[أبو فايز العويمري]

أبعث لكم لغزن بنظمه تقصــيت = على حسب عرفي وكلن له أنظار
وش الذي في بيتهم داخل البيـت = يقضون كل الوقت بالبيت حضــــار
والكل منهم له قسم واله توقــيت = متحضرين المنع لاخطار واـــــلنار
واكبرهم حيآ فوق لكن تحت ميت = يروسهم واللي مسيطرعلى الدار
من الغاز أخوكم أبوفايز العويمري ولغز وانشاءالله ان ينال اعجابكم

الموضوع الأصلي: ابعث لكم لغزن بنظمه تقصيت | | الكاتب: أبو فايز العويمري | | المصدر: شبكة بني عبس

[الوافي ابوصالح]

السلام عليكم
صح لسانك ابوفايز وش رايك برجال الدفاع المدني

[أبو فايز العويمري]

اقتباس من مشاركة الوافي ابوصالح السلام عليكم صح لسانك ابوفايز وش رايك برجال الدفاع المدني

الاخ الوافي أبو صالح اسعدني مرورك والرمعه مالك لواء

[الوافي ابوصالح]

السلام عليكم
وش رايك اخوي ابوفايز بطبلون الكهرب وفيوزاته

[أبو فايز العويمري]

اقتباس من مشاركة الوافي ابوصالح السلام عليكم وش رايك اخوي ابوفايز بطبلون الكهرب وفيوزاته

الاخ الوافي ابو صالح طبلون اوقاطع الكهرب وفيوزاته صح السانك وبيض الله وجهك وأنا ذكرت لكم ان اللغز سهل واشكرك على رمعاتك الموفقه والصائبه

[عبيد الله دعيع]

بيض الله وجهك يالوافي وصح لسانك يابوفايز لغز جميل تحياتي

[دايم العز]

بيض الله وجهك يابو فايز على هالغز الرااائع

وبيض الله وجه الوافي اللي حله

تحياتي للجميع

دمتم بود

[أبو فايز العويمري]

الاخ الخيال شاكر ومقدر مرورك