[عياد الرشيدي]

ياهاجسي والدرب ضيق ومنعاج = والدمع لوّح طارقه في عيوني

اليا دعيتك اقبل قبال حجاج = وانا اتنقى طيبك ما عصوني

اخذت بك سجه ومدخل ومخراج = رشٍ خفيف ورادفته المزوني

من مصدري مختوم في رمز الانتاج= وارفع بصوتي واطربي يالحوني

ليا ضميتك صرت لي بير هداج = وليا رويتك مرقدك في جفوني

وانت الطليق اللي كسر كل الادراج = خلطة جنونك خالطتها جنوني

والبارحه مابين ساكت وهراج = ياكثرها فيني ولا شي دوني

زعل الخفوق وصك بابه بمزلاج= بقولها لو كان تكسر متوني

قفلت جوالي ولاني بمحتاج = جوال مدام الجماعه نسوني

ماهو على شان امنعه فيه الازعاج = من عيد الاضحى مابعد كلموني

صبرت ادور لي مع الصبر مخراج = هذا الزمن ضيق وهم ضيقوني

لوهم نخوني من ورى ساحل العاج= وقيت صدري دونهم لازهموني

ياهاجسي بلاش منعاُ للاحراج=نخسر بعض مدامهم يحتروني

الموضوع الأصلي: قفلت جوالي ولآني بمحتاج | | الكاتب: عياد الرشيدي | | المصدر: شبكة بني عبس

[سالم الرشيدي]

الله الله
وربي ابدــأع
صح لســان شــاع ــرها
وتســـلم يمين ناقلها

[ساره الرشيدي]

معاني جميله .. راقيه .. رائعه و مذهله

صح لساانك مدد بلا عدد على روعة اختيارك
تقبل مرورى
ساره

[عادل بن هون]

لوهم نخوني من ورى ساحل العاج= وقيت صدري دونهم لازهموني

ونعم فيك وبوقفتك العبسيه

التمس للجماعه عذر فالدنيء راعيها مشغول وانا اخوك
رائع ياعياد

[مروان الرشيدي]

صح ألسسسانك مدد بلا عدد



قصيده تستاهل احلا تقيييم


لاتحرمنا من جديدك يالعبسي

[عياد الرشيدي]

اخوي سالم حياك الله وانا اخوك والقصيده لي انا شخصياً وليست منقوله :)

[عياد الرشيدي]

الاخت ساره حياك الله اختي والقصيده لي وليست منقوله


شكراُ للاطراء

[المر العذب]

رائع رائع رائع