[يـوسف بن شلاح]

إلى مقام الأخ العزيز سعادة المقدم المهندس/سليم بن نافع بن عريجة......مع التحية
.
.
.



على دروبي تشرق الشمس وتغيب=و رجاي في باكر إليا زل يومي
بين الرجاء واليأس خطاي ومصيب=مقدم ولأدري وش نهاية قدومي
إليا خذل كفي وثيق المقاضيب=قللت من شأنه ولأكثرت لومي
أدري كثر ما تخطي الهقوة تصيب=والطيب ما هو بالرجال معدومي
يإبن عريجة جف حبر المكاتيب=وأنا تزاحم لك بصدري علومي
مدري وش أخلي ولأدري وش أجيب=كني على العلم المبدأ كتومي
ضيفٍ لفى وهجسي لصوته معازيب=يرسل صدى صوته وأقول محشومي
ما بين ماجوبه وكثر التراحيب=تكبر مشاريهه وتكثر همومي
أكايل الهقوات وأخشى من العيب=ولا ضاق صدري مأوسعتني هدومي
يإبن عريجة يا حصان الأطاليب=كثر الكلام وصار مثل الحلومي
ولا لي عنك في حزة الضيق تجنيب=وأنت اللي بحمل النشامى تقومي
ومثلك إليا منه قراء للمكاتيب=دكتور شعر وفاهمٍ للسلومي
وهجسي يإبن نافع عريب المجاذيب=تبقى فخر ما تنتهي في لزومي
محشومةٍ حشمة هل الطيب للطيب=باللي ليا من طحت عنده يقومي.
.
.
.

أخوك/يوسف بن شلاح.

الموضوع الأصلي: يإبن عريجة جف حبر المكاتيب=وأنا تزاحم لك بصدري علومي | | الكاتب: يـوسف بن شلاح | | المصدر: شبكة بني عبس

[بوتفليقه]

صح لسانك وابن عريجه يستاهل
بس سعاده من نتطبق عليه لانها لرتب اكبر

[مروان الرشيدي]

الله الله


صح ألسسآنك وعلا ششانك


قصيده مميزه

ويسستآهل ابن عريجه

.


فالك التوفيق يابن شلاح

[احمد منيف]

لاهنت اخوي والقصيدة طيبه وبيض الله وجهـــك

[البعيد الهادي]

صح السانك وتعلا شانك يابن شلاح
قصيده جزله
وانت عنزتها على رجل كفو وكل علمه غانم
والله يوفق الجميع

[عقيد المدرهمات]

ونعم في ابن عريحه

ويستاهل كل علم غانم

ويوسف بن شلاح قصيدة جزلة وعالية

وصح لسانك

[ابو رايد]

لاهنت اخوي والقصيدة طيبه وبيض الله وجهـــك

[البـــــرد]

ونعم في ابن عريحه

ويستاهل كل علم غانم

ويوسف بن شلاح قصيدة جزلة وعالية

وصح لسانك