[خليف الوهيداني]

من مانشد عنك لاتنشد عـن احوالـه=انس المقفي ليا قفى وقفـت اظعونـه
وخلك بفالك وهو خلـه علـى فالـه=وجعل بعيد المسافـه دونـك ودونـه
لاصار ناسيك ماتطـري علـى بالـه=مالك وماله ومـال اللـي يخاوونـه
والرجل يقطف ثمـر وقت(ن)تهيالـه=ويشوف ربحه ومخراجه على هونـه
والعمر لو طال جاه المـوت وغتالـه=كم واحدن مات قبل يقضـي اديونـه
احدن حياتـه تسـر الربـع وعيالـه=ولامات موته حزن والنـاس ينعونـه
وماينبكي غير رجل(ن)طابت الفعالـه=والا الردي وهو حي الناس ينسونـه
الرجل من بالفعايـل يظمـن اقوالـه=لاقال قول(ن)يفي بالقـول ويصونـه
واللي على غير فعـل يميـل اعقالـه=ودك على الخشـم والحجـان يكونـه
ويكتب على الخد تحذير(ن)لمن جالـه=تحذيـر وقـت الشدايـد لاتنصونـه
واليوم طيب الرجل معروف في مالـه=والا بامنصب بـه العالـم يشوفونـه
ومن ماقدر والعـذر تـردي احوالـه=مافيه شك(ن)وفـي عـذره يعذرونـه
ومن قال انا اللي عرفت الكون وشكاله=غلطان والنـاس قولـه مايطيعونـه
ومن قال انا الشعر مندوبـه وخيالـه=اخطا بقوله وخـلا النـاس يقفونـه
كم واحدن تضـرب المثـال بامثالـه=ومثايله بالحكم والنصـح مضمونـه
وكم واحد بالشعـر ماحـدن توحالـه=لو جر شعر باحلو الصـوت ولحونـه
واحدن تبلا بهـذا والوقـت والنذالـه=وحتى لـو ابعـد يجونـه ويتبلونـه

الموضوع الأصلي: وماينبكي غير رجل(ن)طابت الفعالـه | | الكاتب: خليف الوهيداني | | المصدر: شبكة بني عبس

[وجـــــود]

قصيدة جميلة ....

شدتني ....

لكــ التحية .

[عبدالله سالم الرشيدي]

خليف الوهيداني

صح لسانك وفكرك الراقي على هذه القصيدة الجزلة

التي تحمل بين طياتها روائع من الحكمة

تقبل تحياتي

ودمت بخير

[صاطي الرشيدي]

صح لسانك ياخليف قصيدة جميلة

[العاصي]

صح السانك ومشكور علا هاالابيات الجميله

[خليف الوهيداني]

اقتباس من مشاركة وجـــــود قصيدة جميلة .... شدتني .... لكــ التحية .

صح بدنك

ومشكوره على مرورك


لك احترامي

[البدر المهاجر]

[ابو عبدالعزيز]

صح السانك ومشكور علا هاالابيات الجميله