[عبدالله عوجان]

بمناسبة اليوم الوطني ازف لكم هذه الوطنيه

ياموطني تبقى زعيماً للاوطان = وتبقى بعين (الضاد) دره ثمينه
تبقى على طول المدى عالي الشان = وتكفيك (مكه) ياوطن (والمدينه)
ويانجد يادار العرب عبر الازمان = ياللي بمكنون الضماير سجينه
لك بالحروب انواع واشكال والوان = طول الزمان اللي تقفّت سنينه
يوم الرمك في سرج والجام وعنان = يوم الرجال احسابهم حاسبينه
للسيف مغوار(ن) وللعرش سلطان = وللحرب جولات ومواقف حزينه
للمعركه جيشٍ وللخيل فرسان = ولبطال حزتها سيوفٍ سنينه
ويوم امتطى صهوة جواده كحيلان = سارو ورى (عبدالعزيز) أربعينه
واستبشرو بالفتح يوم الوغى حان = يوم الزمن مابين زينه وشينه
(عبدالعزيز) اللي له الحرب عنوان = لا ولّعت سيفه بقبضة يمينه
عنده حياته واحمر الموت سيّان = للذود عن شعبه وعرشه ودينه
كنه الى منه نزل كل ميدان = العاصفه عقب الهدو والسكينه
مابين الارض ونجمة سهيل شتان = وشتان مابين الفوارس وبينه
وياموطني ماميّزك بين الاوطان = ياكود (مكه) ياوطن (والمدينه)

الشاعر
عبدالله عوجان

الموضوع الأصلي: (زعيم الأوطان) | | الكاتب: عبدالله عوجان | | المصدر: شبكة بني عبس

[سلطان]

تسلم والله واشكرك على هذه القصيده الوطنيه يابوعوجان

[أنكسارحلم]

درة ذهب !!

هذا هو الاخلاص الحقيقي للوطن ,, هذه هي الروح الوطنية عند الشاعر عبدالله عوجان.

لله درك يامبدع على هذه القصيده التي لها الذوق المختلف عن بعض القصائد

الا وهي تتكلم عن يوم فيه افتخار للملكه في احياء ذكرى مؤسس هذه النهضه الشامخه

جلالة الملك عبدالعزيز طيب الله ثراه .

وكـــــــــل عـــــــــــام وانــــــت بـــــخيـــــــــــــــــــر ياشـــــاعرنا القـــــــادم....

[مطر العرعري]

السلام عليكم ورحمة الله وبركاته



اشكرك على هذي القصيدة الجميله بلوطن واقول لك الى الامام


واشكرك على الروح الوطنية بليوم الوطني

[عبدالله عوجان]

شكراً اخي سلطان على المرور والتعليق


وشكراً لأبي خالد على كلامه النابع من اعماق خفوقه
تحياتي لكما

[عبدالله عوجان]

شكراً لك اخي مطر على المرور والتعليق

تحياتي لك

[هديان الرشيدي]

الاخ الفاضل عبدالله العوجان شكرا على هذه القصيده الرائعه اللوطن وجمع الشمل بعد الشتات نعمه ولله الحمد وكل عام وانتم بخير اخوك هديان الرشيدي

[مجنون ليلى]

الله يعطيك العافيه

هكذا الشعر ولا بلاش
قصيده لا يشبها سوى غزوات الملك عبدالعزيز آنذاك

شكراً لك ابو عوجان


نحن ننتظر جديدك وخصوصاً الغزل اقصد بعد اليوم الوطني