[بدر ابو فهد]

هذه قصيده من قصائد الشاعر منيف زايد الرشيدي

عزت النفس في وقت الصعاب.....كنز مايمتلكه الا الثري
يازماني ترى مالي عتاب.....متهمني وانا منها بري
كل ماسالك مالقا لك جواب.....مانت فاضي ولا بطنك صري
ماجعلنا نظرنا للتراب.....ولا خدعنا الغبي والعبقري
النظر للثريا والسحاب.....فوق نجم الزحل والمشتري
ندفع الرجل ونسج الركاب.....ذا يدوبح وذا يجري جري
حاسبين لمواقفنا حساب.....بعد راحت على اللي مادري
والمودي بعد ودا وجاب.....باع منها وعيا يشتري
وفي ملذٍ من الدنيا وطاب.....نزرع الزرع ونسوي سري
وآخرتها قمر عشرين غاب.....والمريض المرقد مابري
ماوقع داخل انياب الذياب.....ينعش الضلع والعظم الطري
والعرب بين فرحة واكتئاب.....شي صادق وشيٍ مفتري

الموضوع الأصلي: قصيدة من قصائد منيف زايد الرشيدي | | الكاتب: بدر ابو فهد | | المصدر: شبكة بني عبس

[برق الوسم]

قصيده رااائعه
صح لسان الشاعر منيف زايد
وتسلم يابو فهد ع نقلها لنا
واسمح لي بنقلها بالمكان المناسب هنا
تقبل مروري

[بدر ابو فهد]

اقتباس من مشاركة برق الوسم قصيده رااائعه صح لسان الشاعر منيف زايد وتسلم يابو فهد ع نقلها لنا واسمح لي بنقلها بالمكان المناسب هنا تقبل مروري

الله يعافيك يابرق الوسم وتشرفت الله لايهينك

[حب الغموض]

قصيده رائعه وتسلم على النقل

[بدر ابو فهد]

اقتباس من مشاركة حب الغموض قصيده رائعه وتسلم على النقل

لاهنت وتسلم على هذا المرور

[أمـ الشوق ـير]

صح لسان الشاعر منيف زايد الرشيدي على هالقصيدة الجزله

وتسسسلم يابدر ولاهنت اخوي على نقلكـ الرائع دومـــاً