[ناصر خنيفر]

ان شالله يعجبن الجميع

لي حوالي ثلاث شهور وقف قصيدي= اشغلوني هل الميدان بالسامريه
صارلي وقت ماسويت قافن جديدي= وخفت اوقف ويزعل بعض ربعي عليه
خاف سرحان يتهمني بنقصت رصيدي= ودري الذيب دايم نيته شقلبيه
مار ذالحين ابرجع يم عهدن بعيدي= يم دور البداه ويم دور المطيه
اه ياوقتي اللي راح ليته يعيدي =يوم حب القلوب الطيبه والبريه
يوم وقت الضعون وشوف ناس ٍ مديدي= وشوفت البيت مابني بالفياض العذيه
وكل قلبن محب يروح للي يريدي= واكثر مواجه الاحباب بعد العشيه
نوب جون لطيف ونوب بردن شديدي= تحت ضوح النجوم باليلتن خرمسيه
المحبه ماتنقص كل يوم ٍ تزيدي =حبن ابيض مانرجع للعلوم الرديه
يوم سبع الفلا بحبه ماهو مستفيدي= قبل يبدا السلام تقول وين الهديه
ايهن اطيب عسا حبلك مع الله جويدي=حبك اليوم ولا عصونا الاوليه
اعتقد حبكم ناقص وعلمه زهيدي= عن بنات البلد حبيتم الاجنبيه
بالبدايه تطاوع معك في ماتريدي= والنهايه محبتها تجي سم حيه
وصلك العلم فوري مادفع بالبريدي= عبر الارسال من دار الكويت الابيه

الموضوع الأصلي: ابيات موجهه لسبع الضاري وتكلم عن الماضي | | الكاتب: ناصر خنيفر | | المصدر: شبكة بني عبس

[عبدالله الفلاح]

صح اللسانك يابو تركي

[ناصر خنيفر]

راشد رباح تشكر على المرور

[ناصر خنيفر]

عبد الله فلاح اشكرك على المرور

[وضاح اليمن]

احسنت يالعمده ننتضر رد السبع الضاري اللي اعتقد انه سوف يصير قوي
نوب جون لطيف ونوب بردن شديدي ====== تحت ضوح النجوم بليلتن خرمسيه
الخبره لها دور راحت ايامك يابو تركي انت وربعك

[نافع دميات الدريبي]

بيض الله وجهك

[عبد الرحمن خضير]

لي حوالي ثلاث شهور وقف قصيـدي=اشغلونـي هـل الميـدان بالسامريـه
صارلي وقت ماسويت قافـن جديـدي=وخفت اوقف ويزعل بعض ربعي عليه
خاف سرحان يتهمني بنقصت رصيدي=ودري الذيـب دايـم نيتـه شقلبـيـه
مار ذالحين ابرجع يم عهـدن بعيـدي=يـم دور البـداه ويـم دور المطـيـه

صح اللسانك ابو تركى على القصيده الرئع والجزله
تقبل مرورى وسلامى

[ناصر خنيفر]

ابو وزره شكرا على المرور وينك منقطع عس ماشر