[مساعد الخياري]

(ياقلــب) لا تحزن على فقد غااااليك
دام الكرامه تاجها راس مااااالك

لازم تبيع وعزّة النفس تشريـــــك
إشرب فناجيل الصبر من دلاااالك

لا(الحــب) ينزل بك ولا الحسن يغريك
مادام عز النفس عمّك وخاااااالك

ياقلبي إصبر وإن تردّت خطااااويك
نفسي على هام الثريا بداااااالك

والا انت ياللي تايهٍ في مساريــــك
والله مايرجع زمانٍ مضاااااااالك

اللي بقى من باقي الحب يكفيــــــك
تعيش به ماعاش راسك لحاااااالك

والا (الثقــه) راحت مع أيام ماضيــك
مالك عهد( ياخاين) الود ماااااااالك

بعد الخطأ ضاعت شوامخ مواريك
وعقلك وثقلك والغرور ودلاااااالك

شانت تفاكيرك وضاعت مباااااديك
واصبحت أشوفك شي كنه خياااالك

الله يخليك لشبابك ويحميـــــك
اللي ببالي شي ماهو ببااااالك

مانيب من لاخنت عهده يراضـيـــك
اللي على راسه لو أخطيت شااالك

لوكان قلبـــي ماإنقضت رغبته فيــك
ويفز لإسمك وان حكوا في مجاالك

خذيت درسٍ في حياتي وباعطيـــك
درسٍ تحطه طول وقتك قبااااالك

ضيّعت لك شيٍ من الكل يغنـيــــك
ولا ينفعه ذالحين ساحر جمااااالك

أصبحت مثل التسليه للصعااااليك
اللي تبي فخر الغزل من خلاااالك

أحذر من اللي ضحكتك له تدنيــك
لو كان ما طالك له لسان طاااااالك

وإسلم وسلّم لي على أيام ماضيك
وقت الثقل يوم العقل راس مااااالك




ملطوشه لعيون اعضاء المنتدى

الموضوع الأصلي: ياقلب لاتحزن | | الكاتب: مساعد الخياري | | المصدر: شبكة بني عبس

[لايغرك زمانك]

صح السانك وصح لسان شاعرها

وشكرا على الطش الجميل

[صاحب المعالي]

أحذر من اللي ضحكتك له تدنيــك
لو كان ما طالك له لسان طاااااالك


شكراً لك اخي الكريم وبارك الله فيك

[داري قطر]

صح لسانك واشكرك على الاختيار الجميل

[ناصر فلاح العجرمي]

اختيار مميز الصراحه مشكور وتقبل مروري.

[فتى كسلا]

مانيب من لا خنت عهده يراضيك
اللى على راسه لو اخطيت شالك

الخيارى متذوق رائع وصح لسان الشاعر
وكفيت ووفيت