[حامد الحنيفان]

الاخوة المشرفين والاعضاء والزوار على منتدياتنا العريقه قبيلة 0بني رشيد
السلام عليكم ورحمة الله وبركاتة0 وبعد يشرفني بان اطرح هذه القصيده وهي من نوع الغزل وهي احد قصائد والدي
الشاعر الكبير المعروف/ سعود بن حنيفان العويمري(رحمة الله عليه) ولم نحصل الاعلى القليل منها وهي اكثر من خمسون بيت والمعذره عن تكميل الباقي 0

ياراكبين العوص ردوا وصاتي = امانةً معكم توصل فضيه
قولو يقول سعود هرجً ثباتي = حليا الغزيل والغزيل حليه
راحت بكل الزين عن البناتي = بنت القروم اللي حمو كل هيه
واللي ثمانه بالوصايف تواتي = مثل البرد كل الحلا في شفيه
ياعود موزن ناعمً بالنباتي = مزينً غرسه بجال الركيه
اللي رقد معها مدام الحياتي = ياعيال والله مسعدً واهنيه
ياشبه وضحى ربعت بفرداتي = خط الرويكب وسمها جعفريه
ترعى جوانب حجرً سايلاتي = يازين رعيه بالفياض العذيه
خزيزة الشغموم عطب الفواتي = اللي نهار الضيق يلحق خويه
البطن بطن اللي طوتها السراتي = مروحه يوم المزاهب خليه
والعين عين اللي بدا النايفاتي = حرا لياشاف الحباري قضيه
وابو قرونً ياولد مايلاتي = حسب اعتقادي بالعدد حول ميه
والنهد بيض اللي رفت بالصفاتي = بيض الحمامه وان رفت له بفيه
حمرً نهوده ياولد قاعداتي = مامصها الرضاع عقب عشويه
وابو عضوداً ياولد مدمجاتي = شقحً بياضه مثل قلب الوديه
قلت انتي خلصتي ياضبي المهاتي = والا تبقى لك حقوقً عليه
قالت خلصة ولابقالي شفاتي = خلصة مخلاص الرجل عن خويه
يابنت قرمً يلحق المقفياتي = هذا تراه اللي طلبتي عليه
معكم وداعه يااهل المسمناتي = من خوف لاتلوم عليه فضيه
ياليتني وياه دب الحياتي = جالس معاها قاعدينً سويه
سوالفه احلا من حليب المشاتي = ليا قطفن العشب يم الحنيه
وضحن شماليات ومربعاتي = يرعن في روس الحزوم العذيه
كلش رباع اسنونها كاملاتي = اصغرهن اللي يوم ولدت ثنيه
يرعن من الشملي اليا بارياتي = برضً مرا ماهي دياراً وبيه
واليا قضى المرباع يجن وارداتي = على الحفيره يوم يمشي سريه
اليا شغلوها جابت الجم ياتي = عداً روي ماهي رسوسن ضميه
الشاعرالعروف/ سعود بن حنيفان العويمري (رحمة الله عليه)

الموضوع الأصلي: ياراكبين العوص ردوا وصاتي | | الكاتب: حامد الحنيفان | | المصدر: شبكة بني عبس

[سمري]

مشكوررر علي هذا لقصيدةالرائعه

[قاهر الاصفرين]

صح لـــــــسانه والله يغفرلــه
ويرحمه وسكنه فسيح جناتــه

والله يعطيك الف الف عافيـــه
علــــى النـــــقــــل [ تحياتي ]

[عيد حيان الرشيد]

الله يرحم والدك والله يعطيك العافية على النقل
وتقبل مروري

[عيسى بن راكـب]

الله يرحم الشاعر سعود بن حنيفان العويمري
شاعر من أعلام عبس وغني عن التعريف مثل هالقصائد يجب أن تحفظ
بيض الله وجهك يا ابو وليد ويقول المثل ( ما مات من خلّف )


تحيتي للجميع

[مُخاطِرْ]

الـلـهـ يــرحـــمـــهـ ويـــغـــفـرلـــهـ...
.
.
قــصـــيـــدهــ اكـــثـــر مـــن رائــــعــهـ،،،
.
.
وصـــحـ لــــســــانــــكــ ولاهـــنــــت...
.
.
(((تــقـــبـــل مـــروؤوري)))

[رسام الغروب]

رحم الله والدك
والله يعطيك العافيه على القصيدة

[احمد سبيتان]

الله يرحم شاعرها ولاهنت على النقل