[حلا الرشايده]

. . .
. .
.

ياشينها لا صرت معجب و ( خجـلان =خوف المصـارح لا يجيـب المطمّـه
اخاف اصارح بالغلا ( ذاك الإنسـان =و ينقلـب ( جـوو المصـارح مذمّـه
ويا شينها لا صرت مغرم و ( زعلان =محد ٍ يراضـي قلبـك و ( محـد يمّـه
وان رحت محد ٍ قال لك: (وين يافلان =روحتك مع جيّتك .. ماهـي مهمّـه
ويا شينها لا صـرت عايـش بحرمـان=مثـل اليتيـم اللـي فقـد شوفـة أمّـه
ماخوذ حقّه وانظلـم شـوف الأعيـان =.واللي اظلموه (عيـال لحمـه و دمّـه )
ويا شين صاحب دربك(ان صار ثعبـان=لا هو تركـك و لا نفـث فيـك سمّـه
كنّـا خويّـا وانتسمّـى بـالأخــوان =واليـوم أسمـه بأخبـث النـاس سـمّـه
ويا شينها لا صـرت ناجـح و ندمـان =( وصلت قمّه )( وغيرك بأعـلاا قمّـه )
مثـل الإمـام ..العالـم بفقْـه الأديـان =يومه نجح .. والكـل صـاروا ( أأمّـه )
ويا شينهـا لا صـرت تايـه وحيـران = وسط الطريق .. و باقي ٍ فيك همّـه ))
ودّك ترووح .. وآخر الـدرب مـا بـان =تخاف تمشـي .. ( ثـم تغشـاك غمّـه )
ويا شينهـا لا صـرت مبلـي ومنهـان =والعلـم كلّـه .. مـن اكاذيـب نـمّـه
مـا فيـه ضـدّك لا دلايـل وبرهـاان =ودخّـان نـارك مستحـيـل ٍ تشـمّـه
ويا شينها لا صرت مـن روس الاعيـان =ثـم تنقلـب فـي نظـرة النـاس رمّـه
ويلااااه يا وقـت ٍ نـوى لـي بعصيـااان =أثـر الزمـن يـا نـاس مـا فيـه ذمّـه
ويا شين طرد المقفْي لـو كنـت ولهـان =ياخـذه شيطـان الغـروووور و يخمّـه
يظـن انّـك هايـم ٍ بـه وشفـقـااان =ما يدري انّه لـو فطـس ... مـا تهمّـه
ومااشين مـن معاشـر قليليـن الإيمـان =درب الهداية .. لا .. أبـد ... مـا تتمّـه
الخلْق سجـن وصاحبـك فيـه سجّـان =والعلم خال العزز .... ( والجـود عمّـه )
ويا شينها .. أصلا بقى شي ما شـان =هـذي الليـالـي طبعـهـا مدلهـمّـه
الشيـن والله شيـن غاليـن الأثـمـاان =لا قام كـل ٍ رافـع ٍ فـوووووق فمّـه
( ويا زينها ) لا صرت لاهـي و طربـان =وحبـل القصايـد يرتجيـك و تلـمّـه
يا ليل دانه .. ليل دانـه .. لا لا .. دااان =ما فيه ثـوب ٍ يستـر أطـراااف كمّـه
يا زينها لا صرت معجـب و ( خرمـان) =تنثـر علومـك لـو تجيـب المطـمّـه

الموضوع الأصلي: ياشينها لاصرت معجب وخجلان ..!؟ | | الكاتب: حلا الرشايده | | المصدر: شبكة بني عبس

[صقر عبس]

الله عليك ياحلا وكلك حلا وصح لسانك
وأجمل التحياء وأصدق ألامنيات
صـــــــــــــــــــــــــــــــــــــــــــــــــ ـــقر عــــــــــبس

[الاجهر]

قصيدة رائعة ذات طابع خاص واسلوب معبر
وابيات متناسقة
لاخت / حلا الرشيدي قصيدة رائعو
وياليت تختم القصيدة باسم صاحبها
مشاركة رائعة جدا

[ابوصالح]

صح السانك ختي حلا

علي القصيده الرئعه

والجميله شكراً لك اختي الكريمه

[صالح سعود]

الاخت //حلا


صح لسانك


وسلم بنانك


تقبل تقديري الخالص ..

[حلا الرشايده]

اقتباس من مشاركة صقر عبس الله عليك ياحلا وكلك حلا وصح لسانك وأجمل التحياء وأصدق ألامنيات صـــــــــــــــــــــــــــــــــــــــــــــــــ ـــقر عــــــــــبس

الله يسلمك

وصح بدنك

وتسلم عالمرور العطر ...

تحياتي ...

[حلا الرشايده]

اقتباس من مشاركة الاجهر قصيدة رائعة ذات طابع خاص واسلوب معبر وابيات متناسقة لاخت / حلا الرشيدي قصيدة رائعو وياليت تختم القصيدة باسم صاحبها مشاركة رائعة جدا

تسلم اخوي على رايك الرائع
واخجلتم تواضعنا...
تحياتي ,,,

[حلا الرشايده]

اقتباس من مشاركة ابوصالح صح السانك ختي حلا علي القصيده الرئعه والجميله شكراً لك اختي الكريمه

صح بدنك اخوي

والجميل هو مرورك الكريم

شكرا عالتعديل


تحياتي .....