[حامد عوجان]

انا البارح على كوعي واردد ماطولك ياليل=اثر ليل السهر طوله على من عد ساعاته
اهوجس في هموم سجلت في خافقي تسجيل=يتابعها عليل القلب ويغير محطاته
محطات كثيره مالها موجز ولاتحليل=رسيفرها بوسط القلب والموجات موجاته
ليا جيت العلوم اللي ثلاث ارباعها تهويل=قفلت الدش والغيته ولا اتابع قناواته
علوم كلها دجل وخديعه مثل كذب ابريل=ياليت الراوي يجيب الحقايق في رواياته
ولو مافيه بالدنيا شقى كان استراحت حيل=قلوب همها من هالزمان وكثر نكباته
وانا شاعر واعبر عن همومي مع شباب الجيل=من الشعار وتعبر بيوته عن معاناته
عسى شط الفرات يصير بكره مثل شط النيل=ويرجع جمه الصافي وتكثر فيه خيراته
وترى ماتكمل نجوم السما من غير نجم سهيل=ويعود النجم الاقصى في سماه وفي مداراته
وعسى الله يحفظ بلادي من اهل المكر والتظليل =وتسلم لي يدين اللي رفع مجده وراياته
يدين ملوكنا حكامنا اللي يعدلون الميل=مكان الشعب وسط القلب ومحقق طموحاته
حماة الدين والمله ولاتنظر لقال وقيل=لهم منهاج سامي ماتغير عن بداياته
على النهج السليم ولاتبع شبهه ولاتمثيل=طريق واضح للناس مقصوده وغاياته
رسمه اللي زرع فينا التسامي مثل زرع الهيل=عسى الله يرحمه ويحط قبره وسط جناته
وانا لاضقت اداوي ضيقتي في كثرة التهليل=متابع ذكر ربي هو دوى قلبي واهاته
هو اللي عالم مافالضمير من الشقى والويل=ولاضاقت على من ينتظر من نفح رحماته

الموضوع الأصلي: نفح رحماته | | الكاتب: حامد عوجان | | المصدر: شبكة بني عبس

[بندرالرشيدي]

حجز ((1))


ولي عودة,,,

[عبدالعزيز الخياري]

ولو مافيه بالدنيا شقى كـان استراحـت حيـل
قلوب همهـا مـن هالزمـان وكثـر نكباتـه
وانا شاعر واعبر عن همومي مع شباب الجيل
مـن الشعـار وتعبـر بيوتـه عـن معاناتـه


صح لسانك يامدور الفائده قصيده جزله

وفقك الله....

[بشيرالشويلعي]

محطـات كثيـره مالهـا موجـز ولاتحليـل
رسيفرها بوسط القلـب والموجـات موجاتـه
ليا جيت العلوم اللي ثـلاث ارباعهـا تهويـل
قفلـت الـدش والغيتـه ولا اتابـع قناواتـه
علوم كلها دجل وخديعه مثـل كـذب ابريـل
ياليت الراوي يجيب الحقايـق فـي رواياتـه



قصيدة من متصفحها ، بارك الله فيك مدور الفايدة 00 ننتظر جديدك

[أنكسارحلم]

مدور الفائده

قصيده جميله.ورائعه بتاكيد وراء هذه المفردات الرائعه شاعر

مبدع.صح السانك .بارك الله فيك


تحياتي

[مجنون ليلى]

صح لسانك

[حامد عوجان]

بندر حجزك ok لاهنت

[حامد عوجان]

عبدالعزيز الخياري مرورك زاد القصيده نور شكرا لك