[عبد الرحمن خضير]

عبد الرحمن خضير الرويضي:

يامرحبا عند ربعي طيبين الجدود=ترحيبتن ماتقال الا على حلها
لعل شاعر مطير مع النشاما يجود=يسمع علوم الرجال ولايشكل لها

عبدالله العير:

الله يعافيك ويكافيك شر الحسود=ياراعي الغرسه اللي طيبين ظلها
أما ذبحنا جمل ولاذبحنا قعود=ولاعرفنا عدو الناس من خلها

عبد الرحمن خضير الرويضي:

بيني وبينك سوالف والمعاني حدود=لو ان صحبة مطير اصحابنا تملها
وان كان عقدتها والله لازيد العقود=ترى عباد الولي ماواحد يذلها

عبدالله العير:

لاتحسب ان الليالي كلها اليوم سود=لابد من ليلة قمرا تعين لها
لقيت الاجواد في قهوة محيسن قعود=في تالي الليل مدري ويش طار لها

عبد الرحمن خضير الرويضي:

لو جيت رآس الجبل حصلت روس الاسود=لعل غر الروايح دارك تبلها
بعد لقيت الوزير مسلم للجنود=لو تكبر المشكله حنا نبا نحلها

عبدالله العير:

انتم بني عبس مير النار تبغا وقود=والظاهر ان الجماعه حولت كلها
ياراعي البيت وش علمك كسرت العمود=معزب القوم كيف يصير ضيف لها

عبد الرحمن خضير الرويضي:

حنا مقابيسها لاصرت عنها شرود=لملم دعاويك يامطيري وطبل لها
مريت سودة عسير وشفت فيها القرود=والبنت معروف شرهتها على خلها

عبدالله العير:

أنتم مقابيسها واصحاب عاد وثمود=هذا ولدها وهذاك ابن عم لها
مريت سودة عسير وشفت فيها الفهود=وشلون مرتك وانته مانت فاطن لها

عبدالرحمن خضير الرويضي:

بذلت معك الجهود ولابذلت الجهود=لكن كبود العرب بالحيل لاتعلها

الموضوع الأصلي: بين عبد الرحمن خضير وعبدالله العير رحمه الله | | الكاتب: عبد الرحمن خضير | | المصدر: شبكة بني عبس

[أنكسارحلم]

الاخ الشاعرعبد الرحمن خضير

صح السانك ورحم الله الشاعر عبدالله العير.وبنتظار المزيد من .هانوع للمحاورات

الرائعه..اخي الكريم اسمحلي بعادة التنسيق للمحاوره..


وحياك الله في( شبكة بني عبس..منتديات قبائل بني رشيد)

تحياتي

[الشيخ]

مريت سودة عسير وشفت فيها الفهود
وشلون مرتك وانته مانت فاطن لهـا

[عابدالبراك]

الاخ الشاعر عبدالرحمن خضير بيض الله وجهك محاوره جزيله وافيه وانت وافي

ولاقصرت ولاهي غريبه من شاعر غني عن التعريف والله يرحم الشاعر العير

[ابوعبدالله الشويلعي]

الاخ الشاعرعبد الرحمن خضير


صح لسان والله يعطيك العفية.............وتغمد الله الشاعر عبدالله العير بواسع رحمته




مشكوووووور ونريد المزيد











تقبلوا تحياتي أبو عبدالله الشويلعي

[سعد الشقل]

صح اللسانك يا عبدالرحمن كفيت وفيت بالمحاوره الرائعه والله يرحم عبدالله المطيري


وياليت تزودنا بكل محاوره لك

تقبل تحياتي اخوؤوك سعد الشقل

[(فارس الرشيدي)]

الشاعرعبد الرحمن خضير

نشكرك على جهودك ونتمنى تواجدك دايما وحياك الله بين ربعك ونرغب مشاركاتك الدايمه

اخوك فارس الرشيدي

[عبدالعزيز الخياري]

الشاعر عبدالرحمن خضير

حياك الله بين ربعك واخوانك ووجودك بيننا يسعدنا ويشرفنا ومحاورتك مع

الشاعر عبدالله العير محاوره رائعه واشكرك على نقلها لنا ولا تبخل علينا

بمحاوراتك وارحب بك في شبكة بني عبس منتديات قبائل بني رشيد

تقبل تحياتي