[الرشيدي سالم]

السلام عليكم

فيه قصيدة يقال انها لشاعر من احد القبائل يمدح بني رشيد منها البيت المشهور

بني رشيد مفرقين المواليف

ومنزحة نشر الحريب الموالي


ياليت نعرف بقيتها

وشكرا لتعاونكم

الموضوع الأصلي: سؤال عن قصيدة في بني رشيد عبس | | الكاتب: الرشيدي سالم | | المصدر: شبكة بني عبس

[سيوف بني عبس]

اهلا اخوي سالم اسمع فيه بس ماعرف شاعر اكيييد الاخوان راح يفيدونك ان شااء الله

[(فارس الرشيدي)]

بني رشيد ،، مفرقين المواااااااليف(1) ** ومنزحة نشر الحريب المــــــداني
قول الطريسي معشبٍ في خفا نيف ** لان الفحول يخلدون المعـــــــــاني
خل الطوابع في وجيه المظاااااريف ** خل الحياة تعـــــــطر الزعفرانـــي
مجدٍ على راعيه ماااااا فيه تزييف ** بني رشيد الرشد والصولجـــــاني
بني رشيد مروضين المشااااااريف ** حتى غدن روس النوايف مغــاني
بنو بني عبس الزحول الغطااريف ** مجدٍ مكانه قر بأعلى مكـــــــــاني
عدوهم يوم اللقا ،، يعوّد معيــــف ** ولكل أتاتركي صقيل أربكـــــــاني
للدم دفاقة .. للأنفس خطاطيــــف ** ما أملاه موقفهم تشوفه عيــــاني
وان جيت للخوة وش تقول وتظيف ** وان جيت يم الشعر سادة بيـــاني
(بني حمد) ويقوم من صدري أرشيف ** يسكن من فصول السنة بالثـواني
بامارةٍ ،، متوسقة عـــــــالي منيف ** ما هم بحاجة من يصف النـــواني
علمٍ تجلى ،،، ويومها ليـلٍ مخيف ** حطو على التاريخ سبع المثــــاني
ولاتأخذون أخبارحاتم من الضيـف ** حاتم ما خلا عند ضيفه لســـــاني
الذم من فعله ،،، تقل صايبه هيف ** ما يدوج دواجه بليا عنـــــــــــاني
ولا تأخذون أخبارعنتر من الضيف ** عنتر ما خلا عند سيفه لســـــــاني
القول في عنتر ،، تقل دق به هيف ** ما يدوج دواجه بليــــا عنـــــــاني
عن (راعي الحجبا )، تنشد عواريف ** وتسمع وتدرك وش يقول الزمـاني
وعلم مداينا من السيـــــف للسيف ** واليا حكى التـــــــاريخ فـج الأذاني
وقل للمدينة كان تنسى وش الريف ** عقب أشمخرن في سماهاالمــباني
وش كنتي الا طفلٍ صغير ضعيـــف ** في حضنه تغاغــين ضعف ولياني
تجمعن ،، سبـعٍ من السبع بالطيف ** يوم ان أبو مشعل لحفله دعــــاني
نجمٍ شهر ،، لو كل ليله صواديـف ** بحارٍ أبحر ، ما قعد بالمـــــــــواني
هذا ، وانا ابن موقف المجد توقيف ** عليه حكرٍن دون ثالث وثانــــــــي
أمجوز العزبان ،،، زبن التكاليــف ** سعيد الذكري ، عريب المجــــــاني
ما سمع مثله بالقبايل ،، ولا شيف ** من دون قاصر في طوال اليمـــاني
وسلامي يداوم شتاالوقت والصيف ** من الحجاز ، ليا العـلم ، لين أباني
للشاعر / نيف الذكري الحربي
ـــــــــ

وحياك الله ياسالم

[حمد الرشدي]

الاخ فارس

تشكر على نقل هالدرة الثمينة ولعل فيها بيت يشير الى القصيدة الاساسية اللي يستشهد فيها الذكري

وصاحبها الطريسي بس منهو؟؟؟؟؟؟؟

[فواز الدواي]

ونعم بحرب حرابة الدول

منهم الكرماء والشيوخ والفرسان واصحاب الحق

شكرا لك تقبل تحياتي