[كاتب الرشيدي]

بعد التنسيق

اخواني وخواتي أعضاء هذا الصرح الشامخ شاركت بمهرجان شقراء السياحي 1430هـ
بدعوة من منظمين المهرجان مع عدد من الشعار / كاتب الرشيدي .. حائل ، علي المري .. القويعيه ، هبوب الشمال .. سدير، الوردي .. سدير ، منصور المنصور .. الرويضة ،

هذه المشاركة الأولى قصيدة وطنيه

مطلعها

بسم الله ابدا كل ماجالي مجالاً بالقصيد = قصيدتي في حزة الواجب بصوغ ابياتها
شاعر ولي مبدا ولي شيمه ولي رايٍ سديد = عند اللوازم تعرف الأشناب في وقفاتها
والشعر مبداه الرسالة من قديم ومن جديد = عالج قضاياءً شاهد التاريخ في عضلاتها
اصوغ عذبات المعاني بالفرائد والمفيد = ماني لحالي مير لي وجهة نظر في ذاتها

...... إلى الخ .... )

والثانية

وصف الفكس آر منها

جيبٍ مكيش مـا شريتـه بالأقصاد = تخشى عليه من العيـون الأصابـه
فكسار فل أبشن صفـر رقـم عـداد = مطلوب ماحد شـاف مثلـه وجابـه
جاين طلبيـه علـى غيـر معتـاد = حتى ان لونه ماش جيـبٍ مشابـه
إلـى تقفيتـه تقـل حـر بقـيـاد = واليـا تنحـر كنـه أسـد غـابـه
لمعة جنوطـه كنهـا سيـف جـلاد = وان صف مع غيره غدالـه مهابـه
واليا ضرب له خايـعٍ فيـه مسنـاد = مشية شجاعاً فازعـاً فـي صلابـه
واليا ابعد المشـوار والخـط منقـاد = تقـول شـلالاً سـريـع انسكـابـه
بداخليـه كـل شـيٍ لـه إرشــاد = ولا يقـول سواقـه بغيـت النيابـه

الثالثة

انا رصيدي لو كشفتم ملايين = ولا زال جاري في رصيدي زياده
الحب وعذوبة كلام المحبين = والحزن وانواع الشقاء والسعاده
وحب الطبيعه والبنات المزايين = حمر الشفايف لا بسات القلاده
وحب الرجال الطيبين السلاطين = وفي عز نفسي عندي اكبر شهادة

وبه قصائد لم تحضرني الآن واعذروني لني شاركت باكثر من كذا

وهذه صور للأمسية وصور من المهرجان

وتقبلو تحياتي

الموضوع الأصلي: ((( امسية اخوكم بمهرجان شقراء السياحي شقراء بكم تحلى ))) | | الكاتب: كاتب الرشيدي | | المصدر: شبكة بني عبس

[ذيبان الرشيدي]

بيض الله وجهك
وصح منطوقك وطاروقك
ياشاعرنا الجميل

أبدعت وخالقي ..
وجازلي نَظمُك .. ونَزفُك

جملتنا
عند النشامى
ولاهي غريبه عليك
جعل ربي
يجملك دنيا وأخره

تمنياتي لك
بدوام الصحه والستر والعافية

تُختم

دمتم
بخير وهناء

[كاتب الرشيدي]

سباق يا ذيبان بالطيب سباق


ووجهك ابيض

ولاعليك زود


اشرقت صفحة القصيدة بمرورك العذب
وشرفتني بكلماتك الراقيه



تحياتي

[عبد العزيز]

صح لسانك وبيض الله وجهك اخوي

تمنياتي لك بالتوفيق

[برق الوسم]

شاعرنا كاتب صح لسانك وبيض الله وجهك
كل قصيده اجمل من الثانيه
وخير من يمثلنا ..لاهنت

[أسايرها تعاندني]

صح لسانك وبيض الله وجهك
والله يوفقك وإلى الأمام

[سعد عبدالله]

بيض الله وجهك اخوووي كاتب شرفتنا

الى الأمام اخوي كاتب

[كاتب الرشيدي]

اخوي عبد العزيز


تشرفت بتواجدك
لك مني ارق تحياتي



تحياتي