[D.love]

دخيلك ما أبي تبدي السنه هذي جروح جداد ،
قديم الصبر .. يا معنى معاي وغيبتك ضدي !

سنه حلوة .. إذا شفتك قريب وخلق الله أبعاد :
معاك أضيع في عز الكلام أقول : من قدي ؟

خبر عنّك يدمّرني يشتت كل ( حروف الضاد ) !
حسافه ، كنت بكتب لك لقيت الوقت مايمدي

تبي تسافر ؟ تخليني على شانك ، أحب بلاد .. .
فمان اللـه إذا ودّك [ تسافر ] بس ما ودي :

يموت النوم فـ ( غيابك ) ويخلق للسهر ميلاد ،
أنا وشلون أغمضها عيوني ؟ وإنت مو عندي !

حبيبي طفلي الأكبر بكوا من غيبتك { أولاد } ،
يبونك تشعل شموع السنه و أتضايق بـ ردي .

يسارك جرح لكن في يمينك لي دوا وضماد ،
غيابك يومي الأسود وشوفك حلمي الوردي !

تخيّل كثر ما ( أحبك ) شعور الشوق فيني زاد :
شعلت النار من شوقي ولاحسّيت في بردي !!

أنا مو قصدي يابختك لأنك زرت كل بلاد ..
يابخت بلاد زارتها عيونك هذا هو قصدي ،

تطيح دموع ماترجع وأبي ترجع لي يالله عاد ..
حزين اليوم أطالع [ صورتك ] وإيدي على خدي !

الموضوع الأصلي: دخيلك ما أبي تبدي السنه هذي جروح جداد ، | | الكاتب: D.love | | المصدر: شبكة بني عبس

[فضي البراك]

الله عليك

اختيار جميل وذائقه عاليه

[أبو الفرح]

رائع في اختيارك

[D.love]

منورين ، الله يعآفيكم

[جفاا]

أنا مو قصدي يابختك لأنك زرت كل بلاد ..
يابخت بلاد زارتها عيونك هذا هو قصدي ،

تطيح دموع ماترجع وأبي ترجع لي يالله عاد ..
حزين اليوم أطالع [ صورتك ] وإيدي على خدي

الله الله
جآزتت لي ححيل
يسسلم هالذوق خيوو :)