[آلنجم]

يا صاحبي ودي على خوتك دوم
مدام جسمي يملك الروح حيه
خوة نشامى مابهم نقص ورخوم
لا وا هني من صار مثلك خويه
قرمن ونسله من صناديد واقروم
بعيد عن درب الردى والخطيه
يا صاحبي علمني عن اخبار واعلوم
وش حال طبختنا يامال الغنيه
لاشك واصلتك عن اخبار هاليوم
عندك خبر فالبينه والخفيه
وشخبار حرن فالغصب صار محكوم
ولا ينحكم حرن ونفسه رضيه
اليوم جاهم ما يرد عنهم النوم
جاهم ما خلى صبحهم كالمسيه
وصدام عقب العز بالخد ملطوم
لطامته ناسن تحب الاذيه
وشعبه ترى مظلوم مظلوم مظلوم
الله يعينه مبتلي فالبليه
جاه الذي ما يتبع الفرس والروم
ولا يعرف الاسلام والشر نيه
الاجنبي الي من الغبط مزحوم
له ضربتن يا صاحبي معطبيه
وسلاحهم يضرب ورى سبع الاغيوم
مايدركه من الفشق كود عيه
يا مشعل ارسل لي نبا علم هالقوم
وشحالهم من عقب ضربه قويه
تمت بذكر مالك الملك والصوم
صلاة ربي مع شفاعة نبيه

الموضوع الأصلي: الشاعرنواف العازمي قصيده من ذهـــــــــــــــــب | | الكاتب: آلنجم | | المصدر: شبكة بني عبس

[عادل بن هون]

مشكوووووووووووووووووووووووووووور:

جاه الذي ما يتبع الفرس والروم
ولا يعرف الاسلام والشر نيه
الاجنبي الي من الغبط مزحوم
له ضربتن يا صاحبي معطبيه
وسلاحهم يضرب ورى سبع الاغيوم
مايدركه من الفشق كود عيه

[آلنجم]

شكرآعلى التصفح

[الـريـم]

يعطيك العافيه ع الاختيار
ابيات استمتعت بقرائتها

[آلنجم]

شكرآعلى استمتاعك ياريم والله يرحم الشاعر نواف العازمي ويطيب ثراه

[البعيد الهادي]

الله يرحم ابو عبد العزيز ويرحم اموات المسلمين

[ابوصالح لرشيدي]

صح اللسان الشاعر الكبير نواف العازمي

شاعر غني عن التعريف وكل قصائده جميله ومميزه

واستمتعت بقرات هذا نادرة ...

النجم الساري سلمت ودمت على نقل هذه القصيدة الجميلة لك مني أجمل تحية ..بانتظار جديدك المميز كعادتك .. تقبل مروري ,,,,

[آلنجم]

اقتباس من مشاركة ابوصالح لرشيدي صح اللسان الشاعر الكبير نواف العازمي شاعر غني عن التعريف وكل قصائده جميله ومميزه واستمتعت بقرات هذا نادرة ... النجم الساري سلمت ودمت على نقل هذه القصيدة الجميلة لك مني أجمل تحية ..بانتظار جديدك المميز كعادتك .. تقبل مروري ,,,,

تسلم على مرورك يابوصالح والله يرحم ابوعبدالعزيز
الشاعرالشجاع نواف العازمي