[الهدوء طبعي]

(مرثية )الشاعر سعد الصواغ بوالده (عبدالله الصواغ )

اضع بين اياديكم قصيدة الشااعر المبدع :سعد عبدالله الصواغ

بوالده الشااعر المرحوووم :عبدالله هلال الصواغ

رحمه الله رحمة واسعه واسكنه فسيح جناته والمسلمين اجمعين

لااريد الاطاله عليكم اترككم مع القصيده

الا يالله يارب الخلايق

تعين القلب لاصار متضايق

ماغيرك في يدينه كل حاجه
تزين البال وتخليه رايق

وترحم شايب(ن)خايف مقامك
وتجعل مسكنه روض وحدايق

انا من كثر مايطري عليه
يشوق القلب لمشاهده شايق

دعيتك والعرب بالليل تدعي
دعيتك يامفرًج كل عايق

الا ياوجد حالي وجد رجلن
كلاه الدين ماضيله وثايق

تديًن من بني عمًه لبيته
وبيته شبًبوا فيه الحرايق

هله داخل ولايقدر يجيهم
ومن دونه كبيرات العلايق

وغير ان سجنوه عيال عمًه
طلع قدًام خلق الله بايق

يصيح بعالي الصوت المقطًع
ولا عاد لكبير الهم طايق

ترا وجدي وجود اللي ذكرته
ولاكن وجد حالي وجد فايق

عسى مزن(ن) على قبره يبلًه
ياعود(ن) للكرم والطيب سايق

احس ان الكرم منبعه لاكن
على غيره فلا تلقاه لايق

انا اشتقت اله لاكن ويش اسوًي
وانا اشتاق اله في كل الدقايق

وسيع الصدر ماجته الرديه
حقايق وانته اعلم بالحقايق

انا داعيك بمحمد رسولك
تفرًح خافق(ن)للهم ذايق

وترحم من عظامه في يدينك
وتجعل مسكنه روض وحدايق

دمتم بود

الموضوع الأصلي: مرثية | | الكاتب: الهدوء طبعي | | المصدر: شبكة بني عبس

[كحيلة]

آآمين..
صح الله لسان شاعرها..وعسى ربي يرحم أموات المسلمين..
تسلم يمينك حبيبتي ع النقل الطيب..
لاخلا ولاعدم يالغلا..

[احمد منيف]

صح الله لسـان شاعرها ورحم الله موات المسلمين ..

مشكوره اختي ع النقل