[حسـن]

صياف

اللي يجـي متبـوع و يـروح تابـع =لعل يده تـروح مـن غيـر أصابـع
ياشاعـرٍ ضـاري بجمـع الطـوابـع= ا للـي يتبيـه العيـن تتعـب وتلقـاه




لقيناك رأس الريع و الريع مسدود =و ضيعتهـا لعلهـا للضياعـي

.

عند أختـلاط الليـل ظلمـا و قمـراء =العبد الاسمر يشتـري بنـت سمـراء
و أنته وليد أبيض و جبهتك حمـراء =و اللي تبيه العيـن تسهـر و تلقـاه




لقينا في ضلع النير تسعين نمرود= وتقدر تجي وتروح من غير راعي

.
حبيب

أثـرك ليـا صنفـت مافيـك حيـلـه= لـو تلتـوي بطويـق تقـدر تشيلـه
لكـن تحـداك السيـوف الصقيـلـه= واللي تبيـه العيـن تسهـر و تلقـاه




وألا يالسحيمي جمع النقص و الزود= وبكره تضيق أبك الدروب الوساعي

.

يالشايب اللي كـن جسمـك معرمـش =وجهك من أحـداث الليالـي تكرمـش
أسمع كلامي لـو مارمشـك أرمـش =و اللي تبيه العيـن تسهـر و تلقـاه




أضن الوجيه البيض ماتقبل السود= لكن الجبل دونه تحول الأفاعـي

.
صياف

أنته وليد اليـوم و الصبـح مـاأدري =الظاهر أنـك تضـرب البـاب بـدري
و إليا أنشدوك تقول أنا ضاق صـدري =و اللي تبيه العيـن تسهـر و تلقـاه




معك بندقٍ عوجاء و ضباط و جنود= و لكن أسفركم فـي نقـلٍ جماعـي


.
ياطـول صوتـك فالمكـان المفـرش =والظاهر انك يالعتيبـي تحـرى(أش)
قامـت جرابيـع الدفيـنـه تـمـرش =و اللي تبيه العيـن تتعـب و تلقـاه



ترانا نعرف الوزن و النقص و الزود= و بعض العرب فبضاعته مايراعـي

.
حبيب

أنته ولد من عام خمسـه و ثمانيـن =و اليوم ياحبحب تحـت حـد سكيـن
تبـأ تفرنـك ميـر حـنـا معيـيـن= و اللي تبيـه العيـن تسهـر وتلقـاه



يدور الفلك و الناس صايد و مصيود =ياراع السفينه لايطيـح الشراعـي .


الله لايثنـي علـى الحـوت و أهلـه =اللي جعـل صيـاف يومـي برجلـه
هاذي تراهـا منـك سهلـه و سهلـه= و اللي تبيه العيـن تسهـر و تلقـاه




ترى المشكلة في رأس حامد و محمود =و أخوهم خواجه من توال الرضاعي

.
صياف

أنتـه وليـد اليـوم تـوك صغـيـر= من شاف وجهـك قـال رجـال خيـر
و أنته وليـد لمسفـره مـن سفيـر =و اللي تبيه العيـن تسهـر و تلقـاه




أنا عارف أنك صرت جمره على عود =تغمض عيونك غصب و القلب واعي.

الحوت صيدٍ عالمـي و أنـت أكلتـه =لكـن دور فعـلـك الـلـي فعلـتـه
فالضب أبـو نفسيـن يـوم أحتفلتـه =اللـي تبيـه العيـن تتعـب و تلقـاه




و لك ليلةٍ وحدة و لك يوم ماعود =تبطل من الهوشة و كثر النزاعي


حبيب

لو مسفره حيه تريحـت مـن حـرب =و الله ما ألقاء حربي(ن) ينفخ الـذرب
لكنها ماتـت و جـو حـرب فالـدرب =و اللي تبيه العيـن تسهـر و تلقـاه



من أول علاك صكوك و ثبوت و شهود= و ذالحين تضحك فاللقـاء و الوداعـي

.

مسرعـك ياصيـاف تنسـى فعولـك= الظاهر أنـك زاد عرضـك و طولـك
تبـاً السلامـة لكـن ماهـي بحولـك= و اللي تبيه العيـن تسهـر و تلقـاه




إلك بيت بالدنيا و إلك قبر ملحود =تصد الهجوم و لاتصد الدفاعـي

.
صياف

قـوم أحمـد الله يـوم جاتـك هديـه= ثم أصبحت نارك مـع النـاس حيـه
ماطورتـكـم غـيـر هـالأجـوديـه =و اللي تبيه العيـن تتعـب و تلقـاه




علامك تجر الحبل و الحبل معقود= و لا أدري يرد الأمر و إلا يطاعي

الموضوع الأصلي: صياف = حبيب(لو مسفره حيه تريحت من حرب) | | الكاتب: حسـن | | المصدر: شبكة بني عبس

[ناصر الخياري]

تسلم ياحسن ..
الله يرحم صياف والله يطول عمر حبيب العازمي ...

[الشاعر المصيبه]

شكرا لك ياحسن وللمعلوميه والتصحيح
البدايه كانت عند حبيب بالموال حيث قال
الليله الحربي يبى لي صواريخ
توصله نجمت عطارد ومريخ
وان اكان وقع حط بالمحكمه شيخ
ولايالسحيمي معك بارود وزنود
وشبيت لك نيران من غير داعي
وقال صياف الموال وهو
البرق يبرق والخيال يتفرق
والعازمي بين البيوت يتدرق
وليا ركب بالبنز نتع وشرق

وهذا للتصحيح فقط ومشكور

[حسـن]

مشكورين على المرور ياناصر ويا مصيبه

[سيف المهيمزي]

مشكور على هذا النقل