[منصور بن صبح]

أيامنا وأعنانا من ملامحها=في كل يومً لها ألوان وشكالي
أمريح اللبال خال العقل رابحها=ولا سليم العقل من راحته خالي
ياكذبها والعرب تتبع مصالحها=ياصدقها والعنى يفتك بمحتالي
دايم وصيورها ترمي بصالحها=حتى غموضه يعرضه أشهب اللالي
ياقل صالح بها ياكثر طالحها=يادنيها وسمها عبرات ومثالي
باتت مريفه وصبحها مصبحها=وشفنا العجب بين تصبيحن ومقيالي
صارت وخيمه وريف بعين مادحها=سوداء وبيضاء حوت من كل الأحوالي
سود الليالي طلوع النور يفضحها=وليا جلاء النور غدراء تهول هوالي
جربتها والسعد يخفي تبجحها=جاهل مفرق مابين المر والحالي
ودركتها قبل تغويني مطامحها=صديت عنها ودمع العين همالي
أشفق عليها وعز النفس ونصحها=عنها وفي بعدها لاشك أولالي
النفس ماكل ماتهوى يريحها=ياكثر ماتهتوي مايغضب الوالي
من طاعها في حبال بليس يجرحها=واللي عصاها يضل مريح اللبالي
نفسي تبا الطيب والشرهات تفرحها=وبالخص لامن لفت من صاحبن غالي
اللي ليا شاف لي غلطه يصلحها=في سلم الأجواد ماهو سلم الأنذالي
يترك سلوم الردى لاصاح صايحها=يبعد مجاله عن أهل القيل والقالي
ماله ومال الذي نفسه مطيحها=على سقاط العلوم دقاق وجلالي
خبلً يبهر علومه ثم يملحها=خبيث طبع وتجرع هم ونكالي
لاشاف نيه بنار الخبث ينجحها=شوى الرديه وكلها طيب الفالي
واللي ليا جاته العوجا يصافحها=دايم عن الطيبه من خلقته سالي
جبل على العايبه والناس سمحها=وغتر فيها يحسب أنه بها طالي
بسبابها لو سموم القيض يلفحها=يعد نفسه نزل في منزلً عالي
أقام حجه على الباطل ورجحها=ترجيح جاهل خلي من كل معدالي
تاسف له الناس ويبيح مبيحها=وأن جيت أصحيه بالباطل تهيالي
جيته بحجه وبعض الناس كافحها=كفاح دجال والمحتال دجالي
دايم ضعاف النفوس الحق يجرحها=ولا يغلب العاقل الا هرج جهالي
الناس يابغضها للي يصارحها=وياحبها للمجامل لو على الخالي

الموضوع الأصلي: النفس ماكل ماتهوى يريحها - ياكثر ماتهتوي مايغضب الوالي | | الكاتب: منصور بن صبح | | المصدر: شبكة بني عبس

[بندر الشويلع]

صح لسآن شاعرهآوتسسسسسسسسسسسسسسسلم يمين نآقلهآ
وختيآ{ موفق

[كاتب الرشيدي]

اقتباس من مشاركة منصور بن صبح سود الليالي طلوع النور يفضحها=وليا جلاء النور غدراء تهول هوالي جربتها والسعد يخفي تبجحها=جاهل مفرق مابين المر والحالي ودركتها قبل تغويني مطامحها=صديت عنها ودمع العين همالي

بيض الله وجهك على النصيحة بهذه القصيدة الراقية

اقتباس من مشاركة منصور بن صبح النفس ماكل ماتهوى يريحها=ياكثر ماتهتوي مايغضب الوالي من طاعها في حبال بليس يجرحها=واللي عصاها يضل مريح اللبالي

وهنا وصف وتحليل النفس بحيث من تركها لعبة به
وعسى الله مايشغلنا إلا بطاعته

شكراً لقد ارويتنا شعر ونصح

اقتباس من مشاركة منصور بن صبح دايم ضعاف النفوس الحق يجرحها=ولا يغلب العاقل الا هرج جهالي الناس يابغضها للي يصارحها=وياحبها للمجامل لو على الخالي

وهذا هو واقع أكثر الناس الله يهديهم وهذي هي السلبيات والنفاق والمجامل الضار اعني بالضار حيث يوجد مجامل نافع بحيث لاينقص من مكانة أحد ولايضر أحد ولايكون على حساب مصالح

بيض الله وجه شاعرنا على هذه القصيدة الشامخة
التي تحمل النصح والتوصيف والعبرة

صح لسانك يامنصور

وتستاهل ختم التميّز

[عبدالهادي بن صبح]

منصور بن صبح صح لسانك قصيدة جزله وفريدة من البديع

كالعادة الشاعر منصور بن صبح يطرب مسامعنا بالجزل صح لسانه

مافيك حيله يابن صبح

[الحر النداوي]

منصور بن صبح بيض الله وجهك وصح لسانك

قصيدة جزله وتستاهل الختم

[عبس404]

.

..


فوق الخيال ابدااااع لاحدود له يا منصور

صح لساااانك على القصيده الجزله يا جزل

ماهي غريبه على الابداااع يا منصور

ننتظر جديدك بفارغ ااااالصبر

..

.

[محمد الراشد]

من اجمل ماقرأت الى الامام دقت ساعة الشعر

[عيد الداموك]

منصور بن صبح

شاعر ومبدع وكتبت لنا من فيض القصيد المميز

تقبل مروري وتحياااتي