[البعيد الهادي]

نـواف منـور توفـى والبـقـاء لله 000 غنيتهـا مـن وزى مانـي بطربانـي
غنيتهـا والخـدود السمـر مبتـلـه 000 يبرق غضبها ويمطر دمـع الاعيانـي
ايو الله اني حزنـت ايـو الله ايـوالله 000 وسريت ابلحق على دفنه ولاامدانـي
اخذت خط الكويت وجيـت عـان لـه 000 ولاهي غريبه ليامن جيت لـه عانـي
بودعـه لكـن ان المـوت ماامهلـه000 خذاه مـن يأخـذ الاول مـع الثانـي
يامن لياهـل هملـول المطـر هلـه 000 ترخي على جال قبره غـر الامزانـي
ويامـن يظلـل بظلـه يـوم لاظلـه 000 تظلله تحت عرشك وانـت رحمانـي
برثيه ساعة زمـن واسنيـن واهلـه 000وابذكره مثل مااذكر خيـرة اخوانـي
ويرثيه ربعه وجـار البيـت والفلـه000 ويرثيه حتى سويـك البنـز الالمانـي
شاعر مفـوه يعقـد البيـت ويحلـه 000وان جر صوته يكوسر جزل الالحانـي
شجاع وليـا وقـف مايطـري الذلـه 000وليا سرى الليل مسرى الذيب سرحاني
من دون ربعه وقف ميقاف نصـر الله 000اللي وقـف لليهـود بحـرب لبنانـي
ارثيـه لانـه كفـو وانـا بنـاخ لـه 000ويرثيه يامي وسنعوسـي وقحطانـي
والامــر لله يـومـه والبـقـاء لله 000اجل مسمـى وعمـر الادمـي فانـي

الموضوع الأصلي: مرثية محمد مريبد في نواف العازمي | | الكاتب: البعيد الهادي | | المصدر: شبكة بني عبس

[خاتم الرشيدي]

صح السانه

يعطيك العافيه البعيد الهادي على النقل


تحيااااااااااااتي

[سالم الرشيدي]

صح السان شاعرها

وبيض الله وجهك على النقل الرائع

[ولد الشرقية]

صح لسان ابن مريبد ولاهنت البعيد الهادي