[سعد الشقل]

السلام عليكم ورحمة الله وبركاته

انقل لكم المحاورة الرائعه التي جمعت

بين الشاعرين راشد الفاروع العازمي ومساعد ابن جبران العازمي

راشد الفاروع

قم يابن جبران قدمي وحسب احسابك
الله يبارك بليل ن يمنا جابك
حتى نميز وش احضورك من اغيابك

والنار ما تحرق الا رجل واطيها

يابن جبران زان الليل والكيف كاف=والبيوت الثمينه عدها عدها
ما تبيلي وانا ما بغالك الاعتراف = انت قد لها وانا بعد قدها

مساعد بن جبران

باقوم ياصاحبي ولي تبي قوله
يالله لعلك تفوز وتكسب الجوله
لكن نبغى علوم ن بيض معقوله

والنار ما تحرق الا رجل واطيها

لا نولا لا تردى ما علينا خلاف= ننطح القوم بالبلجيك ونردها
اضرب الموت الاحمر واحتزم لا تخاف= ماتموت النفوس الا على حدها

راشد الفاروع

يامساعد المعذره مافيه ماويه
نار ولهب فالكويت وفالسعوديه
حتى نميز وش الحسنه من السيه

والنار ما تحرق الا رجل واطيها

من تقدم بربعه عيب يرجع خلاف=وقفة ن ما تثمن نعنبو جدها
جايز الاتفاق وجايز الاختلاف=والاكيد الجبال الريح ما هدها

مساعد بن جبران

ترا جماهير هالديره تسمعلك
ياراشد انت غريب وينجهل فعلك
اركد لا تقطع علي الخطه انفعلك

والنار ما تحرق الا رجل واطيها

كان فعلك ليا حل اللقى ما يشاف=صعبه ارز العلم وقولك مدها
الرجال الحكيمه والقلوب النظاف=تحفظ المعرفه لو بيحت سدها

البدو تفرح ليا من سمعت الراعد
سلم على صاحبك نواف يا مساعد
قله تراني نهار السبت متقاعد

والنار ما تحرق الا رجل واطيها

بارك الله برجل ن يحتزم ما يخاف=ياجمال ن تبد العين في بدها
حجتك كملت لكن لا تنسى الطواف=قاضيه لو تمد ايدك وتردها

مساعد بن جبران

وش بك تقاعد نهار السبت يا راشد
وانت تغني مثل نواف ومساعد
محد ن من الناس للي تفعله جاحد

والنار ما تحرق الا رجل واطيها

بنت ابو زيد ما تلعب على كل قاف=لو يدك تلمس الشامه على خدها
انت تبغى العلوم الي عليها لحاف=مير ما ودي اتعبك في عدها

راشد الفاروع

الكلمة الواضحه منت مغيرها
لكن مالومك لو تحرف مصادرها
حارت دموع ابن عمي في محاجرها

والنار ما تحرق الا رجل واطيها

يا مساعد ترى وقتك من العام طاف=ما تبيك البنيه لوك تشدها
تلتفت لثقال وتلتفت للخفاف=تكحل اعوينتك بيدك وتسدها

مساعد بن جبران

الله يسلمك وانا الله يسلمني
علم رجال ن غشيمه لا تعلمني
انا لو ابغك تجنب ما تخاصمني

والنار ما تحرق الا رجل واطيها

لا تغني وجسمك جن فيه ارتجاف=استرح واترك الشعار لا تحدها
راح وقت المجامل سل بيض الرهاف=كان نفسك على درب القشر ودها

راشد الفاروع

حطيت لك قدر من راسي اليا عيني
وانا ما خليك ولانت مخليني
وش غيرك يا مساعد نظر عيني

والنار ما تحرق الا رجل واطيها

محتزم يا مساعد بالسيوف النحاف=انتبه لا تحوش ايديك في حدها
ما بقى عندك الا صورة بالغلاف= بعد بانت مزوح الناس من جدها

مساعد بن جبران

صاحبك مارخصك تقديرك على راسه
ولي سواتك مايقدر يجرح احساسه
لو ان هذي علوم ن تجرح الساسه

والنار ما تحرق الا رجل واطيها

العلوم الضعيفه للعقول الضعاف=مير في ساحه الميدان لا بدها

الموضوع الأصلي: محاورة ابن فاروع وابن جبران | | الكاتب: سعد الشقل | | المصدر: شبكة بني عبس

[سلمان]

سعد الشقل


بيض الله وجهك


ومحاورة حماسية

لشاعرين غنيين عن التعريف

[راعي الشلفا]

سعد الشقل يعطيك العافيه على نقل هذي المحاوره الحماسيه وبيض الله وجهك يابو مثني ماقصرت

[سعد الشقل]

سلمان .. راعي الشلفا

شاكر لكم على مروركم الكريم

[عبدالعزيز الخياري]

الفاروع وابن جبران محاوره جميله

سلمت يامشرفنا الرائع

[$$راشدالعويس$$]

سعد الشقل

بيض الله وجهك على نقل هذي المحاوره
وصح السانك وصح السان شاعرين
لاهنت ماقصرت لاعدمنك

تحيات = راشد العويس

[سعد الشقل]

عبدالعزيز الخياري ... راشد العويس

شاكر لكم المرور

[ابو براك الرياض]

الله يعطيك العافيه