[سلووم]

هذا واحد يبي يخطب بنت
عمه الغني وتقدم فعلا
لخطبتها ..
بس شوفوا وش صار ؟؟؟
-‏ ‏- - - - - - - - - - - - - - - - -

لي عم عنده معرض للصوالين***أموت وأعرف بس من وين جابه

وإذا سألته قال بعت الدكاكين***مايدري إني ماهضمت الأجابه

الشاهد إني رحت له قبل يومين***في قصره العامر ودقيت بابه

قال أرحب أرحب عدد ورد البساتين*** يامرحبا باللي لفا يا هلا به

قلت البقا عد النفل والرياحين***يا شيخ شمل أهل الكرم والذرابه

قال اسلم الله يحفظك لي من العين***وآمر أوآمر حضرتك مستجابه

قلت الصراحه طالب قرب غالين***ودي تزوجني كريمتك يابه

ثنى وقال أهلين والله وسهلين***والكون ترخص لجل عينك رقابه

لكن ترى عندي شروط وقوانين***قلت اشرط اشرط ياحبيب الغلابه

قال اولا مهر العروسة ثمانين***غير الرسوم وغير حق العصابة

والثانية عمك يبي منك سبعين***رسم الأبوه والنسب والقرابه

وأم العروسه حقها منك ستين***عشانها ست الحسن والمهابه

واخوانها كلن يبي منك خمسين***عدا ونقدا تندرج في حسابه

وخواتها الخمس عطهن من ثلاثين***عشان تتوثق عروق النسابه

وتجيب طقم عيار واحد وعشرين***وخاتم من الماس المصفى ترابه

وأكياس متروسه كعوب وفساتين***ألوانها وأشكالها ماتشابه

وموتر بسواقه وفيلا بدورين***أثاثها من بطرته ينحكى به

واحجز لنا قاعه بقصر السلاطين***واحجزبها رقاصتين وربابه

هذي الشروط اللي على بالي الحين***وذكرني اللي ماحسبنا حسابه

قلت اذكر الله ياعدوالمساكين***واستغفره لايبتليك بعذابه

الظاهر إنك منت عارف أنا مين***أنا لو أرقى فوق متن السحابه

ماجبت حتى نص درزن مواعين***واضحك بكيفك واعتبرها دعابه

شروطكم هذي شروط المجانين***شروطكم شغل ابتزاز ونهابه

شروطكم تقصم ظهور البعارين***شروطكم همن وغم وكآبه

شروطكم والله سيوف وسكاكين***تذبح بنات المجتمع مع شبابه

وين الرضا والعطف واليسر واللين***اللي ذكرها الله بمحكم كتابه

وين الصفات اللي أمرنا بها الدين***وين اختفى نهج النبي والصحابه

ياعم جعل اللي خلقنا من الطين***يرد عقلك من خطاه لصوابه

ويجعل نصيبي عند غيرك قل آمين***ويحسن عزا الصابر ويجزل ثوابه

قال أنت لو فكرت تفكير صاحين***ما شفت في مجمل شروطي غرابه

حنا بعصر العولمه والمزايين***ماهوب عصر الفلسفه والخطابه

الناس تسعى للرتب والنياشين***وأنت اهتمامك بالشعر والكتابه

والشعر ماينفعك لو هو دواوين***مادام جيبك مثل بيت الخرابه

يابوك لاتسمع كلام المصاخين***واسأل مجرب عاش في وسط غابه

قلت الله أكبر يامحرر فلسطين***من يسمعك يحسبك ذيب الذيابه

قال انقلع مالت على وجهك الشين***لا عاد أشوفك عندنا يالزلابه

قلت ابشر ابشر لكن الباب من وين***وأقفيت من عنده على صوت بابه

انشاءالله تعجبكم ^^

الموضوع الأصلي: شاب راح يخطب بنت عمه ’’قصيده’’ | | الكاتب: سلووم | | المصدر: شبكة بني عبس

[نواف المثني]

اولا مهر العروسة ثمانين***غير الرسوم وغير حق العصابة

والثانية عمك يبي منك سبعين***رسم الأبوه والنسب والقرابه

وأم العروسه حقها منك ستين***عشانها ست الحسن والمهابه

واخوانها كلن يبي منك خمسين***عدا ونقدا تندرج في حسابه

وخواتها الخمس عطهن من ثلاثين***عشان تتوثق عروق النسابه

وتجيب طقم عيار واحد وعشرين***وخاتم من الماس المصفى ترابه

صـــــــــــــــح السااااااان قايلهاااااا

ومشكور على نقل القصيدهاااااا قصيده متعوب عليهاااااااا
ولكن وش ذا العم

مصيبه الله يكفيناااااااااااا شرهااااااااا
الضاهر انه العبيكاااااااااااااان على غفله

[((أصعب انسانه))]

والله لوكانت كوندليزا بعصرها ع العموووووم يعطيك الف الف الف عافيه ياذوووووق

[الشمــاليــه&&]

افا وش ذا
والله لوكان مافية غيرها بهالدنيا ماحط هاشروط كلها
تسلم اخوي عانقل وتقبل مروري’’’’’’’’’’’’’’’’’

[سكوتي عذابي]

ولله لو كانت من الحور العين
علا كذا بتشيب وهي عنده
العوض بعياله ليمات الشايب
يمكن يتصدقون علا هلمسكينات

[سلووم]

اقتباس من مشاركة نواف المثني اولا مهر العروسة ثمانين***غير الرسوم وغير حق العصابة والثانية عمك يبي منك سبعين***رسم الأبوه والنسب والقرابه وأم العروسه حقها منك ستين***عشانها ست الحسن والمهابه واخوانها كلن يبي منك خمسين***عدا ونقدا تندرج في حسابه وخواتها الخمس عطهن من ثلاثين***عشان تتوثق عروق النسابه وتجيب طقم عيار واحد وعشرين***وخاتم من الماس المصفى ترابه صـــــــــــــــح السااااااان قايلهاااااا ومشكور على نقل القصيدهاااااا قصيده متعوب عليهاااااااا ولكن وش ذا العم مصيبه الله يكفيناااااااااااا شرهااااااااا الضاهر انه العبيكاااااااااااااان على غفله

الله يسلمك ياخوي
شكرررر ع الحضور
الرائع

[يتيم الشوق]

هههآ يعطيكـ عآفيهـ ع الطرح ..~

مآننحرم من جديدكـ المميز يآلغلآإ .. ~

[بنت أبــــوهـا]

الله يعطيــك العافيـــه
علــــى الطــــرح الرائــع