[سيف عبس]

احمد النون



يالمحيشي ترا عندي علوم(ن) جديده



الله انه يبارك في جـداد الليالـي.



التجاري مع برقان مفلس رصيـده



كل واحد على حاله يصيح ويلالي.





سعد المحيش




المحيشي عضيدك ما تناسا عضيـده



ما يبور الجنيه ولا يبـور الريالـي.



علمك الي تقوله نازل(ن) فاالجريـده



مير مال الحمول الا ظهور الجمالي..





احمد النون




يا المحيشي سرينا والمساري بعيـده



قا صدين الجنوب وقاصدين الشمالي.



العرب من هذاك العلم وش مستفيده



مير أبا حل عقد معقدين الحبالـي..






سعد المحيش




أدري أنك بليـا شـك قـرم وليـده



وأدري أنه طرالك يا ولد ما طرالي.



ناس ماهي شقيه فالزمـان وسعيـده



كل ليله تدرج فوق حمر الزوالي..






احمد النون




كل واحد تجيـه أرسالتـه فـي بريـده



ليت ما صار للاجواد حفـل ومجالـي.



الفضايـح تعـدت ياالمحيشـي بريـده



سبت الصاحب الاقصاء وخوه الموالي..





سعد المحيش




أكثر الناس ما يقـدر يسـوي قصيـده



كل ما جاه عنتر وبـو زيـد الهلالـي.



صاطو الهرج يابن النون صوط العصيده



وأحمد الله أنا وأنته كـرام السبالـي

الموضوع الأصلي: الشاعر المبدع احمد النون والشاعر الكبير سعد المحيش | | الكاتب: سيف عبس | | المصدر: شبكة بني عبس

[ناصر الخياري]

صح لسان الشاعرين ...
لاهنت يسيف ..

[يعقوب العبسي]

محاوره جميله من شعراء القبيله ونعم بالجميع احمد النون والمحيشي وكلهم لهم صولات وجولات بالملاعب وع شعار كبار وفى محلفل كبيره الله يوفقهم للخير وشكرا لك على هالمحاوره

[عوني العبسي]

محاوره رائعه

صح لسان الشاعر أحمد النون (( سم الداب ))

والشاعر المحيش

سيف عبس لاهنت علي النقل

[الشنفرى]

محاوره جميله جدا

[سمري]

حياكم الله محاوره طيبه الاهنتو

[ماهر]

لاهنت على النقل

[ذيب الحره]

محاوره جميله


واتمنى منكم تزويدنا بمحاورات الشاعر احمد النون