[اسير الصمت]

لا تعــتـذر مـقــبل معـــاذيـر وعــلـوم
النـفـس جـازت عـــن كــثير الكـلامي

خـلك بعـيد ولا انـت بالعــذر مـلــزوم
وحتى ترى مابغى اتصــال وســلامي

مــدام صــدوك هـــل الكـبر والــزوم
خـــلك وراهــــم يـــاردي المــقـامي

مــنول(ن) ياعــيد للـــقلب زيـــزوم
وكنت احسبني فــيك اشــد الحزامي

وتوي عرفت انك من الطيب معدوم
تركـــتـني ياعــيد وقــت الزحـــامي

ولـكن تـراني ماتـورطت بـرخــــوم
كــل(ن) صفالي بالوفـاء واحترامي

ومثلك ـترى ياعــيد مايلحــقه لــوم
سمـيت بــاسـم العــود لـكن حرامي

ماجيت للي يفــرز القــوم عن قـوم
ســاس الشــرف حـرٍ وفـيٍ قطـامي

وإلا انت خايـن والـردى فيك ملموم
وكـثر الحـكي والقـول ماهـو مرامي

ولا تصـفي الدنيــا عـلـيـكم ولا دوم
والـوقت يقـلب فــيه عـج وعسامي


هذه القصيده لشاعركم الكبير //

خاتم المهيمزي

تقبلو خالص تحياتي .....................

الموضوع الأصلي: (( لا تعتذر مقبل معاذير وعلوم :.................)) | | الكاتب: اسير الصمت | | المصدر: شبكة بني عبس

[ممدوح العريض]

صح لسان الشاعر خاتم المهيمزي
وبيض الله وجهك ولاهنت على النقل الرائع

تحيـــــــــــــاتي

[اسير الصمت]

ومن يقول يالذيب ويعطيك العافيه على المرور الرائع الذي انار صفحتي

[مسندالعويمري]

صح السان خاتم المهيمزي,

وشكرا لك اخي (( المهيمزي )), على النقل

[ذيب المناخ]

صح لسانك اخوي
رائـع من قـلـم رائــــــــع

[اسير الصمت]

اقتباس من مشاركة مسندالعويمري صح السان خاتم المهيمزي, وشكرا لك اخي (( المهيمزي )), على النقل

شاكر لك مرورك ويعطيك العافيه

[اسير الصمت]

اقتباس من مشاركة ذيب المناخ صح لسانك اخوي رائـع من قـلـم رائــــــــع

وانت اروع يالغالي شاكر لك مرورك يعطيك العافيه