـت تحبنـي صحيـح تكفـى طعنـي تكفـى حلفتكـ باللي فوق سبـع سماوات

http://vb.eqla3.com/images/smilies/frown.gif

وفعلا مع اصرار البنـت استسلـم لهـا ومـدت يدهـا في الفتحـه اللي بالجـدار
وهـم ابوهـا انـه يقـص اليـد بس انتبـه ان يد الرجـال تفـرق عـن يد البنـت
وعـرف انها يد بنتـه .. فدخـل عليـهم والتفـت ع الرجـال وقالـه شفـت يـوم ان ابوكـ ينصحكـ لاتاخـذ إلا بكـر كيـف قامـت تبي تفديكـ .. فهمـت نصيحـة ابوكـ ولا لأ

http://vb.eqla3.com/images/smilies/119.gif

شوفـوا بنـات اول كيـف تفـدي جوزهـا

http://vb.eqla3.com/images/smilies/Looking_anim.gif