[عبدالعزيز الخياري]

أخواني الاعزاء هذه قصيدة الشاعر المبدع ليلان حامد الرشيدي والتي فاز فيها في مسابقة خمسين عام وهي عبارة عن تكملة الابيات والتي كانت من الشاعر الامير/عبدالعزيز بن سعود السامر والابيات تقول:

عزالرياض وعز وادي حنيفه =وعز الاماره والامور العظايم
عدل الحكم سلمان بالعز ريفه=حمسين عامٍ كل ابوها غنايم

والان اضع بين ايديكم قصيدة الشاعر ليلان حامد

عزالرياض وعز وادي حنيفه =وعز الاماره والامور العظايم
عدل الحكم سلمان بالعز ريفه=حمسين عامٍ كل ابوها غنايم
تبصر بعينه عين حيٍ كفيفه =المجد له والطيب والعز دايم
كان الوفا له كيف سلمان كيفه = مقطع ضرم لإصحاب روسٍ ضرايم
وريث عز ومجد فوق الوظيفه=غزيمة من فوق كل العزايم
كم صعبتٍ جت له وراحت عسيفه=بالحق مايخشى بها لوم لايم
ابوه قبله مارضى بالنصيفه=وحد بلاده ماقبل للهزايم
بالحق جاك ورز رمحه وسيفه =في حزةٍ فيها تطير العمايم
دايم عبارات اللسان الشريفه =((على القدايم )) دوم والحظ قايم
وابو فهد نال ونهل من وصيفه =أخذ صفة ذيب السرى والخرايم
من عاد ماكانت ظروفٍ كليفه=ابو فهد له وقفةٍ بالصمايم
شامخ كماجبال السراة المنيفه=عزٍ لامارة نجد عن كل ضايم
حليف فخر وكل فخرٍ حليفه =عاش الرياض اعوام فوق النعايم
سلمان هو ظله اليا اشتد صيفه =وايضا ذراه ان زاد لفح السمايم
ترفع له الرايات بيضا صحيفه=باكبر ثنا يستوعبه قلب نايم

الموضوع الأصلي: قصيدة خمسين عام للشاعر ليلان حامد الرشيدي | | الكاتب: عبدالعزيز الخياري | | المصدر: شبكة بني عبس

[سلمان]

صح الله لسانه


عز الله إنها تستحق الفوووز

[عبدالعزيز الخياري]

صح الله بدنك يا سلمان وليلان شاعر يستاهل علما انه كان من اللجنه الشاعر الكبير احمد الناصر
وكان من بين المتسابقين شعراء كبار من ضمنهم الشاعر سلطان الهاجري وشاعرنا ليلان حامد اثبت شاعريته ويستاهل

[مسندالعويمري]

صح الله لسانه


وفعلن إنها تستحق الفوووز

[فيصل الرشيدي]

صح لسانه وبيض الله وجهه قصية جزلة وتستحق الفوز والمراكز الاولى ...

يعطيك العافية ابودحيم على النقل الرائع

وتسلم عسى تسلم من الشر يمناك ...

[بركه الداموكي]

صح لسانه وبيض الله وجهه قصية جزلة وتستحق الفوز ...

[سالم النويران]

صح لسانه وبيض الله وجهه وقصيدة جزلة
ومشكور اخوي عبدالعزيز الخياري

[عبدالعزيز الخياري]

مسند العويمري ، فيصل الرشيدي ، بركه الداموكي ، سالم النويران

الف شكر لكم على ردودكم