[أمير الرومنسيه]

توّك صغيره وابتديتي تحبين
من علّمك ليل السهر ياصغيره ؟

بدري عليك العشق يابنت هاللحين
حرام هذا القلب وشهو مصيره ؟

انتي بريئه في الهوا ليه تشقين ؟
دروبه طوال ٍ عليك وعسيره

رحتي بدرب ٍ ماله اصلا ً عناوين
وانتي مشاويرك من اول قصيره

ياطفلة ٍ حبّت وراحت على وين ؟
عقب الهنا ذقتي الحياه المريره

وينك ووين الحب والشوق والبين ؟
عنّيتي عيونك وصرتي سهيره

امحق تسلّي كان ودّك تسلّين
الورد لولا اللّون وشهو عبيره ؟

خلّيتي دروسك وصرتي تحاتين
الدرس في ديره وصرتي بديره

وصرتي بعد من غير هذا تغارين
والمشكله يابنت منتي خبيره

نصيحتي لك كان ودّك تردين
يم السعاده والحياه المثيره

خلّك بجو العايله لا تعدّين
ماما وبابا والعجوز الظريره

شيبانك اللّي مايبونك تعانين
من بينهم عشتي كأنـّـك أميره

الحب قبلك هز ناس ٍ كثيرين
وخلاّ القلوب تعيش هم ٍ وحيره

الحب يفضح لا انكشف داخل العين
وانتي بنفــّسك ماهقيتك بصيره

طيعي كلامي واحذري لا تمادين
تراجعي لاعل في الأمر خيره

عيشي الطفوله والبراءه لك سنين
وبعدين حبّي لاغديتي كبيره
..{ممــــــآراق لـــي}..

الموضوع الأصلي: توّك صغيره وابتديتي تحبين من علمك ليل السهر ياصغيره ؟ | | الكاتب: أمير الرومنسيه | | المصدر: شبكة بني عبس

[المجروحه]

أبيات بغاية القمه والجمال ..
أنتقاء ذواق ..
سلمت أناملك من كل شر ..
ولاحُرمنا روعة جديدك دوما..
دمت بسعاده يا الغالي..

[شيخه بنت شيخ]

مشكور الله يعطيك العافيه اخوي امير الرومنسيه
قصيده رائعه بمثابة نصائح قيمه ومفيده من شخص
علمته الحياه
ودمت بحفظ الرحمن

[أمير الرومنسيه]

يعطيج العافيه
هذااا من ذووقج العالي واسلوبج الراقي
وسلمت ايدينج يـــــآ الغلا
نورتي بطلتج متصفحي


...>>> يــــآ المجروحهـ <<<...

[سعد محمد]

يااااالله ابيات جميله جدآ واستمتعت بقراءتها .

وكل بيت آحلآ من لاخر

ذووق جميل وسلمت على ما جلبت لنا . . .

تحياتي ’’’

[أمير الرومنسيه]

الله يعافيج
هذااا من ذووقج العالي واسلوبج الراقي
اهم شي انها تذوق لمعاليكم
وشكرا ً مروري
نورتي بطلتج متصفحي



::0::0{ يـــــــآ شيخه بنت شيخ }0::0::

[أمير الرومنسيه]

هذاا من ذوقك العالي واسلوبك الراقي
واسعدني حضورك الحلووو
نورت بطلتك متصفحي



!!!( يـــــآ الفجر البعيد)!!!

[اسير الحب]

تسلم على الطرح الجميل