[قسورة الغاب]

السلام عليكم ورحمة الله وبركاته

اسعد الله اوقاتكم بكل خير اليكم محاورة

صياف & علي هونك


صياف

الليله الليله طواريق الشعر فيهاء اظطراب = نادو على هونك نبا نكشف علوم السمسره
قريت مظمون الرسايل ماستفدت الى جواب = الي على شانه تشوف مظاهرات وجمهرة

علي هوونك

ياصاحبي صياف لاتقلب بصفحات الكتاب = تشوف فيه من الحروف اسمان واخرى مضمره
لاصرت في عال الجبل لاتعاين الي بتراب = واعرف ترى بعض الكبود معلله ومسمره

صياف

دام ان لي وجهت نظر مايردني علم الصواب = وانار تبغا تشب جمع في حطبك وغمره
مرقابنا واحد وكم من طالع بعينه وهاب = الحر مالاحت لمرقابه طيور الحمرة

علي هوونك

لابد من يومن يبا يظهربها فرق الحساب = هلحين به عشرة مواقع تالفه ومدمره

ابشرك من تحتاً مرقاب فيه افروخ داب = الفرق يبغا يدوم مدام الحياة معمره

صياف

اصبر شهر وتشوف دربك لاعجاج ولاضباب = والله لياصفالك طريقك والوجييه مسمره
قبل امس شفت العاني الي صك باب وفك باب = هو مادرى ان القوم تعصب روؤسها ومشمره

علي هوونك

حلف الثلاثي مع طلوعه كل حلفاً كان غاب = وتبغا تغيب وجيه وتكسّف عيون محمره
الناس مافيها حيا لصلح يسعون بخراب = ومن البلاطه بالوجيه القوم جتك مزمرة

صياف

ايوالله انك قلتها شف كيف مكنا الصواب = لكن ترى هذا دليل ان القلوب مجمرة

وهلحينا اناوياك يوم الثلج عقب الحر ذاب = والي تبا تومر لاياجازلك معنا ومره

علي هوونك

متشوف راع السيف والي يحذف اقصار الحراب = الناس تضحك لنظر وصدورهم متخمره
ازهم عليهم قل عليكم مثل همال السحاب = لو الوجيه الي عليها علمنا متذمره

صح اللسانك ياصياف

وصح اللسانك ياعلي هوونك

وبيض الله وجيهكم علي الطارووق الرائع ولاهنتم

الموضوع الأصلي: تنسيق محاورة صياف وعلي هوونك | | الكاتب: قسورة الغاب | | المصدر: شبكة بني عبس

[مروض الجزله]

مرقابنا واحد

صح السانك