[صوت البدر]

قولوا لبو متعب ترى الشعب مقهـور=ياخـادم البيتيـن امسـك عصـاهـا
ضاعت فلوس الناس مع كـل هامـور=ومثلك يعرف البير ويعـرف غطاهـا
من سي لاسوأ وبين عاثـر ومعثـور=وسهمك 0وهو سهمك رموه بخلاهـا!
كيف اشكي العله علـى كـل دكتـور=والطب عندك وانـت تعـرف دواهـا
ماخافـو الله خالـق النـار والـنـور=حتـى الأرامـل شاركوهـا بعشـاهـا
ياقلبـي اللـي فيـه نيـران وحـرور=ضاقت علي دنيـاي وسكـر فضاهـا
سوقك بلون الـدم باسبـاب مغـرور=يضغط علـى سابـك وكسـر يداهـا
في عشر اواخر نرجي الذنب مغفـور=قامـوا علينـا قومـة ٍ مـا وراهــا
واعمار صارت دمهـا اليـوم منثـور=وخاب الرجاء باعمار واللـي رجاهـا
ياما بنينـا فوقهـا ابـراج وقصـور=وراحت سدى والسوق دحـدر معاهـا
كم شاب قال ابغى اتزوج مـن الحـور=وافلس وبيره جف مـا شـاف ماهـا
وكم راعي أسره أصبح الصبح مفقور=العيـد بكـره واسرتـه مـا كساهـا
وقمت اتفكر وادرس الـراي والشـور=قلت ازبن لصقر العروبـه .. ذراهـا
بكلمه تجي من عنده اليـوم مسـرور=والسوق يرجع عشب يـروي ظماهـا
يادرعنا لا صـار بالكـون عاصـور=كم صرخـة ٍ للنـاس تسمـع صداهـا
يالحر 00 يابن الحر 00 والحر مخبور=قاد الحـرار الشامخـه فـي سماهـا
ما يلحقك يا سيـدي شـك وقصـور=لكـن رسالـه ياصـلـك محتـواهـا
انـك ابونـا والرجـا فيـك موفـور=عدلـك شمـل كـل الديـار وغشاهـا
جوني يعزوني على السـوق ماجـور=قلـت البقـا بالشيـخ يطفـي لظاهـا
ويرد لون السوق عشبـي ويخضـور=مثـل علـم دار السعـود وصفـاهـا
خيرك عميم وشاكر النـاس مشكـور=ومـزن الحيـا عـم البـلاد وسقاهـا
انت الرجا بعد الولـي تدفـع الجـور=واسلم عساك تـدوم وتحمـي حماهـا

منقول لا أعرف قائلها

الاخ صوت البدر صح السانك والسان قائلها ..وسمحلي بعادة تنسيق القصيده

اخوك/ ناصر الشويلعي

الموضوع الأصلي: قصيدة أنهيار سوق الأسهم .... | | الكاتب: صوت البدر | | المصدر: شبكة بني عبس

[بدر الحشية]

صح لسانك ولسان الشاعر
والله يعين المسلمين على هالبلوى
وان شاء الله يرجع السوق مثل اول واحسن

[مفلح الخضيري]

سلمة يدكاتبها و صح لسان الشاعر ها

[محمد بن نفوع النامي]

الله لايوفق من كان سبب في انهيار سوق الاسهم

[بشيرالشويلعي]

سـوقـك بـلـون الــدم باسـبـاب مـغـرور**يضـغـط عـلـى سـابـك وكـســر يـداهــا

الأخ صوت البدر
( ياريت)تبحث عن أسم قائلها ، والموضوع ليس ممنوع من النشر، القصيدة نخوة وترجي ، وقصة ، وعبرة لمن يريد أن يعتبر0

[صوت البدر]

الاخ بشير صاحب القصيده غير معروف


سعدت بمرورك اخي العزيز






دمت سالما

[الوافي]

تسلم اخوي على النقل الجميل
تقبل تحياتي اخوك الوافي

[بنت الأصايل]

السلام عليكم ورحمة الله وبركاته


قصيده رائعه


بيض الله وجه قائلها وناقلها