[راعي البلها]

معلث المقوعي يمدح بني رشيد

--------------------------------------------------------------------------------

هذه قصيده من قصايد الشاعر الكبير/ معلث المقوعي رحمة الله عليه يمدح فيها قبيلة بني رشيد

قال المقوعي قـدر الحـرف تقديـر=لاخيـر بالدنـيـا ولــذة منـامـه
يامنيف عقب ربوعنا جت معاصيـر=والجو أشوفـه قـام يـذري كتامـه
يامنيف وين اللـي يجونـا مساييـر=أهل الشرف والطيب وأهل الشهامـة
أهل البيوت اللي عمدهـن كواسيـر=ربعي اللي صـارت علـىٌ الغرامـه
ماتقل بأرض الصور بنـو دواويـر=ولاتقل شفـت بيوتهـم والجهامـه
توادعوا بالصور واقفـوا مسافيـر=الله يوفقهـم طـريـق السـلامـه
تشالعوا من عندنـا شلعـة الطيـر=صلف(ن) هواه وشاف فرخ الحمامه
بس العجـاج اقفيهـم لـه تثاويـر=مرباعهم جو(ن) كثيـر(ن) رمامـه
تلقى لهم بارض الموشـم مقاطيـر=هاك الديار اللـي رفيـع(ن) مقامـه
مدهالهـم يـوم الليالـي مخاضيـر=إليا اشتبك عشب السهل مع خزامـه
أهـل بيوتـن مجمـع للخطاطـيـر=والضيف عصبـان المفطـح يدامـه
برفافهم تلقـى الأوجيـه المسافيـر=ودلالهم من حـب صنعـاء طعامـه
ونجر(ن) يصوت بالليال المعاسيـر=ونار(ن) ينـادي للطرقـي شعامـه
ندعـي لهـم بمكبـرات المزابيـر=غرن)على صفر المخيط انهشامـه
غر(ن) هللهن فـوق لابـة زبيعيـر=منه لمخيـط يشيـل راس العدامـة
وتضفي على نجد المزون الشخاتيـر=راع الغنم والبل يطـش المسامـة
ياخذ سنه ما شد يجمع مـن الخيـر=ويمضي زمانه مارحل عقـب قامـه
وتخضر ديـار مدلهيـن المعاشيـر=بني رشيـد اللـي حكـو بالقوامـه
بني رشيد اليـا اعتمـن المشاويـر=وصارت على من شار فيها ملامـه
وصاح الصياح وقيل ماانتم على خير=مير افزعوا وخذ الدبش مع خيامـه
وقالوا ترى قوم الدبش حرب ومطير=ربع(ن) على الردات يعجب نظامـه
يبـون اباعركـم وخـز المعاشيـر=وضارين لأخذ اللي ردوم(ن) سنامه
لحقوا على شهب(ن) واهلهن مناعير=وحمي الطراد وصار عنـد الجهامـة
وتعاطبـوا بالفعـل عنـد المغاتيـر=وكلن جرد سيف الفرح من إلجامـه
ولجن بنات البدو حـدر المقاصيـر=وقبقب شراع العز عقـب انهدامـه
واقفت نحور الخيل عنهـم مدابيـر=وكل اجلج(ن) فاخت هدفه ومرامـه
هـاذي عوايدهـم تفـك المظاهيـر=لاطار ستر اللي جديـد(ن) وشامـه
ربعي هـل الـردات مابـه معاذيـر=بني رشيـد عـزات منهـم عمامـه
وربعي اليا نامووا بحدب المناظيـر=كـم واحـد بالكـون بتـو حزامـه
اليا عودو قفـوا المتلـي صوابيـر=وصارت على من شار فيهـا ندامـه
مركاضهم يشبع به السبـع والطيـر=والضبعـة العرجـاء تغـز العلامـه
صيـارم يـوم الملاقـا سواعـيـر=والعمر يهدونه لمـن كـان سامـه
ومن قال حنا أطيب فهو ماعمل خير=يظلـم نصيبـه والقبايـل اكعـامـه
الناس مثل النـاس مشـاي ومغيـر=وكـلٍ علـى حـده وكلـن بزامـه
والفعـل ماخـلاه عـرار لعمـيـر=وذيـاب ماقنعـس لشلفـاء سلامـه
هذا المثل والنـاس تمثيلهـم غيـر=والعيـب باللـي مايثمـن كـلامـه
ماحـط بالقيفـان كـذب ومعايـيـر=والصدق صابـون الفـؤاد وختامـه
وصلوا على اللي حج مكـة بتكبيـر=نبينـا اللـي شـرف الله مقـامـه

واسمحولي على التقصير لان القصيدة لايحضرني منها سوى هذه الابيات والقصيده معروفه

واليكم مني خالص التحيه والتقدير

الموضوع الأصلي: معلث المقوعي يمدح بني رشيد | | الكاتب: راعي البلها | | المصدر: شبكة بني عبس

[أنكسارحلم]

راعي البلها


مشكور على هذا النقل الرائع والله يرحم الشاعر معلث المقوعي

وفيت وكفيت الله يبارك فيك


وكل عام وانت بخير

[مطر العرعري]

اشكرك اخوي على النقل الجميل وتمنى لك التوفيق

[صادق الوعد]

راعي البلها

مشكور على نقل القصيده الرائعه لشاعر معلث المقوعي

رحمة الله عليه

الله يعطيك العافيه

[ذرا عبس]

راعي البلها

مشكور على نقل القصيده الرائعه لشاعر معلث المقوعي

رحمة الله عليه

الله يعطيك العافيه

[راعي البلها]

العفو ناصر الشويلعي وصادق الوعد وذرا عبس
وكل عام وانتم بخير وصحه وسلامه
واشكركم على مروركم وردكم على الموضوع

[العشق القديم]

راعي البلها


تشكراتي لنقل القصيدة

للمرحوم الشاعر معلث المقوعي

[صادق الوعد]

راي البلهاااا

مشكور اخوي على النقل الرائع

ورحمة الله على الشاعر // معلث المقوعي

الله يعطيك الف عافيه